بقى واقف مكان واحد وما عارف يعمل شنو داان؟الجابها هنا شنو البنت دي وعرفت كيف اني قاعد هنا وفي بيت ناس صهيب؟وما تكون قالت ليهم انو هي حبيبتي أو حاجه😟😟
لما عاين في وش أم صهيب لقاها عادية وبتتونس مع دان أما سهاد كانت متضايقة شديد ومكشرة وشها وكأنو الدموع عايزة تنزل من عيونها هو كان عارف انو حتحصل مشكلة في قنبلة حتنفجر بعد شوية💣
هم انتبهو انو فرذدق جاء خاشي دان قامت فوق ومشت ليه
- فرذدق ما حرام عليك تقول لي انك جيت السودان وبعدين ما القى ليك رقم كيف تعمل فيني كدا يعني أسي لو ما كان سألت أبوك وهو قال لي انك قاعد مع صهيب في دنقلا ما كان عرفت انت قاعد وين(طبعا نقاقة شديد البنت دي😣😣)
يالله ليه يا حاج عملت كدا ليه قلت ليها اني قاعد مع صهيب😣😣
-يعني يا ولدي ما حرام عليك تعمل في خطيبتك كدا؟
-شنوو؟خطيبتي؟
-دان دي مش خطيبتك؟وجات من عمان تشوفك لأنك من جيت هنا ما اتصلت عليها
- خليه يا خالتو ما تسأليه اصلا شكلو نساني
-معقولة يا بنتي هو بس بكون متفاجأ
فرذدق طبعا كان مصدوم من السمعو😹😹بقى يتكلم في سرو
-دي مصيبة كبيرة انا حاطلع منها كيف اسي البنت دي حاتورطني معاها حاتوقعني في مشكلة كيف تقول انها خطيبتي كيف؟ ورفاء؟للاااااا رفاء لو عرفت انا حاعمل شنو رفاء لا ا
- فرذدق فرذدق فرذدق بتفكر في شنو انت؟
-خلاص نحنا حانخليكم تتكلمو مع بعض يلا يا سهاد تعالي جوة
وخلوهم براهم
-ياخ انتي الجابك شنو ودي شنو الدرامات العملتيها دي وانتي خطيبتي من متين؟كيف بتسمحي لنفسك تجي هنا؟
-انت ليه بتصرخ فيني كدا؟انا جاياك من هناك عشان أرضيك ونرجع مع بعض وانا عارفة اني غلطانة واسفه حبيبي بالجد آسفة كتير وبعدين انا ما لقيت طريقة غير اني أقول ليهم انا خطيبتك لأني خجلت منهم
-أسمعيني يا دان اسي تشيلي حاجاتك وترجعي ومن غير كلام كتير
-ارجع كيف يعني؟انا ما حارجع الا انت معي
-انا ما راجع معاك مكان ولا حتى تحاولي بس شيلي حاجاتك واطلعي من البيت دا سريع فاهمه؟
-انت ليه بتعمل فيني كدا؟وانا جيت أرضيك وقطعت المسافة دي كلها عشانك وبعدين انت شكلك بطلت تحبني.
-دان نحنا تاني مستحيل نرجع لبعض تمام؟وبعدين انا ما راجع عمان لأني بديت شغل هنا عشان كدا يستحسن انك ترجعي وما تعملي لي ازعاج
-(بقت تبكي او عاملة فيها بتبكي😹😹)فرذدق انت ليه بتعمل كدا انا ما صدقت اني لقيتك كيف عايزني أمشي انا ما ماشة مكان الا وانت معي وك كيف تاني ما حنرحع لبعض اصلا نحنا ما افترقنا عشان نرجع
-نحنا ما بيناتنا حاجة وأحسن انك تفهمي الكلام دا تمام؟
طبعا دان ما حتسكت بعد عرفت انها انهزمت وانو فرذدق مستحيل يرجع ليها وحست انها خلاص فقدتو ف طبعا عندنا حل واحد بس بقت تبكي شديد وانت ليه بتعمل كدا يا فرذدق انا عملت شنو عشان تعاقبني كدا ما حرام عليك وأم صهيب سمعت البكاء طلعت هي وسهاد عشان يشوفوها مالها
-في شنو يا بتي مالك بتبكي
-يا خالتو شوفي فرذدق قال لي الا ترجعي وأسي لأنو زعلان مني وما راضي انو يرجع معي ولا حتى عايز يتكلم معي
-المواضيع ما بتتحلا كدا وبعدين هي اسي تمشي وين وهي ما بتعرف مكان في البلد دي خليها تقعد هنا معانا وبعدين انتو اتفاهمو براحه عشان تحلو مشاكلكم
-يا خالتو انا اعتذرت منو بس هو ما راضي يقبل اعتذاري ولا حتى عايز يتكلم معي
- فرذدق يا ولدي ما تعمل كدا هي اعتذرت منك خلاص وبعدين خليها تقعد الصباح رباح
فرذدق ما كان عارف يطلع من الورطة دي كيف أو يعمل شنو بس كان شايل هم انو رفاء تشوف دان او تسمع انها قاعدة طبعا سهاد شكلها خشت في حالة تانية لما شافت دان وقالت انها خطيبة فرذدق😹😹
وهو ما قدر يعمل حاجة او يقول ليها اطلعي من البيت وهي فكرت انها لازم تحاول تخلي يرجع معاها وما لازم تفوت الفرصة دي .
الصباح،،
فرذدق الليل كلو ما قدر ينوم😹😹قام من الصباح بدري لبس وعايز يتخارج يمشي المكتب لكن هي سبقتو وطلعت برة من جاء طالع من غرفتو
-فرذدق
فجأه اتخلع لأنو الزمن كان بدري ومافي زول حايكون صاحي لكن لقى دان صاحية منتظراه
-ماشي وين؟
-ماشي المكتب وبعدين لما ارجع القاك شلتي حاجاتك ومشيتي
-أمشي وين؟انت اكيد بتهظر انا ما حارجع الا ورجلي في رجلك
-دان ما تخليني أخرج من طوري لأني مستحيل ارجع معاك خلي الحاجة دي في بالك يلا باي
ومشى فتح الباب الشارع وطلع وهي لحقتو في الشارع
- فرذدق يا فرذدق
فتحت الباب وطلعت ليه
-ماشة معاك المكتب(لزقة خلاص😣)
-تمشي معي وين انتي مجنونة؟
فجأه رفاء طلعت من بيتهم ودا الكان خايف منو فرذدق رفاء اتفاجأت لما شافت البنت الشقراء اللابسة جيب شورت مع تنكا قصيرة واقفة مع فرذدق بقت متفاحأة فيها دي منو؟وبتعرف فرذدق من وين؟ومالها لابسة كدا وواقفة في الشارع؟
قربت منهم وقالت السلام عليكم
دان بقت تعاين ليها من فوق لتحت بطريقة مشمئزة😒😒
فرذدق قال ليها رفاء صباح الخير يلا خلينا نمشي المكتب
دان طوالي اتدخلت
-دي منو؟وتمشي معاك المكتب ليه
-دان ما بخصك فاهمه؟وخشي جوة
- لا ما خاشة الا أعرف دي منو؟
طبعا رفاء استغربت من لآمتها وليه بتتكلم مع فرذدق كدا قامت ردت ليها قالت ليها انتي المنو؟
- انا منو؟هه انا خطيبة الإنتي ماشة معاه المكتب دا
-خطيبتو؟
رفاء بقت مصدومة من كلامها وبتعاين لفرذدق عايزة منو جواب على كلامها ودا الكان خايف منو
-اي خطيبتو عندك أي اعتراض وبعدين يا بيبي انت بتعرف أشكال زي دي من وين؟
