(#هو_ثباتي)
_شادي قال لينا خلوكم جنبها،أنا ح اتصل على شريف وبعدين أسيل،،قولته ليهو طيب،،،قعدتا جنب أمي ووعد رقدت في رجولها💕قالت لينا نفسي اشوفكم كلكم ملمومين في البيت ده من تاني،،،قولته ليها والله ح نتلمى بس أنتي خليك معانا💕،،وعد قالت ليها ح ينزلوا أنا متأكده،،،وبعدين أقعد اتعاور مع "طيف ومحمد وفداء"💕💕،،،أمي قالت ليها ان شاء الله يجو،،،قلبي مقطوع فيهم وروحي متشحتفة،،،شادي طلع غرفتو اتصل بشريف مكالمتين،،ردا ليهو أبوي،،،أول ما قال ألو،،شادي كان ناوي يقفل الخط،بس مسك نفسو،،قال ليهو ممكن تديني شريف💔،أبوي قال ليهو شادي،،كيفك يا ولدي،،،شادي قال ليهو كويس بس عاوز اتكلم مع شريف،،،،قال ليهو طيب،،،،شوية كده وشريف قال ألو،،شادي قال ليهو الا يسألو منك يعني!!!،،،شريف قال ليهو امممم،،في شنو يا شادي،،،قال ليهو شكلك نايم،،قال ليهو أيوة،،لخص،،،قال ليهو طيب اسمعني أمي دي عيانة💔،،قام على حيلو وقال ليهو عيانة كيف يعني!!،،قال ليهو عديل كده عيانة،،وما معروف يكون عندها شنو،،بس هي بتقول سرطان ثدي💔،،،شريف قال ليهو لالا ياخ،،،انتو ما اتاكدتوا لسة؟؟،،قال ليهو ح امشي معاها المستشفى بكرة،،بس هي نفسيا كده متأزمة،،أنا ما عارف ظروفك شنو حاليا،،بس ممكن تنزل ولو أسبوعين عشان امك؟؟،،صدقني هي محتاجانا كلنا اكتر من اي وقت تاني،،وياريت تنزل انت وأولادك،،،شريف قال ليهو وابوك؟؟،،ابوك يا شادي اجيبو معاي،،،شادي سكت شوية بعدين قال ليهو شوف هو عاوز شنو،،لو وافق يجي خليهو يجي،،ولو رفض خليهو هناك على راحتو،،قال ليهو تمام،،،برتب اموري وبنزل قريب💕💕،،،،قفل منو واتصل على أسيل ما ردت،،طوالي رسل ليها في الواتس مقطع صوتي بحكي ليها عن الحصل وضرورة وجودها جنب أمي في اللحظات دي💕،،،،،،،بليل رحيم اتصل علي،،رديت ليهو بلهفة غريبة رحيم،،قال لي إيناس كيفك!!،،قولته ليهو كويسة،،قال لي امممم تقريبا قولتي ح توريني قرارك اليوم صح؟؟!،،،قلبي اتقبض شديد وقولته ليهو ما وقتو يا رحيم،،،صراحه أمي دي.....الخ،،،قال لي سلامتها الف سلامة ربنا يطمنكم عليها💕،،قولته ليهو امين،،،بس اطمن عليها ح اتصل عليك نقعد ونتناقش في الموضوع ده،،عشان القرار الأنا أخدتو ممكن يصدمك،،،قال لي أيا كان ح اتقبلو😊،،،قفلت منو ومشيت غرفة امي،،لقيت شادي راقد جنبها وضاميها زي الشافع،،طبعا من زمان كنا بتقول لأمي انتي بتحبي شادي أكتر مننا وحتى هو يعني ما برضى في أمي نهائي،،زمان لو مسكها صداع هو بقعد جنبها للصباح💕،،،،،قولته ليهو شادي،،قال لي أيوة،،،قولته ليهو شكلك نسيت بكرة الجمعه،،إلا تستنى السبت حتى تمشي تقابل بيها،،قال لي أي صاح،،،ح نمشي السبت،،،قولته ليهو هي نامت من متين؟؟،،قال لي قبل ساعة كده،،،أسيل اتصلت علي قالت قدامها اسبوع بالكتير وتنزل،،قولته ليهو حلو،،،وشريف؟،،قال لي قال يرتب امورو بس واحتمال ابوك يجي معاهم💔،،ما عارف بس نهائي ما جايني احساس زعل ناحيتو او كره او حب،،عادي يعني،،،قولته ليهو العادي ده أسوأ من الحب والكره،،لحظة تكون ما فاهم أنت المفروض تعامل الإنسان ده على اي أساس،،قال لي فعلا،،،،قام من جنب أمي واتسحب براحه،،قال لي تعالي عاوز اتكلم معاك في موضوع،،،قولته ليهو يلا،،مشينا الحديقة برة،،قعدنا،،قال لي عاوز اعرف القرار الاخدتي بخصوصك أنتي ورحيم،،سكتا مسافة،،،قال لي طيب لو ما حابة تقولي عادي،،،بس مهما كان قرارك صدقيني أنا ح ادعمك فيهو💕،،،قولته ليهو خليك مني،،،ناوي تخبي عني موضوعك انت وريف،،زي ما عملتا المرة الفاتت مع حبيبتك القديمة،،ضربتو في كتفو،،قولته ليهو الا كلمتني وعد،،للدرجه دي صاحبتها ونسيتني،،قال لي لالا ياخ ههه،،،طيب يا ستي موضوعي أنا وريف ده لسة بدري عليهو على الأقل الفترة دي،،نطمن على حنون بالاول💕 وبعدين ح افاتحها في الموضوع،،عارفة يا إيناس،،أكتر شي جذبني فيها أنها صريحه وونستها مريحه وعفوية💕،،قولته ليهو ربنا يجعلها من نصيبك💕،،قال لي اللهم امييييين،،،،غايتو لمحتا ليها واتقبلت الكلام،،،يبقى اكيد حاسة بنفس الأنا حاسس بيهو صاح؟؟،،قولته ليهو اكيد💕،،،،وعد جات من برة وبتمسح في دموعها،،،شادي قال ليها ببا،،جات علينا،،سلمت وقعدت،،شادي قال ليها بتبكي مالك؟؟،،،قالت ليهو ولا شي،،،قال ليها بالجد مالك أحكي لي،،،قالت ليهو ياها قصص الاغتصاب الحايمة دي على مرض ماما كلهم قلبوا علي ولقيت نفسي ببكي،،قال ليها اتفائلي،،أن شاء الله ربنا ح يوااليها بالعافية💕،،وبالنسبة لقصص الاغتصاب فأنتي من خلال برنامجك وعيتي ناس كتيرة وفتحتي عيونهم على المجتمع المليان بالذئاب البشرية ده،،،فخليك مواصلة في مشوارك واكيد ح يجي يوم تنتهي فيهو القصص دي كلهااا،،،قولي يارب،،قالت ليهو يارب،،،شادي انا بحبك،،قام فوق وقال ليها تعالي تعالي،،ضماها مسافة وباس راسها،،،انا كمان ضماني وباس راسي،،قال لينا يلا طالع واحتمال أتأخر،،اتعشوا هاااا،،،قولنا ليهو طيب💕.
