(#هو_ثباتي)
_العرسان وصلوا👣💞،،،منظر قصي ووقارو وهو مبتسم وماسك وعد كان احلى منظر💞،،ووراهو شادي ماسك ريف وهو بصلح ليها في الفستان مع ابتسامة جذاااابة،،،،قصي فكى وعد ومشى براهو على الكوشة،،وشادي كذلك فكى ريف ومسك وعد،،قال ليها مبرووووك حبيبتي أنا💞💛،،قالت ليهو الله يبارك فيك،،،ساقها لحدي ما وصلها لابوي،،أبوي باس راسها وبارك ليها وبدورو وصلها لقصي وقال ليهو حافظ عليها💞💛،،،قال ليهو ما بتوصى والله يا عمو وعد في العين قبل الرأس💞،،،بعدين أبوي مسك ريف من يدها وصلها عند أبوها،،وابوها بدورو وصلها وسلمها لشادي💛💞،،،قال ليهو ما ح اوصيك عليها💛،،شادي قال ليهو في عيوني الاتنين💛💞،،،،كنا جايبين فرقة كده بغنوا أغاني سيرة💞💞💕ومصورين وعاملين غداء،،المعازيم ما كانوا كتاار،،،،،عيني وقعت على أمي وأبوي وهم ماسكين يدين بعض💞💞كمية الحب الشايلنها في عيونهم ومتبادلنها دي فرحتني💞💞،،رحيم مسكني من يدي وقال لي طالعة احلى من العروسات،،قولته ليهو بطل بكش يلااا،،قال لي بالجد احلى واحده💕💕💕💋،،،،قولته ليهو انت كمان طالع عسل شديد حبيبي💞💛،،،قال لي اي عشان حبيبك لازم اطلع عسل💛💛💛💞💋،،،،،،أثناء الجرتق حتى أتذكرتا اسيل💞😂😂اتصلتا عليها ردت زعلااااانة ومنفووخة،،،صورتا ليها العرسان،،قالت لي كان نفسي اشوفهم بالزفاف😭😭😭💞💞قولته ليها برسل ليك الصور في الواتس،،،أمي وام قصي جرتقوا العرسان💞💞💛،،،وشادي كل دقيقة يقول لامي لسة،،نمشي ولا لسة،،أمي قالت ليهو الشفقة تطير ياخي💞😂😂😂😂😂مالك يا ولدي،،قال ليها جعان ياخ💞😂😂أبوي مشى جاب ليهو سندوتش وجاا اكلو ليهو😂😂😂😂،،شريف قال ليهو هانت هانت😂😂💞،،،،،بعد الناس مشوا،،فضلنا الأهل بس،،،،أمي ساقت وعد وريف جوه،،وأنا لحقتهم،،وصتهم على بيوتهم ورجالهم،،وانو ما دايما يبقوا الطرف البشد وبجيبوا النكد ونصايح زي دي،،آخر حاجه قالت ليهم الخراب سااااهل،،صعب العمار💛عشان كده ابقوا عشرة على بيوتكم،،احترموا نسابتكم وقدروهم💞💞،،،،قالوا ليها حاضر💞💞،،طلعنا الصالة لقينا الرجال قاعدين،،،ابوي قرأ ليهم سورة يس💞💞،،،ودعا ليهم كذا دعاء ووصى الشباب على البنات،،،،طبعا قصي ووعد ح يقضوا شهر العسل في بورتسودان الحبيبة💞،،،وشادي وريف اختاروا يقضوهو في جزر الباهاما💞💞💛،،،حاجهه فخمة كده💞.
_____________________________
بعد العرس بأسبوع من العرس،،،شريف قرر يرجع امريكا مع اولادو،،أمي قالت ليهو تانيي البيت ح يفضى علي💔،،قال ليها معاك الحاج يا امي وإيناس قريبة منك ويوميا معاكم،،وشادي كلها اسبوع ويجي راجع،،،وأنا واسيل كل اجازة ح ننزل ونقضيها معاكم💞💛عاارفة يا أمي انا يادوب حسيت نفسي خفيف وطاير من الفرح،،عيلتنا رجعت اتلمت بالحب من تاني،،الله لا فرقنا💛💛وقبل اسافر يا أبوي اعفي لي كل حاجه كعبة او كلمة شينة طلعت مني💞💛أبوي قال ليهو عافي ليك يا ولدي،،أبقى عشرة على مرتك واولادك💞💞،،،شريف قال ليهو إن شاء الله💛،،،،،،،،بعد شريف سافر بقيت بمشي لناس امي بشكل يومي💞💞،،،،يوم رحيم قال لي رايك شنو تشتغلي في الكافي؟؟،،قولته ليهو وشغل البنك،،قال لي قصدي مساء،،احسن ليك،،نكون مع بعض هناك ونرجع بليل💛💞،،قولته ليهو ما عندي مشكلة💞💞انا معاك في اي حاجه،،قال لي الله لا يحرمني منك،،قولته ليهو ولا منك يا عروق قلبي أنت💛💞💞،،،،،،شادي وريف جو من شهر العسل،،،مشيت ليهم المساء انا ورحيم،،،ياخي ماشاء الله جوو مزز😂😭😭😭💛💞،،،قولته لريف ما طولتووو لكن،،قالت لي من حقنا🙈💞💛،،قولته ليها امشي يا حقيرة😂😂،،بقت تضحك،،قالت لي جدا جدا😂😂،،،وعد وقصي قالوا ح يقعدوا أسبوعين كمان😢💞حظهم،،،قولته ليها اي والله،،،،،شوية وشادي ناداها في المطبخ،،،،أول ما جاتو جراها عليهو،،قالت ليهو مناديني عشان كده،،بقى يضحك قال ليها لالا،،باسها وقال ليها عشان كده💛،،ضربتو في كتفو،،قالت ليهو عيب اهلك برة،،قال ليها وانتي هنا مرتي وأهلي💞،،،حضنها مسافة بعدين فكاها💛😂😂😂،،،،عدت فترة كده ونسيبتي قررت تسافر تشوف اولاد مودة،،سليمان رسل ليها زياره،،ورحيم ظبط ليها أمورا،،،،سافرت وتيسير جات قعدت معاي الفترة ديك💞💞💛،،،،فاطمة كان ثابت عندها بتجيني كل خميس المساء تتونس معاي كداااا بعدين بترجع بيتها💞💞،،،،وتيرة الحياة كانت ماشة بشكل حلو جدا💞💞خاصة انو انا ورحيم بقينا ما بنشتغل بكلام الناس نهائيا عايشين حياتنا آخر رواقة وانبساااااطة💛💛.
_______________________
مرت سنوات جميلة علينا💞💞،،،وعد بقت أم لآدم💞،،،وشادي عندو بت وولد جنة والطيب،،،كانوا بقولوا لي ماما إيناس💞💞💕،،،،،،،قصي مواصل في شغلو وحياتهم هو ووعد كانت ظابطة،،وعد التزمت التزام كامل بالحجاب،،عملت كم مؤتمر صحفي بتدعم فيهو حقوق المرأة هي وريف💞💞،،،انجزوا شغل حلو شديد وبقوا متصدرين السوشيال ميديا،،عالجو مشاكل كتيرة بتمر بالبنات،،ووقفوا جنب كل مغتصبة بتلجأ ليهم وكانو بدعموها نفسيا💕💞،،،،،اغتصاب الاطفال في السودان اختفت اثارو بشكل نهائي بعد ما القانون كان بيعدم المغتصب في ميدان عام،،،،أمي وأبوي كانوا بعملوا فحوصات كل فترة وفترة عشان يطمنوا على صحتهم💕💞،،،،نسيبتي سافرت الحج و معاها تيسير،،فاطمة خلت الردح والمشاكل💛😂😂😂،،،،ملاذ بقت صحبتي طبعا،،وكنتا كل ما اشوف بتها بتذكر ليلى💔،،،،،،،،،أكتر حاجه كانت باسطاني أنو رجالنا داااعمين لينا بشكل كبيييير وواقفين معانا على امل نغير في المجتمع لسة للأحسن💛💞،،وبالجد ريف اثبتت أنها بت لامي وابوي فعلا قبل تكون مرت ولدهم،،بأدبها واحترامها وتقديرها ليهم💛💞💞💋،،،طبعا شادي مخليها تلبس على الموضة وعلى راحتها،،،ودايما بقول ليها أنو فخور بيها وبأي إنجاز قامت بيهو💋،،بدت فكرة الملجأ بس يادوب بتخطط تعمل شنوو💋💋.
أنا ورحيم حبيبي حياتنا ابتدت بالحب وح تستمر بالحب💞💞لسة عندنا امل أنو ربنا يرزقنا بيبي💕💕،،،،كان كل فترة والتانية بعمل لي مفاجأه لكسر الروتين😭💕💕💕،،،،،،الليلة كنتا قاعده في البيت وبشوف في صور جنة والطيب الصوررتهم ليهم أمس،،،رحيم جاا من شغلو لقاني بتفرج على الصور،،قعد جنبي وضماني،،قال لي حلوين حلا،،قولته ليهو شديد😂💋💕💕بس تصدق اشتقتا لآدم بكرة ح اكلم وعد تجيبو لي من الصباح💕،،قال لي فكرة،،،إيناس اليوم ده ما ذكرك بحاجه؟؟،،قولته ليهو حاجه زي شنو مثلا،،،قال لي اممممممم حاجه زي عيد زواجنا مثلا ههه💋💋،،قولته ليهو يا الله دي السنة الكم انسى وبعلي😭😭،،قال لي أنا هنا عشان اذكرك💋💕،،،أول شي ألف الحمد لله عليك،،تاني شي كل العمر مع بعض💋💕،،تالت شي ان شاء الله نفضل مبسوطين على الدوام،،،أنا ربنا بحبني علشان رزقني صحبة طيبة وحنينة وزوجة ماف منها اتنين،،،مسانداني دايما وواقفة جنبي،،،إيناس مهما اتكلمتا ما ح اوفيك حقك بس عاوزك تعرفي أني برييييدك كلي من قدمي لسبيبة راااااسي....💕💕💕👣.
#الاخيرة
فاضل بس التكلمة ومعاها مفاجأه صعنونة💕👣.
