في محكمة سلطنة عمان الساعة ٤ و٣٥ دقيقة.
بعد ساعة.
-يا حاج جيب البشارة ربحت القضية
- الف الف مبروووك دا المستنيهو منك والله يا ولدي
- والله لو تعرف قدر شنو انا مبسوط لأنو القضية دي كانت بتهمني شديد
-الحمدلله انك نجحت فيها الله يزيدك يا ولدي
-ان شاء الله يلا يا أبوي خليك جاهز بكرة عشان نمشي للجماعة ديل.
- انا جاهز ما عندي أي حاجه منتظرك بس
-خلاص ان شاء الله بكره الساعة ٤ و٣٥ دقيقة نكون عندهم
-ان شاء الله
تلفون من صهيب📞
هه أكيد بكون عايز يسألني من القضيه
-اووو ود السودان يلا بارك لي سريع
-الو فرذدق
-أمين؟
-اي أمين كيف اخبارك
- والله تمام كيف انت
-فرذدق عايز أقول ليك انو صهيب عمل حادث وأسي هو في العناية😪
-شنو؟صهيب عمل حادث متين؟ووين وهو كويس ولا لا🥺
-أمس بليل كان سايق وخش فيهو دفار ووضعو صعب😩من أمس مافي استجابة وفاقد الوعي
- لا حولا ولا قوة الا بالله
- قلت أكلمك عشان لو لقيت طريقة تجي ما معروف البحصل شنو
-اي بجي اكيد حجي وان شاء الله ما بحصل شي
قفل منو والعرق بدا ينزل منو من الخوف والتوتر
-فرذدق مالك بتعرق كدا في شنو
-صهيب عمل حادث يا أبوي
-صهيب؟متين
-امس انا ياداب عرفت لازم أنزل السودان
-اي لازم تشوف صحبك وتعمل الواجب حاحجز ليك تذكرة أسي
في مكتب أمين..
- والله حرام عليك يا صهيب انت متين حاتخلي حركاتك دي الولد م فضل ليهو الا يبكي
-😹😹ياخ دي حاجه خفيفة كدا المهم هو يجي
- والله لما يعرف انو دا مقلب منك ما حايخلي فيك محل سليم
-مقلب مني انا؟انت الاتصلت عليهو على فكرة
-ايواا يعني في النهاية عملتها فيني؟انا اسي حاضرب ليهو قبل ما يجي واقول ليهو دا مقلب
وشال التلفون عشان يضرب
-لا لا روق ياخ خلاص انا السبب في دا كلو😹😹أمين كدا حاتروحنا والله انا ما صدقت انو قال جاي
-خلاص يلا اتكلم عديل
-حاااضر يا أستاذ أمين اي أوامر تانية؟😇
-أمشي أعمل القهوة مادام رفاء مافي
-😹😹انت والله حيرتنا وبعدين ذكرتني الليله رفاء حتفرق معي والله
-تفرق معاك؟
-أقصد القهوة بتاعتها😁
-اااه
لبست لي توب ومشيت البقالة عشان أجيب حاجات للبيت نحنا محتاجنها شلت الحاجات وجيت طالعة لقيت الشامي قدامي شكلو زهجان شديد جاء ماشي جنبي كأنو ما شايفني اصلا انا من العملتو أمو دا بقو آخر همي كلهم ما اشتغلت بيهو مشيت لناس خالتو نجلاء عشان أشكرهم على وقفتهم معانا لقيتهم قاعدين يشربو في الجبنة وعاملين البخور🤤طوالي قعدت معاهم واتونسنا وشربنا الجبنة خالتو نجلاء قالت ما حلوة نقعد من غير أمي قامت رسلت سامر عشان يناديها قام سامر مشى ناداها بعدين قعدنا كلنا وضربنا الجبنة بمزاج على سيرة الجبنة دي اتذكرت صهيب طوالي وكلامنا الأمس كنت بعاين لتلفوني على اساس انو يضرب لي ما عارفة ليه انا منتظرة منو مكالمة لكن نفسي يضرب لي😩
المهم قعدنا معاهم كدا بعدين قمنا رجعنا البيت انا شلت الحاجات الجبتها من البقالة دخلتها المطبخ تلفوني دق رفعتو لقيتو صهيب🤤رديت سريع سريع
-رفاء
-صهيب كيفك
- انا تمام؟انتي بقيتي كيف وخالتو بقت كيف؟
-كويسين الحمدلله
- قلت أطمن عليك أشوفكم الليله بقيتو كيف
-كويسين والله تسلم على السؤال
- والله ياخ واجبي، الليله بسببك أمين خلاني اعمل القهوة😩
-هههه عملتها ليهو؟
-اي لكن ما طلعت زي حقتك ياخ
هههه أكيد بكون قال عايز يفصلني عشان ما جيت
- لالا ما انا كلمتو انك تعبانة شوية وزاتو قال لي اوصل ليك سلامو وقال ليك كفارة
-😹😹دا أستاذ أمين قال كدا؟
-اتخيلي😹
-سبحان الله😹💔
-يا زولة اصبري انا يقعد معاهو تاني كم يوم كدا بظبطو ليك تاني ما بتعرفيهو
-مفعولك سريع كدا😹😹
- انتي لسه ما شفتي حاجه😹😹
المساء..
سلطنة عمان.
-كيف يعني تنزل السودان انت بتظهر صاح؟
-دان انا جادي معاك قلت صهيب عمل حادث ماشي اشوفو
-ويعني شنو لو عمل حادث دا ما سبب بخليك تمشي السودان و بعدين نحنا موعدنا بكرة وانا كلمت ناس البيت وهم منتظرك أقول ليهم شنو يعني اقول ليهم الأستاذ قال ما بقدر يجي لأنو سافر السودان صاح؟
- انا كلامي دا واضح قلت ليك صحبي عمل حادث عايزاني أخليهو براهو يعني وانتي بس همك في العرس ياخ ما قلت ليك بجيكم وكنت جاي لكن الظروف
- انت بس دي الكلمة البتقولها الظروف الظروف ياخ انت لمتين حاتكون جادي انا اقول لماما شنو
-قولي ليها العايزاهو انا ما ناقص ياخ
وقفل الخط في وشها.
المساء،،
خالي جاء من الشغل وجهزت الغداء اتغذينا قعدنا نحنا الثلاثة نتونس شوية والباب دق خالي مشى عشان يفتحو نحنا كنا قاعدين في الحوش لما فتح الباب لقاهو الشامي.
