(#هو_ثباتي)
_مشيت غرفة أمي جبتا توبها باستعجال وقولته ليها يلا نمشي المستشفى،،،مسكتني من يدي وقالت لي يا بتي اهدي،،أنا كويسة،،حبة زيها زي اي حبة،،روقي❤ قولته ليها طيب بس خلينا نمشي عشان نطمن،،قالت لي لا مافي داعي،،،وبعدين يلا قومي ارجعي بيتك،،الوقت أتأخر،،،قولته ليها حاضر،،،فجأه تلفوني رن،،كان رحيم،،رديت ليهو ألو،،قال لي حبيبي أنتي برة البيت؟؟،،قولته ليهو أيوة عند أهلي،،،قال لي اها من قبيل بضرب في الجرس،،،طيب جاي اسوقك،،قولته ليهو لالا خليك أنا طالعة خلاص،،قال لي طيب خلي بالك في الشارع،،،قولته ليهو حاضر،،،امي قالت لي امسكي بيتك وراجلك❤ انسيك من الباقين طيب،،قولته ليها طيب،،،قدمتني لبرة صادفتا وعد و معاها ريف،،،سلمتا عليهم،،وعد قالت لي تعالي نقعد نتونس شوية وارجعي،،قولته ليها ما عندي طريقة والله،،قالت لي بكرة الجمعه ياخي،،خليك مساهرة وارجعي متأخرة،،،قولته ليها يوم تاني،،،ريف قالت ليها المرة مرة راجل خليها،،،قولته ليها بالظبط كده هههه،،،يلا يا أمي خلي بالك على نفسك،،قالت لي كويس،،لمن تصلي طمنيني،،،،طلعتا منهم،،،ركبتا العربية واتحركتا،،،دموعي كانت نازلة والزعل مالي قلبي💔💔وصلتا البيت،،لقيت رحيم مستنيني في الشارع،،أول ما شافني جااا وسلم علي،،،قال لي كيف كان يومك،،،قولته ليهو كويس وأنت،،رفع لي راسي وقال لي مالك بتبكي،،،قولته ليهو ولا شي،،،قال لي إيناس لما اسألك سؤال جاوبي بصراحه في شنو؟؟،،،قولته ليهو أختك فاطمة يا سيدي جاتني بعد أنا جيت من الشغل،،اتعصبت وسمعتني فارغ💔ما عارفة بس اضايقتا عشان كده طلعتا من البيت💔💔،،،قال لي دقيقة دخلنا البيت وهو مشى الغرفة وجاني راجع كان شايل فايل في يدو مسكني من يدي،،،قال لي ارح،،قولته ليهو على وين؟؟،،قال لي بيت أهلي وبعدين بيت أهلك،،،قولته ليهو ليه،،،قال لي ح تفهمني،،،طلعنا من البيت كان سايق بأقصى سرعة،،،لما وصلنا هناك،،،،نزل وقال لي انزلي،،،طبعا فاطمة كل خميس بتبيت مع أمها،،،دخلنا البيت،،رحيم بقى يكورك يا أمي،،،فاطمة يا تيسير،،أمي،،كلهم جو نازلين مخلوعين،،،امو قالت ليهو مالك يا رحيم يا ولدي في شنو؟؟،،قال ليها قولي المافي شنو،،،،اسمعي يا أمي أنا جيتك قبل كده وقولتها ليك العيب مني صح ولالا،،سبب واحد يخلي فاطمة تجي بيتي وتهين مرتي ماف،،،دي نتيجة الفحوصات البتثبت أني ما بنجب💔،،،فاطمة قالت ليهو الشكية لله حتى في دي عاوز تطلعها منها،،،قال ليها دي الحقيقة،،ايناس لو اتزوجت غيري ح يكون عندها أطفال،،أما انا فلا💔،،،تيسير كانت بتعاين لرحيم بشفقة كده💔،،قال ليهم هي طول الفترة الفاتت مستحملاكم بسببي،،بس خلاص كده كفاية عليها،،،أبقي يا فاطمة تاني تعالي وقولي لي اتزوج،،فهميني اتزوج عشان شنو وانا اطفال ما ح اقدر اجيب،،،قولته ليهو رحيم💔،،،،فاطمة فضلت ساكتة ومنزلة راسها،،،قال ليهم وياريت مرة تانية لما يسألكم ليه مرت ولدكم ما جابت بيبي،،قولوا ليهم العيب من ولدنا💔وبحمد ربنا انو العيب طلع مني ما منها وبتمنى تصبر معاي باقي العمر ومن هنا ولقدام ماف زول بقدر يسمعها كلمة شينة عشان أنتو غير ح تكونوا صغار في نظرها ما ح تكونوا شي مهم❤،يلا تصبحوا على خير،،فاطمة دي راسها بقى قدر السمسمة،،،انا في نفس الوقت ما كنتا رضيانة عن العملو رحيم💔،،طلع بينا على اتجاه بيتنا،،قولته ليهو ممكن تفهمني ح نمشي نعمل شنو في بيتنا،،قال لي إيناس ح تفهمي بس اصبري،،،،وصلنا بيتنا،،نزلنا وضربنا الجرس،،فتحت لينا وعد،،قالت لينا أهلا أهلا،،جايين تساهروا معانا صاح!😍❤،،رحيم قال ليها معليش يا وعد بس عمتي موجوده؟؟،،قالت ليهو أي موجوده،،قال ليها وشادي؟؟،،قالت ليهو شادي قدامو شوية ويجي،،اتفضلوا،،دخلنا جوه وقعدنا في الصالة،،،رحيم كان متوتر وماسك التحاليل والنتيجه في يدو💔،،،أمي جات سلمت عليهو،،،قالت ليهو وين مختفي مننا كده!!؟،،قال ليها مشاغل الحياة بس،،أنتي كيف صحتك؟؟،،قالت ليهو عاافية،،،،شوية وشادي جاا،،قال لرحيم اووو ابو نسب ههه وين يا زول لينا طولة،،سلموا على بعض وشادي استلمو اسئلة،،،رحيم قاطعو قال ليهو والله جيتكم وعاوز اكلمكم بموضوع مهم شديد عشان تكونوا على علم،،شادي قال ليهو قول،،،رحيم عدل جلستو وقال ليهم قبل فترة أنا و إيناس عملنا فحوصات....الخ،،،وبصراحه طلع العيب مني،،،طلع عندي عقم رباني،،الحمد لله على كل شي،،بس أنا حبيت تكونوا في الصورة،،بتكم سليمة مافيها شي،،،ممكن تنجب في اي وقت اذا اتزوجت غيري،،،أنا بالنسبة لي رايكم مهم شديد لانو دي حياة بتكم ويمكن أنتو حابين تشوفوا اولادها وحتى هي يمكن نفسها في بيبي،،،فأنا عاوز إيناس تاخد فترة نقاهه معاكم وتفكر كويس❤ عشان ما اكون ظلمتها معاي ساي وجنيت في حقها❤،،طبعا كلامو صدمني،،لقيت دموعي جارية بدون أحس💔💔،،شادي قال ليهو والله ما عارف اقول ليك شنو،،بس دي حياتكم أنتو،،ودي حاجه بيد رب العالمين ما لينا دخل بيها،،رحيم قال ليهو بالظبط كده ومع ذلك أنا حابب أنو إيناس تاخد وقتها في التفكير واي قرار هي ح تاخدو أنا ح احترمو وانفذو❤،،،بعد اذنكم،،تصبحوا على خير،،،شادي وصلوا جنب الباب،،،وجا لقاني ببكي بصوت قعد جنبي وضماني عليهو،،قال لي هششش خلاص ما تبكي،،،،أمي قالت لي عبد الرحيم ده راجل ماشاء الله عليهو،،عارف الاصول كويس❤ حسب حسابنا وراينا في الموضوع ده،،،قولته ليها قبل نجيكم مشينا لاهلو،،وبرضو وضح ليهم الحاصل،،قالت لي كويس،،عشان تاني ما يدخلوا بينكم،،،قولته ليها بينا!!،،هو تاني في بينا،،أنتي ما سمعتي هو كان بقول في شنو💔،،قالت لي اداك وقت عشان تفكري صاح،،ما عاوز بعدين لما تمر بيكم السنين تتطلعي أناني او ظالم،،هو أتصرف صاح❤،،أنتي فكري وكلمي بقرارك،،،وعد وريف جو نازلين من تحت،،كنتا لسة ببكي وماسكة في قميص شادي،،،،،وعد قالت لينا احم احم،،،ااا شادي ممكن توصل ريف عشان خلصنا شغل،،،كان قايم مسكتا فيهو،،قال لي اوصل بت الناس دي بيتهم،،وبجيك راجع تبكي فيني للصباح طيب؟❤،،،هزيت ليهو راسي ب طيب،،مسح لي دموعي،،وقال لوعد بالله خليها تغسل وشها وجهزوا الاندومي واعملوا كيكه،،أنا ح أجيب معاي بيتزا وبيبسي،،طبعا البرامج دي عادية بالنسبة لينا انا ووعد،،بس ح تكون جديده عليك لحدي ما ترجعي بيتك❤،،،ابتسمتا ليهو،،ريف قالت لي يلا يا ننوس نتلاقى❤❤ قولته ليها ان شاء الله،،،باست أمي من خدودها وقالت ليها يلا يا خالتو المرة الجاية تجونا انتي ووببا هاا،،وعد قالت ليها حتى أنتي ياريف بقيتي زي شادي تقولي لي ببا🙂💔،،بقت تضحك قالت ليها ماهو أنا اتطبعتا بطبايع شادي و خلاص❤😂😂😂😂،،،،لما قالت كلامها ده شادي سرح فيها،،بعد شوية قالت ليهو يلاااا الزمن أتأخر،،قال ليها يلا،،،،بعد طلعوا وعد قالت لامي بعد اذنك يا ماما،،جرتني من يدي وقالت لي أول شي تاخدي حمام ظريف بعدين تحكي لي الحاصل كلوووو ونحنا بنعمل في الكيكه💕.
