(#هو_ثباتي)
_سليمان قال لينا ياجماعة ليلى المشاغبة وين،،معقولة نايمة؟؟،،جاهو صوت مودة وهي بتقول ليهو لا ما نايمة يا سليمان،،بتك مشت مكان بعيد،،،قال ليها مشت وين؟؟،،ثم المفروض تقولي السلام عليكم وحمد لله ع السلامة،،،قالت ليهو هههه سلامة شنو وجاي بعد شنو اصلا،،،عارف ليلى وين يا سليمان،،،ليلى ماتت،،وأنا السبب الرئيسي في موتها،،ليلى اغتصبها واحد حيوان أنا المسكتها ليهو بيدي،،،بتك ماتت،،مبروك علي جيتك واغترابك بالسنين💔،،،حصلت لحظة صمت،،سليمان وقع بطولو💔💔رحيم رفعو ومعاهو تيسير💔،،،موده دي بقت تصرخ بطريقة جنونية💔وبتقول أنا أنا الكنتا بقول ليهو ما تجي خليك،،ما عشان اولادو ولا عشان المستقبل ولا زفت،،عشان نفسي،،عشان ألقى راحتي في غيابو،،ناس البيت كلهم بقوا يعاينوا ليها بخلعة💔،،منتصر قال ليها اي يا امي أنتي السبب،،،انتي القتلتي ليلى وقتلتيني💔،،أنتي ما أم الواحد يفتخر بيها،،انتي ام الواحد يخجل وينزل راسو بسببها💔وطوالي طلع غرفتو بعد خلانا كلنا مافاهمين شي💔💔عمتي لحقت منتصر والاولاد لحقو رحيم في الغرفة عشان يشوفو ابوهم💔💔 كنت قاعده براي مع مودة💔💔جات علي و مسكتني قالت لي (بتوتر وتمتمة) أنا واحده تافهه،،،،كنت كنت بطلع من الصباح مبارية الفارغة،،ما بجي الا المساء،،ما،،ما كنتا بعرف بتي بتي اكلت شنو ولا شربت شنو ولا قيلت كيف،،ولا كنتا مهتمية باولادي،،أنا استاهل حاجه ابشع من الموت💔،،إيناس أنا كنت بفتش على الاحتواء برة،،قصي،،قصي هو الوحيد الكان مكفيني،،"""اسم قصي ده برد حيلي""،راجلي غاب سنتين بسببي،،،لا كان عاوز يسفرني ولا عاوز يستقر،،،أنا واحده وسخانة،،وسخانة شديد،،،ربنا عاقبني وشال مني بتي،،،أنا أنا عاوزة أمشي لليلى وانا نضيفة،،،ومشت على غرفتها جري،،وأنا لحقتها،،دخلت الحمام وشرطت عبايتها وباقي ملابسها وشالت الليفة والصابون وبقت تدعك جسمها وبتقول انا أنا وسخانة،،،لازم انضف،،حاسة بقرف،،أنا عفنة عفنة شديد،،،،بسبب الليفة واستخدامها ليها جرحت روحها💔💔،،مسكتها منها وقولته ليها مودة ما ح تنضفي كده💔النضافة لازم تكون من جواك،،انتي فاهمه؟؟،،،كملي باقي حمامك وخليك قوية عشان اولادك الباقين،،منتصر واخوانو محتاجنك هم وابوهم❤،،طلعتا برة وبقيت أقول لا ياخ مستحيل تكون قاصده قصي الواحد ده،،استغفر الله أنا ليه بفكر كده،،،بعد طلعت من الحمام لبستها جلباب فضفاض كده ووصلتها السرير،،،رقدت واتغطت،،كنت طالعة من الغرفة،،قالت لي إيناس،،،قولته ليها اي يا مودة عاوزة حاجه؟؟،،،قالت لي لالا،،،قولته ليها طيب،،،طلعتا من غرفتها ومشيت على الغرفة اللي فيها سليمان،،لقيتو ببكي بصوت عالي ورحيم بقول ليهو قدر الله وما شاء فعل،،ربنا يصبرك❤،،،سليمان قال ليهو سنتين،،سنتين ما شفتها،،شفتها بس في الصور،،سنتين وأنا بعيد عن اولادي اجي القاهم نقصو نفر💔💔،،رحيم خلاهو يطلع كل الجواهو بعدين قال ليهو ارتاح،،،طلعنا من الغرفة،،رصيت ليهم العشاء بس ماف زول يدخل يدو،،عمتي قالت لي شايفة ليك زول هنا عندو نفس ياكل،،،قولته ليها الأكل بقوي الواحد حتى لو بدون نفس،،محتاجين تاكلو عشان تقدروا تقيفوا،،،رحيم شال ليهو لقمتين كده وقال لي تسلم يدك❤ الأكل حلو،،،نادى اولاد مودة وقعدهم جنبهم ونادى تيسير،،كلهم بقوا ياكلو،،،شلتا آكل في صينية صغيرة مع عصير وديتهم لمودة،،لما جيت راجعه لقيت عمتي قاعده تاكل،،لما شافتني قربت تتشرق🙂💔،،،عملتا نفسي ميتة ومشيت اكلتا في المطبخ،،بعد خلصوا من العشاء اي واحد دخل غرفتو،،،رحيم جاا لقاني برتب في المطبخ،،،قال لي ليه ما جيتي اكلتي معانا؟؟،،قولته ليهو عملتا لي سندوتش بس،،قال لي عملتي كده عشان أمي ما تقوم وتخلي الأكل صح؟؟،،،قولته ليهو طيب ما أهو انت فاهم الاستهبال في شنو👊👊،،قال لي ربنا يحفظك بس❤،،أنا طالع طيب،،قولته ليهو ما تتأخر يا رحيم،،،قال لي حاضر،،،طلع من البيت وأنا مشيت غرفة تيسير،،لقيتا ماسكة تلفونها وبتتفرج على صور ليلى💔💔،،،قالت لي ما قادرة اصدق أنها خلاص مشت💔،،قولته ليها ربنا أحن عليها مننا كلنا❤ وهي في مكان احسن أكيد❤،،قالت لي الحمد لله.،،،بعد تيسير نامت،،أنا ليلي بقى ليلين وأنا بفكر في كلام مودة💔💔
