في البدء .. الرواية قيد الكتابة متى ما نزلت ايناس انا انزل يعني ما تسألوا من الباقي .. المواعيد ما بين الساعة ٦ و ال٩ مساء بتوقيت السعودية ..
قراءة ممتعة
ــــــــــــــــــــــــــــــــــــــــــــــ
(#هو_ثباتي)
_شادي بقى يبكي وقال ليها ما ذنبك يا أمي والله ما ذنبك،،كل شي قسمة ونصيب،،وده نصيبك ونصيبنا،،قالت ليهو صح بس أنا كمان ربنا ميزني بالعقل وأنا كنتا عارفة هو شنو بس افتكرتو ح يتصلح بعد الزواج،،وحتى بعد الزواج ما اتصلح،،قولته لنفسي ح يتصلح يا حنان لما يجيب اولاد،،وكمان ما نفع💔عارف ليه بعتذر ليك؟!،،شادي أنت بذات م تستاهل انو ده يكون ابوك،،،ماشاء الله عليك أعقل من شريف ومن اسيل،،،انا بتقوى بيك فهمتا♥،،قام فوق وباس راسها،،قال ليها وانا ماعايز منك شي غير تنسي،،تنسي وبس يا أمي،،وعليك الله مهما حاولت وعد تجرجرك في الكلام م تقولي ليها شي،،،هي بتحبو وبتحترمو حسب الصورة الانحنا راسمنها ليها عنو،،مهما حصل ما عاوز الصورة دي تتخرب،،،قالت ليهو لو علي هينة م بتكلم،،بس انا ما بحب اسوقها معاي اي تجمعات علشان م تسمع كلمة كده ولا كده عن أبوها💔،،،قال لي انا مستني الوقت المناسب بس،،،وبعدين انسينا من السيرة دي،،بلعتي حبوبك؟،،قالت ليهو لالا،،قال ليها لالا يا حنون كده ما ينفع،،ارح ابعليهم ونومي عشان تبقي كويسة كده وترقصي في عرس ولدك😌،،بقت تضحك،،قالت ليهو لقيت بت الحلال يعني!!،،وأنا أقول ليه ليك فترة ما على بعضك ههه،،قال ليها والله على بعضي بكلو😂😂😂😂م وقت الكلام ده،،،نتكلم في وقت اوسع من كده،،بكرة وراي دوام يا ستهم❤،،وصلها غرفتها،،بلعها الحبوب بعدين مشى غرفتو وكان مهموم ماشي وجاي في الآخر شال تلفونو وعمل مكالمة.
______________________
أنا كنت راقده وبهبش في لحية رحيم وبجرها😂😂❤ شال يدي منها وقال لي سوف أحلقها وستندمين،،،قولته ليهو لالالالا اوعك،،دي الوحيده العاملة ليك هيبة ياخي❤ قال لي عشان كده بطلي تجريها،،،فجأه تلفوني رن،،شلتو لقيتو شادي،،افتكرتا امي تعبت،،رديت ألو شادي أمي حصلت ليها حاجه؟؟!،،،قال لي ابردي ماف حاجه،،بس عاوز اتكلم معاك خمسة دقايق،،لو جنب عبد الرحيم قومي،،،قولته ليهو طيب ثواني،،نزلتا التلفون من اضاني،،وقولته لرحيم دقايق وبجيك،شادي شكلو عاوزني في حاجه مهمه❤ قال لي طيب،،قومتا ومشيت الصالة،،قولته ليهو أيوة يا شادي أحكي،،قال لي انا اسف جدا جدا والله ما كان قصدي شي بكلامي،،عارفة اخوك برمي اي كلام وخلاص،،،قولته ليهو وانا والله ما اخدتا الموضوع في بالي،،وأنت عارف أني مابزعل منك❤،،قال لي عارف،،اتصلتا على شريف وفهمتو أنو ما يعمل كده تاني وو...،،قولته ليهو كويس يارب يسمع كلامك،،،قال لي أن شاء الله،،،يلا تصبحي على خير بكرة دوام،،قولته ليهو وانت من اهل الخير❤،،،قفلتا الخط وقولته لنفسي "بختي بيك يا شادي رزق رزق"،،،مشيت غرفتي وأنا مبسوطة،،لقيت رحيم شبه نايم،،قولته ليهو رحيم حبيبي نعستا ولا شنو!!؟،،قال لي اممم بس كنت مستنيك تعالي،،،رقدتا جنبو ضماني بقيت امسح على شعرو وغرق في النوم❤،،،.
