في البدء .. الرواية قيد الكتابة متى ما نزلت ايناس انا انزل يعني ما تسألوا من الباقي .. المواعيد ما بين الساعة ٦ و ال٩ مساء بتوقيت السعودية ..
قراءة ممتعة
ــــــــــــــــــــــــــــــــــــــــــــــ
(#هو_ثباتي)
_أثناء ما بنتغدا جاني تلفون من شادي اخوي،،رديت ليهو ب المفتري،،قال لي افتري عليك معقولة ههه كيفك،،قولته ليهو كويسة كيف انت وناس البيت؟؟،،قال لي كويسين بس أمي دي بعافية شوية،،قولته ليهو شنووو،،مالها خير!!،،قال لي كانت تعبانة من أمس بليل ووديناها المستشفى الصباح قالو جرثومة معده،،قولته ليهو من امس بليل يا شادي وجاي تكلمني اسي،،حرام عليكم،،قال لي والله ما حبينا نوترك ساي،،اسي بقت احسن،،قولته ليهو طيب انا شوية وبجيكم،،قال لي تمام،،،قفلتا منو واخدتا نفس،،رحيم قال لي خير في شنو؟؟،،قولته ليهو امي عيانة،،،قال لي سلامتها الف سلامة❤دقيقة احاسب ونطلع،،قولته ليهو طيب،،،مشى دفع الحساب وبعدها طلعنا،،،طول الطريق بلوم في شادي ووعد على انهم ما كلموني،،،،لحدي ما وصلنا،،،ضربتا الجرس،،جات الحبشية فتحت لي،،،وعد كانت قاعده في المطبخ،،جات طالعة قالت لي ننوستي،،قولته ليها ما تتكلمي معاي،،كيف يعني أمي تتعب وما تتصلي علي حتى💔،،قالت لي والله شادي القال لي ما اكلمك😢هي كويسة ما تعبت شديد،،،عبد الرحيم كيفك؟؟،،قال ليها الحمد لله كيف انتي يا دكتورتنا❤،،قالت ليهو دكتورة السجم والرماد بس الحمد لله😂😂😂اتفضل اتفضل،،،انا رميت شنطتي في أقرب كرسي وطلعتا غرفة أمي،،،دخلتا لقيت شادي قاعد معاها،أول ما شافني مسح وشو بيدينو،،حسيت كأنو ببكي💔،،أمي قالت لي إيناس،،،مشيت عليها وقعدتا جنبها،،قولته ليها سلامتك الف سلامة ياخي انا ولا انتي،،قالت لي بعد الشر عليك،،قولته ليها حاليا حاسة نفسك احسن؟،،،قالت لي أيوة الحمد لله،،،شادي قال لي يعني لو ما أمي مرضت ما كنتي ح تجينا ولا شنو😒،،قولته ليهو لا ياخي،،كنت ناوية اجيكم بكرة،،قال لي بطلي طلس،،بكرة الاحد،،لا ح تلقيني ولا ح تلقي وعد،،معناها جاية لامك بس صاح،،قولته ليهو بالظبط كده😂😂😂،،،أمي قالت لي جيتي براك ولا شنو؟؟،،قولته ليها لالا مع رحيم كنا متغدين برة،،قالت لي كرعلي يمة بكون فتران من الشغل،،كاراهو وجايبة معاك ليه،،كان تجوا يوم تاني بس،،،قولته ليها لو سمعك ح يزعل منك،،،شادي قال لي طيب نازل اقعد معاهو شوية،،،بعد طلع،،قولته لامي شادي مالو شكلو زعلان،،،قالت لي اا لالا ماف شي،،،انتي عارفاهو حنين من تعبتا أمس شكلو كان كده،،قولته ليها اهاا،،،طيب اخدي راحتك ح امشي أصلي المغرب وأشوف وعد،،قالت لي طيب
_______________________
طبعا نحنا في بيتنا خمسةة اكبرنا شريف متزوج وعايش في امريكا مع أبوي❤وبعدو أسيل ما متزوجه بس مستقرة برة في كندا دكتورة مخ وأعصاب،،بتجينا في الاجازات،،بعدها شادي مهندس بترول وماسك البيت محل ابوي وشريف،،بعدو أنا حتى وعد بتدرس طب أسنان❤،،،،أبوي وأمي انفصلوا من حوالي 12سنة بسبب أنو أبوي ما كان راجل مسؤول خالص،،يعني البيت والاولاد آخر همو،،،وكان بضربها بطريقة وحشية💔💔أمي قررت قرار الطلاق لما لقت شريف بحاول يشرب سجاير ويسف،،وقتها أمي عرفت انو نحنا ممكن ندمر بالطريقة دي،،وخاصة أنها حاولت كذا مرة تغير من أبوي وتصرفاتو بس م قدرت💔حست نفسها وصلت لطريق مسدود،،،كانت مديرة مدرسة وحاليا اتقاعدت،،،،،نزلتا تحت اتوضيت ومشيت غرفة وعد صليت،،،قولته ليها وربي حاسة نفسي نعسسسانة نفسي انوم نومة طويلة يخ،،فكرتا لقيتا ضامة رجولا عليها وشبه بتبكي،،قولته ليها وعد في شنو يا بت،،،بقت تتنهد،،قعدتا جنبها وعلى طول انفقعت بالبكا،،،قولته ليها في شنو ياخ وترتيني،،،انتي وشادي اصلكم ما طبيعين،،،قالت لي تخيلي شريف💔😭قولته ليها مالو شريف،،،قالت لي أمس مرتو ضربت لينا وهي بتبكي قالت ضربها وكسر ليها يدها،،البت بقت تخاف منو انتي فاهمه💔💔،،أمي اتكلمت معاهو بالتلفون بقى يتعصب ويقول ليها مش أبوي كان بعمل معاك كده ليه كنتي بتسكتي💔وبقول ليها انا غصبا عني بلقى نفسي ضربتها💔،،،دموعي جات نازلة لأني اتذكرتا معاملة أبوي لأمي،،،وعد قالت لي إيناس هو أبوي كان بضرب أمي!!؟💔💔،،فهموني حاجه عليكم الله😭😭💔،،يعني من وعيت لحدي اللحظة انا ما فاهمه شي غير أنهم اتطلقوا وخلاص،،،وشادي بقول لي ما بخصك وما تدخلي،،انتي فهميني ياخ💔💔😭ختيت يدي على كتفها،،،قولته ليها وعد انتي لسة صغيرة وو....نفضت يدي وقالت لي ياخ ما صغيرة،،صغيرة على شنو،،عاوزة أعرف الحاجه الانتو داسنها مني،،أبوي كان كريه لدرجه انو بضرب أمنا،،،قولته ليها وعد ماتقولي عن ابوك كده مهما حصل،،،شادي جاا لقى اصواتنا عالية،،قفل الباب وبقى يعاين لينا،،،ضما وعد عليهو وقال ليها يا وعد انا فهمتك براحه انو الحاجه الحصلت زمان مابتخصك ماشي؟!،،وحياة أمي وابوي زمان كمان ماليك علاقة بيها،،،وشريف انا بتكلم معاهو وبفهمو بطريقتي وبعرفو غلطتو،،،بس عليك الله بطلي بكا وبطلي اسئلة نحنا في غنى عنها طيب!؟؟؟،،،قالت ليهو شادي انا بس نفسي افهم،،ما طلبتا غير أني أفهم😭😭😭💔،،،قال ليها كلو في وقتو حلو،،يلا انا وايناس ح نطلع نخليك تقري شوية ماتنسي وراك امتحانات،،،قالت ليهو طيب،،،بعد طلعنا برة،،،قولته ليهو ده شنو العملوا شريف في مرتو ده؟!،،،قال لي شي طبيعي،،مستنية منو شنو،،وهو من طفل كان بشوف ابوهو بضرب امو بدون رحمة،،مستنية منو شنو وهو طالع نسخه طبق الاصل من ابوك💔،،ايناس انا ياما حاولتا اصلح علاقتي بأبوي بس كل ما اتذكر زمان والحاجات الحصلت لينا بكره نفسي وما بقدر اتعامل معاهو زي باقي الابهات،،،عارفة كل ما أشوف معاملة اصحابي لابهاتهم والعكس بحسدهم،،والله بحسدهم💔💔كان نفسي يكون أب الواحد يتباهى بيهو وسط الناس،،بس للاسف لسة في ناس أول ما تشوفنا يقولوا عاينوا ديل اولاد السكرجي،،والماعارف بقصة أبوي بعرف،،حتى أنتي متأكده انو معاملة أهل زوجك ليك ما عشان مابتجيبي أطفال وبس،،لا عشان هو أبوك 💔💔،،،،بقيت واقفة والعبرة خانقاني،،،قولته ليهو خلي بالك على أمي ووعد،،انا ماشة،،مسكني قال لي إيناس انا اسف،،بسببو بقيت م عارف نفسي بقول في شنو💔،،قولته ليهو ولا يهمك،،انا عارفاك أعقل واحد فينا❤ حاول أشغل نفسك عشان م تركز مع المواضيع دي،،يلا نتلاقى❤،،،قال لي تمام،،،،مشيت ودعتا أمي بعدين طلعتا مع رحيم،،،قلبي كان واجعني ما على كلام شادي عن الاطفال،،لا عن أبوي💔،،معاهو حق في كل كلمة قالها💔،،،،وصلنا بيتنا نزلتا بسرعة وفتحتا الباب،،،مشيت الحمام وبقيت أبكي ورحيم من بره بخبط فيهو💔،،،،أبوي غير في شخصياتنا انا واخواني،،،زمان لما كنتا في المدرسة ما عندي صحبات ولا بحب اي بت تجي بيتنا،،حتى لما دخلتا الجامعه كنت منعزلة عن الناس لابحب أحكي لزول عني ولا بحب زول يعرف انا منو ولا بت منو اساسا،،صراحه بخجل عديل كده لما يجيبوا سيرة أبوي💔،،،صح كنا أطفال بس الناس ابدا ما راعو للحتة دي💔،كانوا بدوسوا على مشاعرنا ويعملوا فيها ما قاصدين💔رحيم هو الوحيد البعرف يطلعني من أسوأ حالاتي ومهما كنتا كارهه نفسي هو بحببني فيها❤،،،،،بعد خلصتا بكى،،طلعتا لقيت رحيم غير ملابسو وجهز لي بجامه،،،قال لي استحمي وتعالي،،دخلتا استحميت،،،لما طلعتا لقيتو مجهز لي الفرشة والمشط،،سرحتا شعري،،بعدين جاب لي شرائح بطاطس ومسكني من يدي،،قال لي تعالي ارقدي وختيهم على عيونك عشان الهالات ما تبدأ تظهر اكتر من كده،،،رقدتا في السرير وختيت البطاطس،،،رحيم قعد جنبي وقال لي شوفي انا ماعارف البكاك شنو ولا منو،،بس أبدا ماتحاولي تقنعيني انك بتبكي عشان امك عيانة،،،،قولته ليهو صح م ببكي عشان كده،،،ببكي على الألم الخلاهو أبوي جوانا💔انت فاهم أننا لحدي اللحظة بنتجازى بسببو،،انا م قادرة اكرهو،،،وفي نفس الوقت م قادرة اتجاوز الماضي💔،،،قال لي هو في الاول والاخر أبوك،،،انا معاك أنو عمايلو أنتو البتدفعوا تمنها،،بس لو بقيتوا توقفوا كل زول في حدو وتبرزوا شخصياتكم وقتها ح تدخلوا اصابعكم في عيون اي زول،،،قولته ليهو انا هينة،،بس شادي زعلان شديد والذكرنا الكلام ده كلو شريف،،شريف ضرب مرتو...الخ،،،،شال البطاطس من عيوني وقال لي زحي لي شوية،،،،رقد جنبي وضماني عليهو،،قال لي متفق معاك انو الماضي ممكن يأثر في حياتنا بشكل كبير،،بس الحاجه دي معتمده علينا نحنا،،لو عاوزين نتجاوز ونعيش في المستقبل بدون الماضي ما يكون ليهو اثر فممكن❤،،وشريف لسة عايش في الماضي،،محتاج ليهو ضربة او صدمة تصحي من ضياعو ده،،م تفكري كتير انتي بس أدعي ليهو❤،،ويلا نقوم نصلي العشاء وبعدها ح اعمل ليك حاجه بتحبيها،،يلا،،،،،،قومنا اتوضينا وصلينا❤،،بعدها قال لي ح اقرأ ليك سورة الملك،،قولته ليهو الله❤،،،مسكتا يدو ورقدتا في الكرسي وهو كان قاعد في المصلاية،،بقى يقرأ لي❤،،بالجد ارتحتا جدا وانا بسمع السورة بصوتو❤،،،،بعد خلص قومني من الكرسي وشالني،،قولته ليهو ده قوام سوداني يا استاذ م فرنسي،،،قال لي ودي احلى حاجه انو سوداني،،اي نعم أنتي تقيلة بس عادي عادي مرتي ومجبور اشيلها،،ضربتو بنية في خدو قولته ليهو الجابرك شنو على شيلها يلا😒،،قال لي بحبها❤ وضربني براسو على راسي،،،،
_____________________
في جانب شادي وهو بتكلم مع شريف بالتلفون:-
اسمعني هنا مرتك م عندها ذنب تطلع فيها غضب سنين،،،،أنت عارف لو قدمت ضدك شكوى هناك الح يحصل ليك شنو!؟ والله الا تقرأ الفاتحه على روحك،،احترم نفسك واحترمها البت بت اصول وانتو بينكم أطفال،،لو ما عاوز تتصلح عشان نفسك اتصلح عشانهم❤ ما تخليهم يعيشوا الانحنا عايشنو ده،،،شريف قال ليهو خير ربنا يصلح الحال وقفل الخط،،،شادي دفن راسو بين يدينو،،أمي جات لقتو على الهيئة دي،،ضمت راسو على صدرها وقالت ليهو سامحني انت واخوانك م اخترتا ليكم أب كويس تفتخروا بيهو وسط الناس،،أنا اسفة اعفي لي يا ولدي.....💔
#سلام💜
