في البدء .. الرواية قيد الكتابة متى ما نزلت ايناس انا انزل يعني ما تسألوا من الباقي ..
قراءة ممتعة
ــــــــــــــــــــــــــــــــــــــــــــــ
(#هو_ثباتي)
_وعد قالت ليهو قصي أنا أساعدك كيف يعني ما فاهماك،،قال ليها بوجودك جنبي وبس❤ ابدا ما تبعدي عني وانا ان شاء الله ح أكون عند حسن ظنك،،،قالت ليهو طيب بس....،،تلفونها رن،،كان شادي،،ردت ألو،،قال ليها أيوة حبيبتي💕وين انتي انا طالع من الشغل قولته لنفسي نطلع من آسي نمشي الحديقة تلعبي وبعدين نتعشا،،قالت ليهو طيب تمام ح استناك في تقاطع()،،قال ليها خير يلا شوية وبكون عندك،،قفلت منو وقالت لقصي لازم امشي عشان طالعة مع شادي،،،قال ليها انتي عارفة انك روح ونفس شادي يا وعد❤!!،،،قالت ليهو لازم اكون روحو و نفسو طالما متربية على ايدو،،قال ليها خلي شوية من حنيتو دي على مرتو،،،قالت ليهو ابيييت😏 وأنا شكلي ح ارصصها يوم العرس،،قال ليها لا انتي مجنونة رسسسمي😁😂😂😂😂 المهم ارح اوصلك للتقاطع و ابقي اتصلي علي بعد ترجعي البيت،،،قالت ليهو حاضر💕،،،طلعوا من المطعم وركبوا العربية،،،كان في عيون مراقباهم ح نعرفها لقدام....
_______________________
عندنا انا ورحيم فبعد الغداء حاولتا انوم ألق،،بس كانت بتبكي بصورة ما طبيعية،،،رحيم شالها وفتح طيور الجنة،،بالله بقت مقهية في الشاشة زي الزول الكبير😂😂😂،،قولته لرحيم أطفال التكنولوجيا جد جد،،قال لي اي والله،،،مسكني من كتفي وقعدنا جنبها على الارض،،،ياخ في كل أغنية صوت ضحكاتها بعلااا زياااده❤،،رحيم كان مركز معاها أكتر مني،،قال لي حلوة حلا،،،قولته ليهو فعلا ياخ،،يارب ترزقنا بيبي نقعد نتهابل معاهو كده،،قال لي أيوة يرزقك بيبي وتسفهيني انا صاح،،طيب طيب،،،بقيت اضحك قولته ليهو لالا ما بسفهك،،بشووتك برة البيت عديل😂😂،،ضماني وباسني على راسي،،قال لي خليك واثقة في قدرة وحكمة ربنا طيب❤؟؟،،،قولته ليهو واثقة جدا،،،شوية وتلفوني رن،،لقيتها جميلة،،قولته ليها الجميلة💕،،قالت لي ننستي كيفك!؟،،قولته ليها انا والق كويسين،،،بقت تضحك قالت لي عذبتكم اليوم معليش،،بس ممكن تجيبها لي ما قادرة أصل بيتك،،قولته ليها بس كده حاضر،،خمسة دقايق وتكون عندك،،قالت لي تسلمي،،قفلتا منها وقولته لرحيم ماشة ارجع ألق واجي طيب،،قال لي ح أمشي معاك،،بس بقيف ليك برة،،قولته ليهو طيب،،لبستا توبي وشلتا ألق وطلعنا مع رحيم،،،وصلتا بيتهم ضربتا الجرس،،جات فتحت لي جميلة،،سلمتا عليها حلفت علي الا ادخل اسلم على قريبتهم،،قولته ليها لالا رحيم مستنيني وغير كده قولتي أنها عيانة اكيد بتكون محتاجه راحه بجيها في وقت أوسع،،،قالت لي لالاا تدخلي بس،،جرتني من يدي ودخلنا،،كانو مفرشين الحوش،،،قولته السلام عليكم،،المرة قالت لي وعليكم السلام،،،مشيت ليها قريب سلمتا عليها ببشاشة وكفرتا ليها وعلى بتها تقريبا عمر17سنة بعد قعدتا،،قالت لي حلاتك ماشاء الله،،شكلك عروس مش كدي!؟؟؟،،قولته ليها ااا لالا متزوجة من خمسة سنوات،،قالت لي ماشاء الله ما باين،،شكلو ولاداتك ما تعبتك،،قولته ليها ما عندي اولاد ،،،قالت لي هااا،،الله يعينك ويرزقك الذرية الصالحة،،قولته ليها امين،،،،جميلة عملت لي شاي ظريف،والونسة جرت،،،والمرة "خالتو نهى" تشيل وتسأل فيني،،،في نص الونسة قولته ليهم يا جماعة شكلي ضيفه ثقيلة يلا تصبحوا على خير،،قالت لي لالا أصلك ما بتمشي اقعدي ياخ،،قولته ليها كان بالود بس زوجي واقف لي برة بكون زهج،،قالت لي اها كان كدي خلاص بس بتشبهي لي زول ما قادرة أتذكر اسمو،،بس الشبهه غريب شديد،،،المهم اطلعي لزوجك،،نتلاقى في وقت اوسع انا لسة قااعده فترة طويلة،،قولته ليها والله كويس والف لا بأس عليك مرة تانية،،،،طلعتا لقيت رحيم لسة واقف،،قال لي معقولة لكن،،قولته ليهو اسفة حبيبي،،بس الخالة المعاهم ظريفة شدديد ههههه❤،،قال لي ولقتك انتي اظرف منها،،مسكني من يدي وقال لي الليلة نفسي في حاجه منك ليك تلاتة سنوات ما عملتيها لي،،قولته ليهو حاجه شنوو دي؟؟،،قال لي لمن نصل البيت بوريك،،قولته ليهو طيب،،،،
