في نفس اللحظة ديك شادي كان ماسك ريف وبغني ليها في " عاد دي بهجه الدنيا وووواملها المحليها💞اجمل جمال في الكون قسمو الاله ليها💞 لو غربلو الدنيا ونقوا صافيها إنسان جميل مثلك ما اتوجد فيها💞"،،ضمتو وهي بتقول انت الإنسان الجميل ده حبيبي ما انا💞💛
قصي كان ماسك ولدو وبقول ليهو بابا هاا تعال،،طب حاول امشي ياخي كفاية حبيان،،وعد قالت ليهو بالغصب هو اجي💞😂😂،،مصيرو يمشي،،قصي قال ليها وعد بحبك،،بحبك شديد،،قالت ليهو ما هو انا بموت في ابو ولدي والله💞💛.
أسيل وعبد الرحمن كانوا بحتفلوا عشان اسيل عملت عملية لرئيس ورزاء والعملية كانت ناحجه بكل المقاييس💞💛كان مساندها وواقف معاها واثبت ليها فعلا أنو الرجال في منهم الكويسين واصابع اليد ما واحده💛💞.
امي وأبوي عايشين بكل هدوء ورواقة،،أبوي بقى أمام المسجد الجنبنا💛💞،،الواحد بقى لو عاوز يلفتنا او يسألنا بقول لينا انتو أولاد شيخ آدم💞؟؟.
شريف شغلو ماشي حلو جدا،،بقدر مرتو وبحترمها،،وحتى لو حصل بينهم نقاش بكون بينهم وما برضى انو اولادو يشفوهو الا وهو بتغزل في امهم💛💞.
#وخز_الدبابيس
_لما تفكري تتزوجي ادرسي الشخص الح تتزوجي كويس جدا،،،لو كعب أوعك تقولي بتصلح بعد الزواج،،،خليهو يتصلح اول بعدين يستاهلك💛💞.
_الخيانة الزوجية من قبل الزوجة بقت منتشرة بصورة كبيرة جدا،،،ما علشان زوجها مغترب أو غيرو،،يمكن يكون زوجها في وبرضو بتخونو وده ليه عشان عدم الاهتمام والاحتواء اللي مفروض تلقاهم من زوجها وما لقتهم،،فبتفتش عليهم برة،،الاغتراب ما سبب كافي للخيانة،،نسوان كتار رجالهم مغتربين بالسنين بس الواحده محافظة على روحها وصاينة بيتها💞💛.
_اولادك ثم اولادك،،قربي منهم خليك صريحه معاهم،،الزمن بقى صعب وكعب،،في اخوك ماتقدري تثقي إلا من رحم ربي💛خليك قريبة منهم وحسسيهم بحبك وعطفك عليهم دايما وابدا💞💛.
_اتزوجي الراجل الصااح ما عشانك بس لا عشان اولادك يفخروا بيهو قدام الناس ويقولوا بصوت مسموع ده ابونا💞💛،،،اتزوج بت ناس بعد ما تبقى انت ود ناس عشان ربنا يبارك ليكم في حلالكم💞💛.
_احترمي نسابتك وما تدخلي في شي ما بخصك ابدا،،ولا تحاولي تحرشي ولدهم عليهم لانو ده اكبر غلط،،وقطع شك الام مكانتها غير💞💛.
_احترموا مشاعر بعض وراعو للناس،،الكلمة الطيبة ما بتكلف سيدا،،بس لو طلعت منك كلمة شيينة صعب الزول ينساها ليك💞اتعلموا تجبروا الخواطر يخوانا💛💛💞
_قريبي من اخوك وصارحي شوية شوية خلي يعرف عن حياتك💛مهما كان يخوانا الاخ بكون حنين على اختو وما برضى فيها أبدا وبحب أنو يشوفها في أسعد حالاتها حتى ولو ما أظهر ليك كده💞💛.
_حبو يخوانا الحب عظيم وجميل وشي راقي،،ما كل الناس شوهت جمال الحب،،لسة في حب نقي صادق طاهر عفيف بخلص بعقد وزغرودة💞💛.
_اطمنوا على نفسكم كل فترة والتانية واعملوا فحص سرطان الثدي في البيت💞💛،،،،،الاخوات نعمة حافظوا على اخواتكم وحبو بعض شديد عشان تباصوا الدنيا بسلام💞.
_مرت الولد انتو ما اشتريتوها عشان تزلوها او تهينوها،،يا تعاملوها بالحسنة،،يا تخلوا بينكم مسافة أمان💛💞
_الغرض من إسم القصة أنو نحنا احيانا بنجرح الناس بدون قصد أو بقصد وما بنكون عارفين الصرررراع الدخل فيهو الواحد من ورا كلمتنا دي💔💕.
_الله غفورا رحيم وابوابو دايما مفتوحه لينا ربنا يقدرنا بس على طاعته وحسن عبادته💛💞.
ما عارفة نفسي نسيت حاجه ولالا😂😂😭💛المهم ابقوا عاااافية انبسطوا بدنيتكم وما تنسوا اخرتكم،،،حبو نفسكم عظموها قدروها💛💛💞،،ربنا يوفقكم كلكم ويكتب ليكم النصيب الحلو من كل حاجه واي حاجه💛💞.
بشكر إيثار عباس الطلعتا عينها وأنا بقول ليها ح اوقف الققصة دي وما قادرة اصيغ افكاري ووو،،فكانت دايما بتهديني وبتفكر معاي برواق عشان ما انفسن واوقفها💛😂وحب كبير لاختها دكتورة إسراء💛
صحبي السند محمد كوبا شكرا جدا على متابعتك وملاحظاتك الدقيقة💛،،تيسير عبد الحفيظ شكرا جدا حبيبي على دخولك قوقل لما اشك لي في حاجه وتجري تتأكدي لي منها😂💛💞.
شكرا ليكم انتو على حسن المتابعة واسفة جدا جدا على الششششحتفة وهكذا يعني😂💛✋.
ارائكم تهمني💞💛
ربنا يرزق كل محروم💕💕💕💕💕👣
#ابقوا_عافية
