(#هو_ثباتي)
_بعد قفلتا من رحيم،،بقيت اعاين لناس أمي،،أمي قالت لي مالك في شنو،،فجأه ملامحك اتغيرت،،،قولته ليها ليلى يا أمي من الساعة5 ما ليها أثر،،قالت لي أنتي جاده،،كيف يعني؟؟،،،قولته ليها رحيم ما فهمني شي،،انا لازم امشي،،شلتا شنطتي،،شادي وقف على حيلو،،قال لي ارح انا بوصلك،،وعد جيبي مفاتيح عربيتك،،قولته ليهو لالا انت جاي من سفر وتعبان،،انا بتصرف،،قصي قال لي تتصرفي شنو والدنيا ليل ارح انا بوصلك لحدي عندهم،،وانت يا شادي خليك اخد راحتك وايناس تبقى تتابع مع وعد وخالتو حنان بالتلفون،،قال ليهو طيب ظابط،،بس عليكم الله لو في اي حاجه محتاجه وجودي اتصلوا علي،،قصي قال ليهو تمام،،يلا يا ايناس،،،قولته ليهو يلا،،،طلعنا من البيت واتحركنا،،انا الطريق كلو بقول يا رب تكون كويسة وما فيها شي،،يارب يارب💔،،الغريبة انو قصي وصلني لحدي باب البيت بدون أوصف ليهوو،،صح استغربتا بس ما ركزتا كتير،،،نزلنا ودخلنا البيت،،كان في منتصر واخوانو التلاتة الاصغر منو وتيسير بتتكلم بالتلفون وبتبكي،،وفي فاطمة وأولادها،،،قولته ليها تيسير💔💔مسكتني وبقت تبكي قالت لي ليلى يا إيناس،،ما لقوها،،عبد الرحيم قال لي لسة بفتشوا💔💔😭،،،قولته ليها طيب طيب فهميني يعني هي ليه ودتها بيت الجيران،،قالت لي أنا كنتا في الجامعه وأمي طلعت مشت على بيتكم،،ونورة في السوق،،قولته ليها طيب وحبوبة؟؟،،حبوبة كانت وين؟؟،،قالت لي قاعده،،بس موده على حس انو ملاذ بتهتم بليلى اكتر،،اساسا ما فكرت تخلي ليلى مع حبوبة💔💔😭😭،،،قولته ليها لا حول ولا قوة الا بالله💔،،يارب تكون بخير يارب،،اولاد مودة حاوطوني وقالوا لي نحنا أخر مرة شفناها الصباح بس يا خالتو،،كانت واقفة جنب الباب بتأشر لينا ونحنا راكبين الترحيل💔،،ضميتهم وقولته ليهم ح تجي م تخافوا انا واثقة من الحتة دي،،،منتصر كان ساكت بس وبعاين لينا،،فاطمة قالت لي اها لو ما اتلقت،،،مودة ممكن تموت،،قولته ليها ح تجي اتفائلوا خير يخوانا💔،،مسحتا دموعي وعاينتا لقصي،،قبل اتكلم قال لي أنا ماشي،،وأن شاء الله ربنا يطمنكم عليها❤،،قولته ليهو ان شاء الله،،،قدمتو لحدي برة وجيت راجعه،،،جو البيت كان مكهرب شديد💔💔بعد حكاية نص ساعة ناس رحيم جو داخلين ومن وشوشهم ظاااهر اليائس💔،،،مشيت على مودة قولته ليها مودة،،،طوالي مسكتني وبقت تبكي،،قالت لي واااي يا ايناس،،بتي ما لقيتا💔💔،،ليلى صغيرة ما بتعرف شي،،مشينا مشينا المستشفى لملاذ طلعت ما عارفة محل راجلها وين💔،،اريت يدي اتقطعت قبل امسكو ليلى،،اريت كان متا قبل اسوقها بيت ملاذ💔💔،،،أمها قالت ليها م تقولي كده يا بتي،،أن شاء الله ح نلقاها،،،قولته ليها ربنا يطمنك عليها❤،،،رحيم كان قاعد في الكنبة وخاتي يدينو على راسو،،قال ليها الف مرة حذرتك،،،الف مرة يا مودة،،بتك م تخليها وراك،،واحده وواحد الله غطستيها،،،قالت ليهو عبد الرحيم جيب لي بتي،،أن شاء الله بعداك تقتلني بس جيبها لي سليمة😭💔💔،،،قال ليها ربنا يهون،،، وأنا بعاين لحالة مودة أتذكرتا آخر كلام قالو ليها رحيم أنها تنتبه لبتها وكذا،،بس ردها كان قاسي💔،،ما شمتااانة فيها بس لحظتها عرفتا ان الله يمهل ولا يهمل💔💔،،،رحيم قام على حيلو ومسكها قال ليها يلا لازم ترتاحي تعالي،،قالت ليهو ارتاح كيف،،ارتاح كيف وأنا بتي ما عارفة محلها وما عارفة ود الكلب داك عمل فيها شنو💔💔،قول لي انوم كيف،،أنت ما حاسس بي ولا حاجه،،،رحيم قال ليها رغم اني ما عندي اولاد بس عارف يعني شنو جناك يختفي من قدام عيونك وانت تكون ملهوف وخايف عليهو💔،،مودة نزلت راسها وقبل تتكلم،،رحيم قال ليها ارتاحي وصدقيني لحدي الصباح انا بجيب ليك ليلى امسكها ليك في يدك❤،،،قالت ليهو طيب،،،مشت غرفتها وهي سرحانة والدموع مالية وشها وتوبها نصو في الارض💔💔،،،رحيم جااني وقال لي نمشي؟؟،امو قالت ليهو تمشوا وين،،عاوز تمشي وتخلي اختك بحالتها دي،،،قال ليها بجي الصباح يا أمي،،ده غير أني ما راجع البيت،،ح افضل افتش باقي الليل ده،،قالت ليهو سمح طيب خلي مرتك تبيت،،،قال ليها مرتي ما بخليها وراي❤ وهي قدامي ما بتجيها عوجهه❤يا فطوم أنتي مبيتة صاح؟؟،،قالت ليهو أي،،،حبوبة قالت لعمتي خليهم على راحتهم❤رحيم قال ليهم طيب يلا تصبحوا على خير،،،طلعنا وركبنا العربية،،قبل نتحرك رحيم رجع راسو على الكرسي،،قولته ليهو أنتو فتشتوا وين ووين؟؟،،قال لي ما خلينا حتة،،حتى محل الكلب ده شغال مشينا،،،ما تتخيلي أنا غضبان من مودة دي كيف،،لو علي بقتلها بس مراعي لحالتها💔💔ياخي طفلة انا اخليها مع الجيران،،لا وكمان قبل تتأكد من وجود ملاذ،ما عارف جارية لاحقة شنو،،قولته ليهو هي لو عارفة انو ح يحصل كده ما كان طلعت من البيت اصلا،،ما تلومها ان شاء الله بس تكون بتها بخير❤،،قال لي أنا نهائي ما مطمن،،قولته ليهو رحيم في حاجه ليلى حكتا لي لما كنا في السوبر ماركت اليوم داك،،كان المفروض اكلمك بيها انت ومودة،،بس حصلت المشكلة💔💔،،قال لي حاجه شنو قولي،،،"حكيت ليهو كلام ليلى💔"،،قولته ليها انت ما كنتا ملاحظ أنها بتنفر منك وما بتجي بجنبك آخر فترة💔💔،،قال لي اي لاحظتا،،،انتي ما عارفة الكلام ده خطير كيف،،اريتك لو اتكلمتي ابدر من كده💔💔،،،قولته ليهو والله بسبب شكلتك مع مودة انا نسيت احكي ليك💔💔سكت مسافة بعدين قال لي ما تحكي لزول،،لو كلمتي مودة بالكلام ده،،ح تفتكر انك حاقدة ما وريتيها من بدري عشان ما تلحق بتها وعشان أنتي ما عندك أطفال💔،،،ما نفسي زول يدوس ليك على طرف وأن كانت مودة،،عشان انا عارفها كويس💔،،قولته ليهو بس بالجد قلبي واجعني عليها شديد💔💔،،قال لي نمشي نفتش تاني كم حتة قريبة من هنا وبعدين نرجع البيت،،قولته ليهو طيب،،،ونحنا في الشارع اتصلت علي أمي حكيت ليها بالتفصيل الحاصل،بقت تتحسبن وقفلت الخط💔،،،،،لفينا على كم مكان وبنسال اي زول نصادفو في الشارع بس بدون فايده💔💔،،رجعنا البيت منتهين من التعب،،،غيرتا ملابسي وعلى طول رقدتا كنت حاسة بصداع فظيع،،رحيم غسل لي ملابس الشغل وجاا مسك تلفونو،،بقى يتفرج على صور ليلى ودمعتو في طرف عينو💔،،،قولته ليهو ان شاء الله ح ترجع بخير❤،،،قال لي مع أنو ماف دلالة على كده بس ربنا يلطف بينا وبيها❤.
