(#هو_ثباتي)
_شادي لما سمع جملة شريف حس وكأنو الدم أتجمد في عروقو💔،،شال مفاتيحو من التربيزة وطلع،،وعد لحقتو،،،لقى أبوي واقف قدامو كان عاوز يدخل،،حصلت لحظة صمت ووقوف كده غريبة💔،،شادي بقى يعاين لشكلو،،،أول شي عندو لحية بيضاء وعلامة صلاة واااضحه،،وشعرو أبيض💕،وماسك مصحف صغير في يدو،،شادي بقى يقارن بين شكلو زمان وشكلو الحالي بعد كل السنوات المضت دي💕،،بقى يعاين ليهو وما برمش أبدا،،فجأه وعد جرت عليهو وحضنتوو،،قالت ليهو بابا💔،،حرك يدينو ببطئ لحدي ما ضماها عليهو بقوة حنان الأب المعهودة💕💕بقت تبكي وكأنو ميت ليها زول💔،،شادي عاين ليهم مسافة وهو دموعو جااارية،،بعدين اتخطاهم وطلع،،دور عربيتو واتصل على قصي،،،ألو قصي انا جاييك الشركة،،قصي قال ليهو لا انا في شقتي،،شفتا بيتنا بس اللفة التانية منو العمارة الجديده،،بس الشقه الارضية💕،،قال ليهو طيب جاي عليك،،،فعلا مشى عليهو،،،فضل يضرب في الجرس بدون وعي لحدي ما فتح ليهو قصي وهو ماسك المصلاية في يدو،،قال ليهو شنوو لكن يا ابني،،،لقى وشو متغير،،قال ليهو تعال تعال،،دخلوا جوه،،قصي طبق المصلاية وقعد جنب شادي اللي كان دافن راسو بين رجولو،،،قصي قال ليهو في شنو يا زول خير ان شاء الله،،،،شادي قال ليهو أبوي،،السيد المحترم آدم المدني جمال الدين،،،شرف ونزل السودان عو شريف💔،،قصي انت عارف انو شكلو أتغير،،من شكل السكير والراجل اللي ملامحو تحسها كلها ذنوب،،،اتحول لشكل واحد ملامحو مليانة طيبة وحنية كده غريبة،،وش بشوش،،،أنت فاهمني؟؟،،قصي قال ليهو فاهمك فاهمك،،،يمكن يا شادي بعدو عنكم كل السنوات دي خلاهو يعيد النظر ويحاول يصلح من نفسو عشانكم وعشان اخرتو💕،،،ويمكن مرض خالتو حنان والكلام ده كلو حكمة من رب العالمين عشان ابوكم يرجع ويشوفكم،،،صدقني أبوك اكتر واحد محتاج ينسى ماضيهو،،قبلكم أنتو،،اكيد هو متمني اولادو يفخروا بيهو❤،،،شادي يمكن ترتاح لمن تتكلم معاهو او تسمع صوتو،،أو تحضنو،،أيوة تحضنو وتسامحو،،،وانت كمان مقصر في حقو شديد،،،سؤال ما قاعد تسأل عنو،،،اسي قوم وأرجع بيتكم،،حاول اتكلم معاهو،،طلع كل الكلام الجواك،،أنت محتاج تطلع من دور الشخص المثالي شوية،،محتاج تبكي تعاتب تصرخ،،المهم قلبك ينضف ناحية أبوك،،،،زي ما قال ربنا سبحانه وتعالى" وارحمهما كما ربياني صغيرا"،قال ليهو بس هو عمرو ما حسسني أننا أول أولوياته💔،،قصي قال ليهو أبوك محتاجك وأنت محتاجو ااااكتر💕يلا انقلع،،شادي قال ليهو الكلام سااهل،،صعب الفعل،،،قصي عاين ليهو بابتسامة وهو بربت على كتفو انت قدرها يا صحبي❤.
___________________________
وعد فضلت ماسكة في بابا وبتبكي بصوت عالي،،،طلعتا ليهم برة وانا رجولي غالباني💔وقفتا قصادهم،،أبوي مسح لوعد دموعها وقال ليها ما تبكي لالا،،،بتي حبيبتي ما لازم تبكي ابدا،،،أبوك هنا❤وعمرو ما ح يفكر يخليك تاني،،كبرتي يا وعد كبرتي يا بتي،،،وعد قالت ليهو أنت ملامحك حلوة شديد يا بابا،،يادوب عرفتا أنا ليه طلعتا حلوة😢❤،،ختا يدو على راسها وضحك،،قال ليها طالعة مستهبلة ههه،،،قالت ليهو تعال سلم على حنون وارتاح من التعب،،،وهم داخلين لقوني واقفة،،،أبوي بقى يعاين لي وبمسح في دموعو💔،،،فجأه ذكريات طفولتي كلها مرت قدامي،،،دموعي نزلت وطوالي جريت دخلتا جوه،،مشيت غرفة أمي قعدتا ورا الكنبة زي ما كنتا بعمل وأنا طفلة وبقيت أبكي بدون صوت💔💔،،،كنت متألمة من طفولتنا انا واخواني،،وفي نفس الوقت مشتاقة لابوي شديد💔💔،،مسحتا دموعي ونزلتا تحت،،لقيت امي وابوي واقفين قدام بعض،،مدا ليها يدو وهو بقول الف سلامة عليك يا حنان❤،،،مسكت يدو وهي بتعاين في عيونو الله يسلمك يا آدم،،،وعد جابت ليهو موية وجات،،،انا بقيت واقفة وما بتحرك خالص💔،شادي جاا راجع البيت ووقف جنبي،،،أبوي ألتفت علينا وهو فاتح يدينو،،قال لينا كفاية جفا في الفاضي أنا الفيني كملت،،تعالوا يا اولادي،،أنا وشادي عاينا لبعض💔،،،شادي قال ليهو نجي!!؟،،بالبساطة دي،،بتذكر طفولتي كلها قضيتا اضحك واونس وافرح في ناس البيت،،بس اول ما يجي الليل،،بصارع دموعي بكتم صراخي،،بحاول ما اكرهك عشان ربنا ما يغضب علي💔بكتئب بعيش لحظات كسري وضعفي براي،،أبوي انا ح أموت بس ما ح انسى شكل أمي وهي بتبكي تحت رجولك عشان ترحمها من الضرب،،ح اموت وما ح انسى شكلك وأنت جاي تتلولو عشان سكران💔،،أيوة ما ح انسى شكلك وأنت بتتغزل في اي مرة أو بت صغيرة تشوفا قدامك💔،،ما ح انسى شربك للشيشة ونفخ دخانها في وش أمي،،،ما ح أنسى دموع أمي وهي بتتوسل ليك عشان تطلقها،،،أبوي انا حتى لو سامحتك،،قول لي كيف اقدر انسى،،أنا آسف بس ما بقدر انسى💔💔بعد اذنكم،،طلع غرفتو وهو بمسح دموعو💔أمي لحقتو،،،أبوي قال لي حتى أنتي ح تعاتبي أبوك؟؟،،قولته ليهو أنا!!؟،،،أنا ما عارفة نفسي حاسة اتجاهك بشنو اصلا،،أنا بس نفسي انسى طفولتي،،بتقدر تعمل حاجه تنسيني ليها،،بتقدر تمحي كل الذكريات والدموع والكتمان والقرف وعدم الصحبات والوحدة والحاجات دي كلها بتقدر تمحيها او تغيرها💔أكيد لا،،،أبوي انا ما بكرهك،،بس كمان ما بحبك💔.
