في البدء .. الرواية قيد الكتابة متى ما نزلت ايناس انا انزل يعني ما تسألوا من الباقي ..
قراءة ممتعة
ــــــــــــــــــــــــــــــــــــــــــــــ
(#هو_ثباتي)
_رحيم وداني كافي فتحوهو جديد💙،،،منظرو من برة رهيييب خالص،،،دخلنا جوه وطلعنا الطابق الفوق،،،من بداية السلم لنهايتو مليان بالشموع ورامين على اطرافو ورد طبيعي💙،،،قولته لرحيم ماشاء الله ياخي،،حلو شديد المكان ده💙،،قال لي عيونك بس شايفاهو كده،،،قعدنا على بمبرين خشبيات وفي قعده جبنة قدامهم،،،قولته ليهو اكتشفتا الكافي ده كيف؟؟،،،قال لي ما عارفك ح تنبسطي ولا تنصدمي،،بس تتذكري قبل فترررة قولته ليك عندي شغل مع صحبي ولو اكتمل ربنا ح يفتحها علينا؟؟؟،،،قولته ليهو أيوة،،،قال لي بس صحبي ده كان عندو فكرة الكافي من زمان،،ونحنا اجلنا الفكرة شوية عشان ما كان في امكانيات،،،وقبل نسافر باسبوع ابتدينا شغل على المكان اللي هو اساسا جاهز،،،واهو حاليا زي ما انتي شايفة💙،،،قولته ليهو بصرخه رحييييم انت بتهظر صااح😨😨،،قال لي لا جادي جد جدا😂😂😂😂،،قولته ليهو يا الله ياخ،،المكان خرافي خرافي😭😭😭❤❤،،،أنا شكلي ح استقيل واجي اشتغل هنا واي بس من جمالو😭😭،،قال لي يعني عجبك؟؟،،،قولته ليهو شديد شديد والله💙،،،قال لي وده المطلوب،،يلا ح نطلب نسكافيه تمام،،ولا عاوزة قهوة انتي،،،قولته ليهو نسكافيه،،،قال لي تمام،،،نزل تحت جابو بنفسو وجااا،،،،قولته ليهو رحيم،،قال لي حبيبي،،،قولته ليهو بكرة عايزة امشي ازور أطفال السرطان بما اني ح أنزل الشغل بعد كذا يوم،،،قال لي طيب حلوو،،،قولته ليهو تمشي معاي؟؟،،،قال لي طوالي نمشي💙،،،،أثناء قعدتنا جاا واحد اخد لينا صورة،،التفتنا عليهو لقينا صاحب رحيم،،،رحيم قال ليهو تاني صورة بالله،،مسك يدي وبقى يعاين لي في عيوني😂💙،،،اتصورنا كترة صور،،اليوم كان ظابط جدا وكل بت بتجي الكافي تشيل وتشاغلنا🙈💋😂 قعدنا شويااات بعدها طلعنا ومشينا البيت💙.
_________________________
كندا:-
في بيت أسيل اللي هو عبارة عن بيت أرضي كلاسيكي طاغي عليهو اللون الأسود اكتر من اي لون تاني،،وغرفة اسيل كلها بالرمادي،،،تصميمو ايطالي بحت💙،،،،شادي كان في المطبخ بعمل ليهو في شاي،،،جاتو أسيل وهي رابطه شعرها بطرحه نظام حركة متناسبة مع الفستان اللابساهو💙،،قالت ليهو حبيبي كيفك؟؟،،قال ليها تمام الحمد لله،،،أنتي كيفك،،من قبيل نايمة قولته م ازعجك،،قالت ليهو امممم فترانة،،مشي المراكز والمستشفيات هد حيلي،،ما نفسي إلا استرخي،،،عمل الشاي وجاا قعد جنبها على كرسي عالي مقابل للمطبخ،،،قال ليها خلاص انزلي السودان بالمرة،،قالت ليهو No way،،،كلامك ما منطقي يا شادي،،،ما بقدر اعمل كده،،،قال ليها عشان جبانة،،أنتي حاليا هنا في كندا اشطر وانجح دكتورة وكل الناس شايفنك البت الشجاعة والطموحه،،بس انتي من جواك حتى الضلام بتخافي منو،،دموعك اسهل حاجه وأقل حاجه بتنزل،،أسيل عشان تتخطي الماضي،،أنتي لازم تتواجدي محلو،،،تنزلي وتتذكري كل الحاصل ليك بالنص،،،تعيشي وسطنا❤،،،قالت ليهو اتذكر ههه،،شادي انا ما نسيت عشان اتذكر،،عارف بعد اتصلتا عليك عشان تجيني،،شلتا تلفوني واتصلتا على أبوك،،امممم أبوك،،،فضل يقول ألو ألو كتير،،،بعدها انا فصلتا،،كنت عاوزة أبكي ليهو في التلفون،،كنت عاوزة اقول ليهو بكرهك وبكره اليوم الجيت فيهو وبقيت بتك أنت،،حاجات كتيرة كانت في راسي وقتها بس م قدرتا اعملها💔ومعاك حق،،أنا جبانة وما بواجه مشاكلي الا بالهروب💔ودي أسوأ حاجه،،الواحد ينتصر على الحروب الخارجية والداخلية تنتهي منو وأقل موقف ممكن هو ينفجر فيهو بالبكى،،،قال ليها طيب عاوز اعرف انتي نافرة من الرجال ليه؟؟،،مش يمكن تتزوجي واحد يطلع احسن من ابوي،،قالت ليهو هههه ما اعتقد،،ما ابوك براهو المطمم بطني من الزواج،،عندك زي شريف مثلا💔،،عندك زي راجل مودة حماة إيناس الغايب بالسنين ده ما مكترث لمرتو واحتياجاتها،،،رجال كتار زبالة كرهوني صنفكم يا شادي،،بقى يضحك. وقال ليها طيب مش يمكن ربنا يديك راجل زي كده😌،،قالت ليهو حسب ما اني حافظاك وعارفاك ما مغرور،،بس ح اقول ليك حاجه،،أنت جيت الدنيا دي غلط والله استغفرك يا الله❤😂😂😂😂،،بس ماف منك،،واحد في العالم المريض البائس ده،،،متأكده مليووون في المية مرتك ح تكون حاسدة نفسها عليك❤،،قال ليها أسيل انا فشلتا فشل ذريع في علاقات الحب،،،برضو بسبب قصة أبوك،،،أنا ما عارف بس مهما حصل،،عاوز اولادي يرفعوا راسهم مجرد ما يجي أسمي على لسان اي زول❤،،قالت ليهو عشان كده انا محيت إسم آدم من حياتي،،،جدك يستاهل أنو اسمو يكون ورا اسمي طوالي❤ حاج مدني،،،الراجل ده كان عظيم،،قال ليها جدا جدا الله يرحمو،،،المهم يا بتنا أنا ما جيت هنا عشان ازيل ليك الكآبة بس،،جاي اقنعك تنزلي السودان بالمرة،،حاولي يا أسيل،،قالت ليهو أسيل بنت نفسها هنا،،أثبتت وجودها،،لو نزلتا السودان حالتي النفسية ح تتدمر،،ما ح اقدر انجز حاجه هناك،،،على العموم نتكلم في الموضوع ده وقت تاني،،قال ليها اهربي اهربي،،شالت مسند وضربتو بيهو،،،قال ليها تتذكري لما كنت بضربك،،قالت ليهو اي انت شافع قليل رباية،،تضرب اختك الكبيرة ليه👊👊،،بقى يضحك😂😂قال ليها جد كنت قليل ادب معليش اعفي لي😂😂،،قالت ليهو نهاااائي،،هييي صحي امس اشتريت لوعد شوية ملابس وتلفون آيفون6،،،،بس بتصل عليها عشان اسألها إذا عاوزة اسبورتات ولالا،،بس ما بترد،،،قال ليها مش وعد،،اشتريت ليها قبل فترة عشان تنزل بيهم السنة الجديدة،،بس عارفها ما بتأبا الزياده😂😂اشتري ليها ساي واتوكلي،،قالت ليهو طيب❤ عندي مكالمة ح اعملها واحتمال ما اجيك تاني،،شوف نفسك عاوز تعمل شنو،،قال ليها ح انوم عشان مرهق حبتين❤.
