(#هو_ثباتي)
_رحيم مسك يدي وقال لي عيونك بلمعوا❤،،قولته ليهو ما تتخيل انا حسيت بشنو بعد كلامها ده❤ حب عظيم لأمي بالجد،،،قال لي امك وحتى ابوك الاتنين يستاهلوا الحب العظيم ده❤ح يجي يوم اولادنا يرفعوا راسهم ومناخيرهم في السماء انك أمهم❤،،قولته ليهو بإذن الله،،هااا ح ناكل شنو؟،،قال لي اقاشي ظريف صح؟،،قولته ليهو ممكن،،،اتحركنا وبقينا نتونس ونتكلم عن مستقبلنا،،لما وصلنا مطعم كده،،رحيم دخل عشان يطلب وانا كنتا واقفة برة،،جات مارة بت بتتكلم بالتلفون وبتقول"والله ما ح أتأخر وعد المرة دي،،بابا خلاص م تشغل نفسك،،ركز بس مع صحتك عشان اجيب ليك عروس هههه،،،طيب طيب بحبك شديييد يا احلى أب في الدنيا كلها❤"،،،كنت سرحانة فيها بطريقة غريبة لما هي زاتا احتارت،،طقطقت لي وقالت هييي مالك😂،،قولته ليها ولا شي،،اسفة،،قالت لي ولا يهمك،،فتحت شنطتها وطلعت لي ورقة،،،قولته ليها دي شنو؟؟،،قالت لي افتحيها،،يلا باي❤،،بعد دخلت المطعم،،أنا فتحت الورقة لقيت مكتوب عليها " اضحكي يمة تنعدل عليك محل ما تقبلي ويرزقك حسب نيتك ويهديك كده لمن يرضيك"،،تلقائيا ابتسمتا،،،رحيم جاب الأكل وجاا لقاني ماسكة الورقة،،قال لي شنوو بتبتسمي براك،،،قولته ليهو في بنوتة حلاتها كده ادتني ليها،،بالجد كلامها حلو ربنا يحفظها❤،،اديتو قرا الورقة قال لي فعلا كلامها مريح شديد،،،يلا نرجع عشان والله جعان جوع ما طبيعي،،،قولته ليهو يلا،،،
_______________________
وعد جات نازلة من فوق،،، كانت لابسة بنطلون كحلي وتي شيرت ابيض مع شال ملون بألوان رهيبة كده❤وشبشب بيت عادي ووشها خالي ميك أب وشايلة المفتاح في يدها،،،قصي وشادي الاتنين حمروا ليها،،قالت ليهم ما ح أنزل من العربية اصلا ما تحسسوني اني مرتكبة جريمة😂😂😂،،،،،شادي قال ليها المشكلة طالعة مزة شديد،،ده شنو ده يخرب بيت سماحة امك❤،،قالت ليهو معليش ما نفسي اخد معاك سيلفي😌،،،قال ليها ولا على كيفك😂😂😂💔،،،مشى جراها من السلم،،طلع تلفونو وبقى يتصور معاها ويتهابل،،،،قصي طلع تلفونو وبقى يصوروهم❤،،،شادي قال ليهو تعال تعال،،،مشى عليهم أخدوا سيلفي ظريف،،وعد في حضن شادي وجارة قصي من شعرو❤،،،،بعدها طلعوا من البيت،،،قالت ليهم ما توتروني وأنا سايقة عشان ما اعمل بيكم حادث،،قالوا ليها أمرك😂😂،،،ركبت وفحطت بكلوووو❤،،شغلت أغاني غربية وكل دقيقتين تضرب بوري وتتعولق،،،
______________________
بعد اتغدينا أنا و رحيم،،،قال لي انا لسة نعسان ح تضايقي لو نمتا وخليتك،،قولته ليهو لا طبعا،،نوم نومك ساي😂😂،،قال لي طيب يا سجم بس قولته اشوف رايك،،المهم لمن المغرب يأذن صحيني،،قولته ليهو طيب،،،بعد دخل نام،،،شلتا تلفوني واتصلتا على وعد،،قالت لي مزتي❤،،قولته ليها وعوده كيفك،،قالت لي تمام التمام،،اشتقتا ليك ياخي❤❤❤😭،،،،قولته ليها طيب تعاليني،،قالت لي اجيك وين يا بت،،قولته ليها في بيتي،،جيت الصباح أنا،،،قالت لي ماجاده،،،احلفي بالله،،،قولته ليها والله في بيتي،،تعالي يلا،،قالت لي معاي شابين كده ينفع اجيبهم!!؟،،قولته ليها ديل منو كمان،،،قالت لي كده لمن اجيك،،،،،قفلت مني وقالت لشادي يلا نمشي لايناس ما اعتقد في وداع ليك احلى من أننا نجتمع،،قال ليها طيب يلا،،،،،تقريبا نص ساعة وصلو عندي،،،،لما فتحتا الباب وشفتا شادي وقصي قربتا اكفت وعد😂😂😂،،قولته ليها ديل الشابيين،،قالت لي أيون،،،سلمتا عليهم وضايفتهم،،،،شادي قال لي عبد الرحيم ماف ولا شنو؟،،قولته ليهو نااااايم،،،مشيت المطبخ جبتا ليهم موية وخليت وعد تعمل عصير❤،،،،وعد قالت لي ليه ما حضرتو العرس؟؟،،قولته ليها رحيم ظهر ليهو شغل فجأه،،عشان كده جينا راجعين،،،شادي قال لي حركتكم م ظريفة بس مدام شغل أكيد بكونو عذروكم،،،قولته ليهو فعلا،،أها يا استاذ ما كنتا ناوي تكلمني بسفرك ده الا أجي ألقاك ماف صح؟؟،،،قال لي لا والله هو اساسا ظهر فجأه،،اسبوع بالكتير بس وح اجي راجع،،،قولته ليهو ما ينفع لما تمشي ليها تنزلها معاك؟،،،قال لي لالا إلا لو هي عندها إجازة،،ساي كده ما ينفع،،،بقينا نتونس،،وطول القعده وعد وقصي ما شالو عيونهم من بعض❤،،،،لما المغرب اذن،،،شادي وقصي قاموا يتوضوا،،،وأنا مشيت عشان اصحي رحيم،،،قولته ليهو رحيم يلا الاذان اذن،،رحيييم،،مسك يدي وقال لي خليني نايم شوية،،،قولته ليهو بطل ثقالة،،معانا ضيووف،،يلا قوم،،قال لي طيب قايم،،قام ودخل الحمام،،لما طلعتا لقيت وعد ماسكة الورقة القبيل،،قالت لي دي الاداك ليها منو؟؟،،قولته ليها بنوتة كده،،،قالت لي نفس شكل الورقة اللي عند شادي،،بالمناسبة م وريتك انفصل عن حبيبتو،،،قولته ليها حبيبتو؟؟،،ليه هو كان حابي،،قالت لي ايييي يلا الحصل أنو........،،،،قولته ليها يا زولة لخير بس ربنا يسعدها ويسعدو❤،،قالت لي اللهم اميين،،،قولته ليها شايفاك مبسوطة وحتى قصي،،،في شنو؟؟،،قالت لي يادوب اتصالحنا❤،،،قولته ليها بالجد كويس والله،،قصي ماف منو،،حاولي قللي من المشاكل،،قالت لي ان شاء الله،،،بس يارب شادي يوافق بيهو❤،،،قولته ليها أكيد شادي ما ح يكون عندو مانع،،ديل عشرة عمر وعارفين بعض كويس❤،،،قالت لي "بتردد" امممم،،،
