(#هو_ثباتي)
_لما شادي جاتو الرسالة استغرب على حس انو الرقم غريب،،،دخل المحادثة لقى اسكرينات مرسلة مع مقطع صوتي💔،،قبل يفتحهم وعد دخلت عليهو،،كانت لابسة تي شيرت أصفر فاقع💛مع طرحه بنية واسكرتي بني وجزمة صفراء،،ومنكير اصفر💛😂،،،واكسسوارات باللون البني،،شادي ختا التلفون ومشى عليها،،قال ليها العاوز يظهر يلبس أصفر بس،،أصفر لكن💛،،طالعة جملية خالص يعني،،،قالت ليهو وبعلي😢،،شكرا شديد،،،مسك يدها وقال ليها وده شنو المنكير كده!!،،ما بتصلي أنتي ولا شنو!!؟،،قالت ليهو امممم لالا بصلي،،زمن الصلاة ح اطلعوا،،قال ليها تمام تعالي،،قعدها على الكرسي وقال ليها طبعا اتصلتا ليك على البت وقالت م عندها مشكلة خالص تساعدك،،بس عاوزه تشوفك عشان تتفاهموا على كم حاجه،،قالت ليهو م عندي مشكلة أنا،،المهم هي منو؟؟؟؟،،،قال ليها ريف💕،،،قالت ليهو ريف ريف،،سمعتا بالاسم ده قبل كده،،،بقت تفكر وتضرب راسها،،قالت ليهو اهاااا،،البت الكتبت ليك كلام حلو في ورقة ملونة صح وكتبت رقمها؟؟،،قال ليها بالظبط،،،بس اوعك تجيبي سيرة أنها الكتبت رقمها،،تحسسيها انها جارية وراي،،وهي في الحقيقة ما كده،،البنات حساسات شديد،،قالت ليهو لا م تخاف،،إلا في حالة طلعت ثقيلة،،ساعتها عادي امسح بيها بلاط المكان والله وتعفي لي✋،،قال ليها لالا😂😂😂ح تحبيها واثق من الحتة دي،،مجنونة زيك بس،،،قالت ليهو نشووف،،قام على حيلو طلع ربطة قروش من الدرج،،،قال ليها ديل 5 ألف،،مع انك طلبتي 7،،بس ماف غير ديل حاليا،،قالت ليهو لالا ديل حلوين شديد معاي،،،دخلهم ليها في كيس اسود بعدين في شنطتها،،،قالت ليهو يو نو أنو وعد بتحب شادي جدا💕،،قال ليها اي نو +شادي بموت في وعد،،يلا اتفكفكي،،قالت ليهو ظااااابط يا باشا،،نتلاقى بعدين حنان عاملة ليك محشي الليلة،،قال ليها تحلفي بالله؟؟،،قالت ليهو والله العظيم،،،قال ليها الله ياخ الله يحفظها لينا،،دايما حاسة بولدها😂😂،،،قالت ليهو اممممم حبيب القلب😏،،المهم باي،،قال ليها وعليكم السلام😂😂💕.بعد مشت رجع وفتح تلفونو،،،شاف الاسكرينات اللي هي كانت عبارة عن دردشة بين قصي ووعد،،ولقصي مع بنات تانيات💔،،،(متذكرين لما شادي سافر ووعد كانت مكتئبة واتصلت على قصي عشان يجيها وكان معاهو عامر،،فهو دخل الحمام وخلى تلفونو برة؟؟،في الوقت داك عامر عمل الاسكرينات ورسلها لروحو ومسح اثرها من تلفون قصي عشان ما يشك💔)،،،دردشات وعد وقصي كانت عادية زيها زي أي اتنين بحبو بعض ونصها زعل،،وعد بتعاتبو فيها على معرفتو للبنات الكتار وهكذا💔،،والاسكرينات التانية كانت كعبة كعبة حدث ولا حرج،،،شادي وهو بقرا فيها جسمو بقى يرجف وحسى برعشة ما طبيعية💔💔 فتح المقطع آخر شي،،،وحسى من خلال المقطع انو قصي ناوي يعمل حاجه ما تمام مع وعد💔💔
___________________________
المساء لما رجعتا البيت لقيت رحيم قاعد ومعاهو محامي،،بتناقشوا في قضية موده،،،قولته السلام عليكم ودخلتا غرفتي،،،استحميت وبقيت قاعده مستنية رحيم يخلص كلام مع المحامي،،بعد نص ساعة جاني،،قال لي حبيبي كيف كان يومك؟؟،قولته ليهو كويس،،وانت؟،،قال لي الحمد لله،،طبعا كنتا بتكلم مع المحامي عن قضية مودة قال لي أنو الموقف في صالحها نوعا ما،،،ح نستكين لحدي ما تترحل للمحكمه لانو خلال الاربعة ايام دي ح يستجوبوها ويشيلوا أقوال الشهود،،ما عارف الح يحصل لقدام شنو!!،،قولته ليهو كل خير ان شاء الله،،يا رب الحكم يطلع من صالحها💕،،قال لي اللهم امين،،،على فكرة يعني وعد أختك منزلة قصة ليلى كاملة في صفحتها الشخصية وشايف الناس متعاطفين مع الموضوع،،،حتى قضية مودة منزلة جزو من الحصل ومستينة تشوف البحصل،،قولته ليهو وعد شليقة،،معليش عشان ما اخدت اذنكم،،قال لي لالا بالعكس لفتة حلوة منها جدا،،كده ح تنبه أمهات كتار وتفتح عينهم على حاجات كتيرة شديد غايبة عن بالهم💔قولته ليهو فعلا💕💕بس برضو كان لازم تشوف رأي سليمان شنو في الموضوع ده،،،قال لي ما مشكلة ياخ حصل خير💛💕،،،،قولته ليهو رحيم ما عارفة اذا وقتو او لا،،بس نفسي ازور قبر ليلى❤،،قال لي جاده انتي؟؟،قولته ليهو كل الجداد اللي في الدنيا،،قال لي طيب تمام،،البسي نمشي سريع ونجي،،،،قولته ليهو عباية بس ثواني،،،لبستا عبايتي وشلتا تلفوني وهو بنفس ملابسو "بنطلون وقميص" طلعنا،،،،الطريق كلو كنت ببكي،،رحيم وقف العربية قال لي خلاص نرجع؟؟،،مسحتا دموعي وقولته ليهو لالا ما نرجع،،يلا،،واصلنا لحدي ما وصلنا المقابر،،،دخلنا وبقينا ندعي دعوات لكل الاموات ونقرا الفاتحه،،لحدي ما وصلنا قبر ليلى سليمان،،،حقيقي دموعي ما وقفت خالص وانا واقفة،،قولته يارب تغفر لأمها يارب💔💔،،،رحيم كمان دموعو نزلت بس مسحها بسرعة،،بعدها مسكني من يدي وقال لي لي يلا نمشي،،،قولته ليهو يلا❤❤.
