في البدء .. الرواية قيد الكتابة متى ما نزلت ايناس انا انزل يعني ما تسألوا من الباقي .. المواعيد ما بين الساعة ٦ و ال٩ مساء بتوقيت السعودية ..
قراءة ممتعة
ــــــــــــــــــــــــــــــــــــــــــــــ
(#هو_ثباتي)
_شادي بقى يعاين ليهو بدون يرمش،،مسك نفسو بالغصب وقال لي اصحابو طيب يا شباب نتلاقى بكرة،،كانت قعده ظريفة❤ بعد اذنكم،،،،مشى على اتجاه عربيتو،،الراجل لحقو،،قال ليهو عاوز اعرف بس ابوك وين؟؟،،شادي قال ليهو انت راجل كبير في العمر وأنا م عاوز اغلط معاك فلو سمحتا خليني في حالي،،ابوي البتحكي عنو ده مات،،اتولد محلو واحد تاني،،وركب عربيتو واتحرك،،وهو في الطريق اتصلت عليهو وعد،،قال ليها وعد انا سايق،،قالت ليهو ما بعرف بس جيب لي معاك بيبسي وبيتزا،،بيتزا بيبسي بيبسي بيتزا،قال ليها بزهج ياخ كده لمن اصل،،قالت ليهو خلاص م عاوزة وقفلت الخط،،،وقف العربية ونزل منها،،،كان واقف وبدعي الثبات وهو على عكس كده تماما💔،،،رجع اتصل على وعد م ردت،،ركب العربية ومشى اقرب مطعم اشترى ليها بيتزا جامبو وبيبسي قزازتين❤،،،،لما رجع البيت،،لقى امي بتحضر في التليفزيون،،سألها من وعد،،قالت ليهو في غرفتها شكلها نايمة،،،طلع فوق خبط باب الغرفة بس م فتحت ليهو،،ضربو تلاتة مرات بعدين دخل،،،كانت طافية النور ومتغطية،،ولعو وجرا منها الغطا،،قال ليها جبتا ليك البيتزا،،يلا يا ببا قومي،،قالت ليهو ما عاوزة وما تقول لي ببا تاني،،قعد جنبها وجراها من شعرها قال ليها عارفة أني مضغوط في الشغل وانتي بتكرري الكلام زي الببغاء،،حقك علي يا ببا هااا جبتا ليك بيتزا جامبو وقزازتين بيبسي،،،قالت ليهو شادي أنت حتى لو مضغوط في الشغل وعينك طالعة،،عمرك ما اتكلمتا معاي بالنبرة دي،،،،مش نحنا أصحاب،،يلا احكي لي،،،قال ليها بحب واحده وما معبراني،،قالت ليهو صدقتك😒،،،بقى يضحك قال ليها اعمل ليك شنو طيب😂😂لازم اخترع ليك قصص عشان تصدقي اني بس مضغوط في الشغل وما في شي تاني،،فتح ليها البيتزا واكلها أول قطعهه❤،،قال ليها يلا اكليها ونومي طوالي،،قالت ليهو أقعد آكل معاي،،قال ليها فل والله،،،يلا نتلاقى الصباح،،قالت ليهو طيب شكرا شديد يا حبيبي الما ح ألقى زيو،،،اريتك حبيبي بس يا شادي😂😂😂❤ قال ليها اتلمي يا بت هوي😂😂،،قالت ليهو الله يعين مرتك بس انا من اسي غيرااااانه منها موووت😒،،قال ليها غيري سااااي😂😂،،،طلع ومشى على غرفتو،،،
______________________
اما انا ورحيم فرجعنا بيتنا،،،أول م وصلنا،،مشيت الغرفة عشان اغير الجلباب،،رحيم مسكني،،قال لي عليك الله خليك بيهو❤ وهو ببتسم ساااي،،،قولته ليهو ليه،،انا ما حباهو،،،قال لي عارف بس خليك بيهو ماشي،،قولته ليهو ابيت😒وكمان بتضحك،،،اتفكيت منو ومشيت الحمام،،غيرتا بواحد أقصر منو،،،لما جيت طالعة قولته ليهو هاااااي،،،قال لي بهمس بتكلم بالتلفون،،،مشيت ووقفتا قدامو،،كان بتكلم مع واحد شغال معاهو،،،قال ليهو لالا م تتم بيعة العربية دي،،قول ليهو محجوزة،شوف ليهو اي نوع تاني انا عاوزها،،أتصرف يا عامر الله يرضى عليك لحدي ما العربات الجديدة تجي،،ختيت يديني على صدرو❤مكسني بيد واحده من خصري،،،قال لعامر المهم انا بظهر عليك بكرة بعد الضهر كده،،لا الصباح عندي مشوار،،طيب يلا،،،قفل منو ورمى التلفون في السرير،،،قولته ليهو رحيم،،،قال لي يعروق قلب رحيم أنتي❤بقيت امشي يدي على وشو بطريقة غريبة وكأني بحفظ ملامحو من اول وجديد،،ركزتا يدي على لحيتو،،قولته ليهو بحبها ياخي❤،،قربني عليهو باس راسي مسافة،،بعدها قال لي ما نفسك تحبيني أنا،،،قولته ليهو انا اساسا بحبك دي حاجهه م عاوزة ليها كلام+بكرة عندك مشوار شنو!؟،،،قال لي ماشي لواحد صحبي عندي معاهو موضوع كده لو ظبط ما تتخيلي ربنا ح يفتحا علينا قدر شنو❤قولته ليهو اسي الحمد لله فاتحا علينا،،قال لي أيوة الحمد لله والحمد لله حمدا كثيرا طيبا كمان عليك انتي تحديدا❤،،اترفعتا لفوق شوية وبقيت احوص ليهو في عيوني،،،بقى يضحك،،طبعا هو ما بعاين لي طوالي عشان بفصل،،فبحاول بقدر الإمكان يعمل رايح من نظراتي،،لما لقيتو مبتسم،،قولته ليهو رحيم عاين لي،،،رفع عيونو وبقى يعاين لي جوه عيوني،،،قولته ليهو أنا حاسده نفسي عليك فاللهم لا حسد❤،،عاوز يتكلم،،تلفونو رن،،شالو لقاها دي امو،،،قال ليها أي يا أمي،،قالت ليهو موده دي جات قبل شوية وطلعت نامت لأنها مصدعة،،قال ليها تمام تمام،،،قالت ليهو أي وعليك الله بكرة اغشاني بعد شغلك ضروري في موضوع كده عاوزاك فيهو،،قال ليها حاضر،،قفل منها،،،قولته ليهو خير،،،قال لي أمي قالت مودة جات قبل شوية،،انا لي فترة ملاحظ ليها،،،لازم اقعد واتكلم معاها،،،بتخلي اولادا ديل من الصباح وتطلع،،لابتعرفهم اكلو شنو ولا شربو شنو ولا مستواهم عامل كيف،،،،قولته ليهو ما عارفة بس من راي انصحها وخلاص،،لانو هي مرة متزوجة،،يعني زوجها بس ليهو حكم عليها،،غير كده لا،،،قال لي زوجها البنزل من سنة لسنة ده،،انا ماعارف كيف في رجال بالشكل ده،،أي نعم الشغل مهم وأنك تعلم اولادك وتصرف عليهم بطريقة كويسة تسهل ليهم حياتهم،،بس كمان الشي الأنا بعرفو المرة بتكون محتاجه لزوجها في نفسو،،مابس عشان المصاريف او عشان الاولاد،،،قولته ليهو صاح،،زي ما انا محتاجاك حاليا كده ههه❤🙈،،،،قال لي بتطرحي لي كمان لالا انا عاوز انوم وبقى بتثأب😂😂😂😂،،،قولته ليهو ماف مشكلة أبدا،،نوم الهنا حبيبي💋،،كنتا طالعة من الغرفة مسكني وضماني عليهو وهو بيضحك بأعلى صوت😂😂😂😂،،بقيت أضرب فيهو،،قولته ليهو فكني لو سمحتا،،قال لي ياخ بالله،،،ما بفكك وكمان عاملة زعلانة،،،أنتي كان المفروض يغنوا ليك الجميل طبعو الزعل😁😂،،قولته ظريف😏،،،،قال لي قادرة تصلي هناك ولا اشيلك؟؟!،،،
___________________________
الصباح لما صحيت لقيت رحيم بعاين لي،قولته ليهو صباح الخير❤،،قال لي الصباح الماببدا بيك ما المفروض يكون اسمو صباح❤ يسعد صباحك💋،،،قولته ليهو صاحي من متين أنت!!؟،،،قال لي من حوالي ساعة كده،،،قولته ليهو وأنا مبتسمة ليه الساعة كم؟!،،،قال لي 7وشوية،،قومتا مخلوعة قولته ليهو بتبالغ مخليني نايمة للزمن ده،،واي يا رحيم اخس عليك😭😭👊👊👊اسي متين الحق أجهز وامشي،،اووف ياخ،،قال لي بتلحقي م تخافي،،انا قايم اعمل لي شاي تشربي؟؟،،قولته ليهو وبتسأل ككمااااان👊👊،،،قال لي لا انتي يستحسن تشربي عصير،،،يلا قومي استحمي وجهز نفسك،،قولته ليهو طيب،،،قومتا سرعة سرعة ظبطتا اموري،،وجهزتا نفسي،،،طلعتا برة لقيتو مجهز لي العصير،،شربتو باستعجال،،،قولته ليهو ح اخد امجاد ما ح استناك لما تلبس،،قال لي انا اساسا ما طالع آسي،،ح اوصلك واجي راجع تاني،،وبعدين صلحي المشبك على شعرك زي الناس،،،صلحتو وقولته ليهو يلاااااا،،،،طلعنا من البيت والحمد لله الشوارع كانت فاضية،،،وصلني ورجع البيت.
_____________________
شادي كان موصل وعد الجامعه،،وطول السكة بتغني ليهو ويلي يا ويلي يا ويلي يا ويلي،،،قال ليها بشوتك برة العربية دي م تغني ياخ،،صوتك بشع،،شنيع جدا،،قالت ليهو يا حليلي البوصلوني بذلة😭😭،،،مابعرف بس عاوزة عربية انااا،،قال ليها تحلمي بيها حلم فاهمهه،،يلا انزلي وانجزي وانتي بتراجعي للناس ديل،،،قالت ليهو كلها ساعتين بس وح ارجع البيت،،ولا اجيك المكتب؟،،قال ليها لالا،،ارجعي البيت دغري👊👊،،خلاها لحدي ما دخلت الجامعه بعدين اتصل على رحيم،،قال ليهو صباح الخير،،رحيم قال ليهو صباح النور كيف الصحه،،قال ليهو تمام نحمد الله،،أنا ساعه ونص كده وبكون عندك عشان نخلص موضوع البيعة،،رحيم قال ليهو طيب تمام.
______________________
المساء بعد شادي ورحيم خلصوا الاجراءات بتاعت العربية❤،،،رحيم جاا وساقني،،قال لي ح نمشي لناس أمي،،لانو قالت عاوزاني في موضوع،،قولته ليهو طيب انا مرهقة والله حتى ما شايفة قدامي من التعب،،رجعني البيت وانت امشي ينفع؟؟؟،،،قال لي لا م ينفع،،كلها ساعة بس ونرجع بيتنا،،،قولته ليهو ماشي ماشي،،،مشينا ليهم وموده كانت قاعده حتى اختو فاطمة كانت معاهم،،،سلمنا عليهم وقعدنا،،،بعد ادونا موية وكذاا،،امو قالت ليهو ما كان في داعي تجيب مرتك معاك شكلها مرهقة،،ولا زي المجبورة تجي،،،رحيم قال ليها بالعكس انا اصريت عليها ترجع البيت بس رفضت،،قالت عاوزة تجي تسلم عليكم❤،،،فاطمة قالت لي غريبة مع انو ليك زمممن من بيتنا ده،،، مودة قالت ليها ااااي،،شكلها جاية تعرف موضوع رحيم مع امي شنو بس ههههه،،رحيم قال ليهم اسمعوني هنا،،انا من قبيل ساكت عشان محترم أمي ومحترمكم،،،بس كلمة زياده انا تاني رجلي ما بجيبا البيت ده،،،امو قالت ليهو مالك يا ولدي عامل زي المحرشنك علينا،،بري بري انت ما عبد الرحيم الأنا بعرفو،،قال ليها عليك الله يا أمي تحريش شنو انا راجل وعارف انا بقول في شنو،،والحق ده حق،،وبصراحه كده وعلى بلاطه انا مرتي دي ما برضى فيها نص كلمة.....💜
#سلام🚶
