(#هو_ثباتي)
_بعدها شادي قال ليهم يلا نمشي،،،طلعوا من المكان،،،وعد اختارت تركب وراا،،،ريف اترددت شوية في أنها تركب قدام حست بالحركة ما ظريفة اذا اختو ركبت ورا هي البركبها قدام شنو!!! شادي قال ليها اركبي قدام،،ما تحسسوني اني سواقكم😂😂،،قالت ليهو طيب،،ركبت وبقت تعاين ليهو،،طريقة سواقتو وتركيزو،،،ضم يدو على كم مرة،،،غمازاتو البتظهر لما يتكلم بسرعة،،،وصلها بيتهم،،،قالت لوعد ده بيتنا،،ح اكون مبسوطة شديد لو جيتيني،،معاي بابا بس واحيانا رام،،،وعد قالت ليها اختك؟؟،،قالت ليها لالا بس زي كده،،قصتها طويلة،المهم لمن نتلاقى تاني،،يلا توصلوا بالسلام،،شادي قال ليها خلي بالك على نفسك❤ ابتسمت ليهو ونزلت،،عاين لوعد بالمراية،،قال ليها تعالي قدام،،نزلت وركبت قدام،،،فضلت ساكتة لحدي ما وصلوا البيت،،،سلم على امي وطوالي دخل غرفتو💔،،وعد قلبها وجعها من الحاصل،،مشت غرفتها استحمت وقعدت شوية بعدين مشت لشادي في غرفتو،،،لقتو ماسك تلفونو شكلو كان ناوي يعمل مكالمة،،،وعد قالت ليهو فاضي؟؟،،قال ليها امممم عاوزة حاجه مهمه،،،قعدت في الارض وبقت تبكي وتتكلم،،قالت ليهو انا عاوزة أعرف انت مالك معاي،،شادي والله أموت ولا تعاملني بالبرود ده💔💔قول لي يا وعد حصل كذا كذا كذا،،بس م تخليني عاملة كده،،،حاسة نفسي طاشة شبكه،،طيب انا زعلتك في حاجه،،أو عملتا حاجه زعلتك مني،،شادي اتكلم ياخي ما ممكن معاك💔،،،قال ليها "بصوت عالي"وعد،،قولته ليك قبيل ما وقتو،،،و حاجه تانية عاوزها منك،حافظي على نفسك وبس❤،،،قالت ليهو لا عاوزة أعرف آسي في شنو،،ما ح استنى وقت تاني،،قال ليها طيب طيب،،،لو انا سألتك ح تكوني قادرة تجاوبيني بصراحه،،،ولا ح تسكتي؟؟،،،قالت ليهو اكيد ح اجاوبك،،،قال ليها تمام،،،في شنو بينك وبين قصي صحبي💔؟؟،،، السؤال ده وقع عليها زي القنبلة،،،قالت ليهو ق قص قصي،،،قال ليها اااي قصي،،،،في شنو بينكم يا وعد. وإياك ثم إياك تكذبي علي،،،عشان انا حاليا ماسك نفسي منك ومنو بالعافية💔،،،قالت ليهو بنحب بعض،،،قال ليها بتحبوو بعض اهااا،،من متين؟؟،،،قالت ليهو من 6سنوات،،قال ليها 6سنوات يا وعد،،،،ده كلو وما فكرتي تجيبي لي سيرة،،لا وبتاخدوا راحتكم في الونسة قدامي وانا زي الغبي وسطكم💔،،،،نزلت راسها وبقت تبكي،،،قال ليها ما تبكي،،اوعك تبكي،،،عارفة ليه عشان أنتي ما صريحه معاي،،،قصي ده واحد شماسي وما نافع وبتاع بنات وأنتي عارفة كده،،زيدي عليها منافق،،مركب لي وش الانسان البرئ طول الوقت وفي نفس الوقت عامل علاقة مع اختي،،،انتي حبيتي كيف!!حبيتي كيف وأنتي عارفة عمايلو زي عمايل أبوك،،حبيتي كيف وأنتي شايفه البنات حوالينو،،،امنتي على نفسك معاهو كيف بعد نفاقو ده!!؟،،،حقيقي مصدوم فيك يا وعد💔،،قالت ليهو وقسما بالله قصي عمرو ما قال لي كلمة كده ولا كده،،عمرو ما غلط في حقي،،،عمرو ما حسسني اني واحده رخيصة،،،عمرو ما مسك يدي حتى،،واذا على عمايلو فوالله والله هو تاب❤ وأنا واثقة أنو عمرو ما ح يكون شبه أبوي💔،،،شادي قال ليها دقيقة،،فتح تلفونو وسمعها المقطع،،،قال ليها وده شنو ؟،،فهميني موضوع شنو العاوز يخلصوا معاك!؟؟،،قالت ليهو شادي انت لو سمعتا المقطع ده بنية صافية ح تعرف قصدو شنو💔،،،قال ليها لو سمعتوا الف مرة وبنية صافية،،قصي ما الانسان المناسب ليك💔 اقفلي بابو بمزاجك قبل اقفلو ليك انا غصبا عنك،،وكفاية كلام عن الموضوع ده،،،امشي غرفتك،،وإياك تتواصلي معاهو تاني،،قال ليها بصرخه يلااا،،،بقت ترجف والدموع في عيونها،،مشت غرفتها رقدت في السرير وبقت تبكي💔💔،،،،شادي شال تلفونو واتصل على ريف،،قالت ليهو اها فضفض يا إنسان،،اخد نفس عميق وبعدين بدأ يحكي ليها عن الحاصل لحدي نقطه نقاشو مع وعد💔قال ليها وحاليا نفسي أمشي اكسر راسو ما تتخيلي أنا غضبان منو كيف،،،ريف قالت ليهو مقدرة وضعك،،بس يا شادي الحب ما بستأذن❤ وحسب كلام وعد القالتو فشكلو قصي محافظ عليها وصاينها❤،،،م عارفة بس أنت ما صح تقيس علاقتهم على علاقة أبوك بامك زمان والكلام ده،،ويمكن فعليا قصي تصرفاتو اتغيرت عشان وعد❤انا معاك انو الواحد بياخد العظة والعبرة من حياة غيرو،،بس ابدا انت ما ممكن توقف حياة شخصين عشان خايف على أختك تنجرح زي أمك💔 ما منطق،،يمكن حياتها تكون حلوة ومستقرة وهادئة ومليانة حب❤،،قال ليها ويمكن يحصل العكس💔،،أنا ما نفسي أشوف وعد في مكان أمي ولا بأي شكل من الأشكال،،قالت ليهو حتى لو على حساب قلبها؟؟💔،،أختك ح تنكسر وتبقى أنت السبب💔،،،وبالنسبة لقصي فأنتو كشباب وأصحاب حاولوا حلو الموضوع ده بطريقة ما تخسروا فيها بعض،،في رأي أنا شايفة المواجهه في الوقت ده أفضل حاجه ممكن تعملها❤،،قال ليها طيب ح اشوفو بكرة❤،،،قالت ليهو تمام،،،،قال ليها شكرا،،قالت ليهو أقفل أقفل بلا شكرا معاك💕.قفل الخط وبقى لافي حوالين نفسو،،هو خايف من مواجهه قصي عشان عارف انو ما ح يقدر يتحكم في اعصابو💔.
