في البدء .. الرواية قيد الكتابة متى ما نزلت ايناس انا انزل يعني ما تسألوا من الباقي ..
قراءة ممتعة
ــــــــــــــــــــــــــــــــــــــــــــــ
(#هو_ثباتي)
_تاني يوم الصباح،،صحيت بصوت حبوبة غنوة،،قالت لي قومي يا كسلانة،،صلي وتعالي نشرب الشاي،،قولته ليها كويس،،،قومتا من السرير ولبستا توبي،،مشيت الحمام وبعدين اتسوكتا وصليت،،،جيت قعدتا معاهم مجموعة طبعا من النسوان والبنات الشابات،،كانو عاملين شاي ساده وشاي لبن وقهوة،،،شربتا شاي ساده،،،حبوبة قالت لينا طبعا الحنة بليل،،بس نحنا ح نحنن عريسنا بعد الفطور عشان بعدين لما يبشر للناس يدينو يكونن بحنتهن،،،في واحده قالت ليها ونحنن باقي الشباب نحنا يا حبوبة صاح🙈،،قالت ليها اي لازم،،أي واحده تمسك ليها واحد تحننو،،الله يرزقكن السعد السمح يا بناتي❤،،فجأه تلفوني ضرب كانت وعد،،رديت ليها ب حبيبتي،،قالت لي بلا حبيبتي معاك😒ياخ اشتقنا والله😭😭،،قولته ليها البسمعك بقول يومي معاك،،قالت لي كأنك معاي لانو وقت احتاجك بلقاك😭😭😭بس اسي أنتي بعيده،،،النبي تعالي بعد العرس طوالي،،،ما ممكن انتي ماف وشادي ح يسافر😭😭😭،،قولته ليها شادي مسافر؟؟،،،وين ان شاء الله،،قالت لي مسافر كندا لاسيل،،،قولته ليها ليه في حاجه حصلت ليها حاجه ولا شنو؟،،قالت لي اممم مكتئبة قالت وما قادرة تنسى الماضي،،على فكرة انا عرفتا بالحصل زمان وو......."حكت لي الحاصل معاهم كلو"،،،قولته ليها ماعارفة اقول ليك شنو يا وعد،،قالت لي م تقولي،،وعلى قول شادي يا ريتني ما عرفتا💔،،المهم اخليك تنبسطي مع نسابتك،،بتصل عليك بعدين،،قولته ليها طيب💕،،،،بعد قفلتا منها،،جاتني بت"سالي" فاطمة جارية،،قالت لي عاوزاك تشيليني،،عمرها تلاتة سنوات،،قولته ليها طوالي حبيبتي تعالي،،شلتها وختيتا في رجولي،،قولته ليها ماما لسة نايمة،،قالت لي اممم،،،قولته ليها طيب ليه الشعر منكوش كده،،تعالي اسرحك عشان امك لما تصحى تلقى بتها شعرها متلمي💕،،مشيت بيها في غرفة من الغرف،،طلعتا شنطتي الصغيرة،،،شلتا الفرشة والمشط،،بقيت اسرح فيها وكل ما اجر ليها شعرها بالفرشة تضحك💕💕💕😂،،،،عملتا ليها حمامتين،وشلتا ليها غيار مشيت حممتها💕،،،حبوبة غنوة قالت لي عاد ماشاء الله دي بنية فاطمة مش؟،،قولته ليها أي،،قالت لي الله يحفظها،،قولته ليها اميين،،،بقيت شايلاها وقاعده اتونس مع كم بت كده ظريفات💕💋،،،فاطمة صحت من النوم وجات وقفت قصادي قلعت بتها مني قلع،،،قالت لي بصراخ القال ليك تسرحي ليها منو والقال ليك تغيري ليها منو،،،بتي ولا بتك وأنتي ما دام بتحبي الشفع كده ياخي جيبي ليك شافع ينفعك،،مالك ومال بتي،،قولته ليها على فكرة الموضوع ما مستاهل الجوطة دي كلها،،،أنا بس......،قالت لي بلا بس معاك،،،بتي ما تهبشيها تاني وإلا،،،،في بنات قالو ليها روقي وما صاح،،حبوبة جات قالت ليها اصك ما عندك حسنة،،ويعني شنو لو عملت ليها كده،،قتلتها ليك،،كان تخليها ليك بعفنها وشعرها الطاير زي شعرك ده،،،وبعدين تعالي هنا هي في يدها تجيب شفع؟؟،،كان عليها عاد ما بتقصر تملى ليكم البيت شفع،،،الكلام الشين ماف داعي ليهو،،اسي انتي عشان عندك اولاد وهي ما عندها بتسمعيها كلام زي السم،،انتي ضامنة انو ربك ما يشيلهم في لحظة،،،قولته ليها حبوبة ياخي بعد الشر عليهم💕،،،قالت لي انتي مسكينة ساي هااا،،،فاطمة قالت ليها بتفاولي على اولادي يا حبوبة،،قالت ليها ما بفاول ولا برضى ليهم الشين،،بس أنتي خشمك ده امسكي عليك،،،فاطمة شالت بتها ومشت،،حبوبة قالت لي زي فاطمة دي اقعدي فيها وازقيها موية سخنة ما تخليها تركب ليك في راسك،،،ياخ ضحكتني ضحك😂😂😂😂😂😂😂❤،،،قولته ليها كلامها ما فارق معاي💋ما تشيلي همي،،قالت لي سمح قومي النمشي على المطبخ نساعد البنيات ديل في الفطور،،،قولته ليها كويس،،،ونحنا ماشين على المطبخ اتلاقينا مع رحيم،،،كان لابس جلابيتو حقت أمس وشكلو مرهق،،،صبح على حبوبة وبقى يعاين لي،،،حبوبة قالت لي شكلو عندو ليك كلام،،،بعد ينتهي الحقيني،،قولته ليها حاضر،،،رحيم قال لي صباح الخير،،قولته ليهو صباح النور،،ليه لسة قاعد بجلابيتك دي،،،قال لي ماشي استحمى اسي،،قولته ليهو اي استحمى وخفف لحيتك دي شوية وعاين شعرك عامل كيف،،قال لي ده كلو يا دوب لاحظتي الليلة،،قولته ليهو تصدق👊👊،،المهم أمشي،،لانو شكلك شييين،،قال لي ياخي،،كويس كويس،،،قولته ليهو مش شين،،قصدي يعني ما مرتب وكذا،،قال لي اترتب عشانك أنا ياخ❤،،،قولته ليهو اي عشااااني،،،وعشان بعدين لما احننك أكون بعاين ليك واسرح فيك زي الهبلة،،قال لي ههههه طيب ولو حننتني واحده غيرك؟؟،،قولته ليهو واحده غيري هه مستحيل طبعا،،،أنا وبس ح احننك فهمتا؟؟،،،قال لي فهمتاا❤،،لويت ليهو خشمي ومشيت لحقتا حبوبة،،،
