انا وقفت مكاني ومحتاره معقولة فرذدق عايز يتقدم لي يمكن عايز يتقدم لي عشان كدا جابهم معاهم يمكن عشان كدا أمي بتجهز في البيت من الصباح وقالت لي أمشي البسي واتمكيجي وخالي جاء بدري عشان كدا اي صاح عشان فرذدق جاييني انا فجأه صحيت انا نفسي وعلى حلمي ما حايكون كدا لأنو أمي أصلا ما بتعرف فرذدق وما شافتو ولا مرة ولا حتى خالي طيب كيف يكون عارفين؟رفعت راسي عاينت لفرذدق لقيت عيونو كلها وجع وقهر ألم حسيت كأنو في دموع حتطلع من عيونو بقينا نتكلم بعيونا وشايلين كل الحزن الفي الدنيا🥺💔
عرفت انو في حاجه تانية وانا بعاين لصهيب وخالتو نجلاء وعمو ابراهيم وسهاد وسامر وانهم قدر شنو مبسوطين وأمي خالي فهمت الموضوع وانو صهيب الهو الجاي يتقدم لي ما فرذدق🥺💔
أمس..
صهيب(معناها رفاء بتحبني زي ما انا بحبها طيب انا انتظر ليه لازم أكلم أمي وابوي عشان نمشي نتقدم ليها عشان تبقى مرتي)
فرذدق لما رجع من رفاء.
-فرذدق تعال سريع البس
-ماشين وين؟
-أخوك ماشي يخطب ياخ
-شنو؟تخطب؟ودي منو؟(وهو خايف تكون رفاء)
- رفاء بنت خالتو اسراء
فلاش باك#
أنا كنت واقفه مليانة احباط جو كلهم سلمو علي وانا اكتفيت بإني أمد يدي من غير كلام حتى كلهم لاحظو لي أمي بقت تبرر لي بأني تعبانة شوية الوقت كلو وأنا بعاين لفرذدق كان نفسي بس أهرب ليهو أمي بعد ما دخلت الناس الغرفة وخالي قعد معاهم جات تشاكلني
-مالك بتسلمي للناس كدا وانتي مكشرة
- يعني انتي كنتي عارفة انهم جايين عشاني؟
-اي عارفة وبعدين انتي حتلقي زي صهيب ود نجلاء وين؟خليت ليك العصير جاهز في المطبخ امشي شيليهو وقدمي ليهم
سمعت كلامها من غير ما اجادلها لأني حاسة نفسي منهكه وما ناقصة جدال مشيت على المطبخ سهاد جات لاحقاني
- يعني يا عفنة انتي وصهيب بتحبو بعض وانا آخر من يعلم🙄 لكن فرحت ليكم والله😻😻جيبي العصير دا انا بقدمو انتي عروستنا ما مفروض تتعبي
أنا بسمع في كلامها لكن ما جايبة ليهو خبر وما حاسة هي بتقول في شنو مشيت قعدت بره جنب خالي وهم بتونسو ومبسوطين كأنهم اتفقو على أي حاجه حاجه وانا ما عارفة حاجه كل الوجوه كانت بتضحك الا انا وفرذدق مافي واحد قادر يفسر البحصل دا اكتفينا بالسكوت صهيب كان نظرو كلو علي وكأنو حقق كل انتصاراتو كأنو فاهم اني بحبو وحتى فهم أهلو كدا صاح يمكن انا بحبو بش كأخ يمكن اكون بالغت في تعاملي معاهو ونظراتي وكلامي بس انا كنت بتعامل معاهو بعفوية ما ختيت كلام حب في قلبي نهائ اعتبرتو أخوي وسندي في الدنيا ما كنت خاتة أكتر من كدا بس حتى الشعور دا الناس فهمتو غلط💔
أبو صهيب بدا يتكلم وكأنو عايز يخش في الموضوع
- طبعا انتو عارفين نحنا الليله جينا عشان شنو عشان نجمع رفاء وصهيب بالحلال وبعتقد انو كلكم عارفين انا بطلب يد بنتكم رفاء لولدي صهيب على سنة الله ورسولو ونحنا ما حنلقى أحسن من رفاء لولدنا
-ولا نحنا حنلقى أحسن من ولدكم لبتنا وما عندنا مانع بس رفاء توافق هي بنتي الوحيدة وانا ما بقدر أوافق الا بموافقتها هي
- طبعا طبعا انا ماعندي مانع راي رفاء مهم
كانو كلهم بعاينو لي وهم منتظرني اتكلم منتظرني أقول اني موافقه وما عندي مانع على صهيب فرذدق كان بعاين لي وهو مجروح بعاين لي وكأنو بقول لي قولي لا قولي ما موافقه كنت قادرة اقرا عيونو(رفاء قولي لا رفاء ما اتوافقي عشاني عشان الراجينا كتير انا وانتي رفاء قولي لا نحنا عايزين نعيش حياتنا سوا ما اتوافقي قولي لا)
أنا كنت بعاين لأهلي وأهل صهيب المبسوطين وعايزين يلمونا مع بعض وكأنو موافقتي دي حاتكون زي الزول الكان الحايموت وفجأه عاش انا كنت واقعة بين نارين ما عارفة اعمل شنو او أتصرف كيف🥺كنت بين أمرين أحلاهما مر كنت ما عارفة اجاوب بشنو وهم كلهم منتظرين إجابتي فجأه وبين السكوت دا كلو الباب بتاع الشارع اتفتح بقوة خش منو زول ثائر وغضبان خش منو الشامي فجأه كلنا قمنا من كراسينا هو كان زهجان بشكل كان هايج
- انا مش قلت ليكم دي بنت عمي وانا أولى بيها مش قلت ليكم الكلام دا مش انا أحق بيهل من أي زول مش قلت انها ما حاتكون لزول غيري طيب ليه تسمحو لنفسكم تعملو كدا؟
كان بصرخ بأعلى صوت ليهو انا حسيت نفسي مبسوطة عشان لقيت زول ينقذني حسيت كأنو أنقذني من الموت بدخلتو دي يا سلام!حسيت بطعم الانتصار كان ظاهر في وشي الفرح عكس باقي الناس الكانت وشوشهم ما بتتفسر من الزهج الساد عليهم فجأه كانت وشوشهم ما بتتفسر فجأه الأصوات بقت عالية بين صوت خالي وصوت أمي وصوت الشامي فجأه عمي ومرة عمي اتدخلتو بقت في جوطة ومشاكل عم ابراهيم اكتفى ب)عثمان نحنا حانجيكم في وقت تاني انتو حلو مشاكلكم)
