كنت ماسكة الورقة في يدي بقرا فيها أقفلها تاني ارجع أفتحها ما عارفة ليه كنت ملبوشة كدا كنت بدقق في خطو وانو دا لي انا حتى الورقة كنت ماسكاها قوي كأني ما مصدقة انو دي حاجة من فرذدق هو رجع من برة بقينا نعاين في عيون بعض من غير ما واحد فينا يتكلم حسيت انو عيونو دي فيها اي حاجه انا عايزاها فيها كل الانا بتمناهو فيها الحنان الانا فاقداهو في أبوي فيها شعور بالأمان من الدنيا الظلمتني فيها معاني كتيرة حسستني بالراحة لما عاينت فيهم🥺صهيب جاء طالع برة لقانا واقفين بالطريقة دي وبنعاين لبعض بالطريقة دي كسر لينا النظرات دي كلها بكلمة
-فرذدق
فرذدق اتلفت مني وهو مهجوم
-اتأخرت كدا ليه تعال عشان أمين عايز ياخد رايك في القضية
- طيب جاي
أنا حسيت انو صهيب من الغضب الجواي كان ممكن يحرقنا فجأه اتضايق بطريقة كدا خلاني أخاف من نظراتو.
هم الإثنين خشو المكتب وانا بس كنت بفكر في كلام فرذدق الفي الورقة وهو عايز يشوفني عشان يقول لي شنو بقيت قاعده كدا لحدي نهاية الدوام ومافي واحد منهم طلع تاني من المكتب لحدي ما هم طلعو وماشين على البيت كانت الساعه عاملة ٤ طلعت معاهم وركبت ورا وفرذدق قدام مع انو صهيب ما كان بتكلم معي ولا حتى قال لي تعالي اركبي بس هم لما طلعو برع وخلوني جوة انا طلعت بعد مسافة ولقيتهم منتظرني ف ركبت من غير ما أتردد في الطريق حسيت انو الجو مكهرب ومافي زول بتكلم مع التاني وصلت البيت كانت الساعة ٤ وربع يعني فضل ١٠ دقايق عشان اشوف فرذدق غيرت ملابسي سريع سريع لقيت أمي بتعمل في الغداء ومبسوطة ومفرشة البيت وعاملة ليهو بخور وريحتو حلوة شديد
- رفاء امشي اخدي ليك حمام سريع والبسي ليك حاجة حلوة
-ليه في شنو
-مافي شي بس انتي اسمعي الكلام
احترت من كلامها في شنو كمان؟🙄لقيت حتى خالي جاء بدري من الشغل وكان قاعد في الحوش ومروق برضو انا مشيت أخدت لي حمام سريع سريع قبل ال١٠ دقايق تتم ولبست لي عباية وطلعت بره الشارع عن كمية التوتر والخوف والقلق الجاني لما شفتو واقف لي جنب بابنا وشكلو منتظرني من زمن لأني اتأخرت ٢٠ دقيقه من الزمن القالو لي كان مقلق لما جيت طالعة من الباب انتبه لي رفع راسو عاين لي
- انا آسفة عشان اتأخرت
-كفاية انك جيتي
-ممكن اسالك؟
-اتفضلي
- ليه قلت لي الاقيك هنا الساعة ٤ و٣٥ دقيقة اشمعنى
-هههه انتي اول زول يسألني من الزمن دا مع اني دايما بوعد بيهو أي زول لكن يا ستي الزمن دا عندي معاهو حادثة مأساوية عشان كدا ما بقدر أنساهو
-ايوا(فجأه اتذكرت أمي دايما لو في أي حاجه بتقول لي الساعة٤ و٣٥ دقيقه)حاجه غريبة
- رفاء انا عارفك بتكوني مستغربة لأني طلبت اشوفك بس حتى انا مستغرب أكتر منك
-في حاجة يا أستاذ؟
- رفاء بصراحة انا ما عارف انتي عملتي فيني شنو فجأه ومن غير اي مقدمات دخلتي حياتي وغيرتيها كلها م م م عارف انا اسي بتكلم معاك بصفتي منو ب ب س ما عارف أفهمك كيف ما عارف أفهمك لما انا شفتك اتلخبطت حسيت نفسي ملبوش ما قدرت أفسر دا شنو ما عارف أفهمك انو الشعور دا ما حصل حسيتو الا معاك انتي ما قادر أفهمك اني مهما أعاين ليك ما بقدر أشبع منك ولا أشبع من عيونك ما قادر أفهمك اني اتمنيتك رسمتك جواي كنت حاسس بيك قبل ما اعرفك ولما عرفتك حسيت اني بعرفك من سنين كأني ما شفتك كم مرة وبس يمكن من كترة ما انا بحلم بيك حسيت اني شفتك كتير قبل ما اجي هنا ما قادر أفهمك اني مبسوط قدر شنو لأني جيت السودان حبيت اليوم الخلاني أجي فيهو هنا والسبب الخلاني أجي فيهو هنا والناس البسببهم انا جيت هنا عشان أشوفك ما قادر أفهمك اني ختيت ليك مكانة كبيرة في قلبي وإني بنيتك جنة في جواي ما قادر أفهمك اني بحبك يا رفاء🖤✨
- انا عارف اني ممكن أكون اتسرعت وقلت ليك مشاعري بسرعة لكن انا ما عايز منك رد نهائ كفاية اني طلعت الجواي وابديت ليك عن مشاعري وانا كدا مرتاح نفسيا
انا في اللحظة دي ما ما ما قادرة استوعب ولا افهم انا اول مرة زول يقول لي كدا او زول يقول لي كلام زي دا او زول يطلع المشاعر دي كلها من قلبو بس عشان يقولها لي انا حاسة اني بحلم خايفة ما يكون فرذدق واقف قدامي ولا حتى بقول لي الكلام دا بالجد خايفة حسيت انو خيال قدامي وحيتلاشى شوية شوية غمضت عيوني مسافة افتكرت دا حلم فتحت لقيتو قدامي كان بعاين لي نظرة كلها حب بالجد دا الحب الأنا نفسي فيهو اي دا هو زاتو🥺دا الحب العايعوضني عن كل الأيام القاسية الأنا عشتها عن السنين الراحت مني وانا مجهولة الهوية عن الأذى عن عذاب ناس عمي لي دا الحب الأنا عايزاهو دا مناي من الدنيا دا الحب الكنت بفتش ليهو بين الخلق دا هو
