(#هو_ثباتي)
_فاطمة قالت ليها اريتو لو بسمع الكلام،،اليجيب ليهو طفل ينفعو في الدنيا دي ويركزو بعدين😏،،،،ده كلو ما فتحتا خشمي احتراما لرحيم❤،،،شوية كده وقولته ليهم انا طالعة على شغلي،،،امو قالت لي ما ياهو ده الانتي فالحه فيهو،،جارية ورا اشغالك ولا عاوزة تشوفي ليك صِرفة علاج ولا عاوزة تخلي راجلك يتزوج،،ده كلو حقد منك بس،،واحده غيرك كان المفروض تفرح انو زوجها متحملها السنين دي كلها💔،،،والله الرد بقى في طرف لساني بس تلفوني رن،،،كانت امي،،رديت ليها أيوة يا أمي،،،قالت لي صباح الخير يا ايناس كيفك،،،قولته ليها يسعد صباحك انا كويسة،،كيف أنتي؟،،قالت لي بخير الحمد لله،،طلعتي الشغل؟؟،قولته ليها لا بس طالعة،،،قالت لي الساعة 5:30،،تعاليني بجاي وبعدين اطلعي على شغلك،،قولته ليها حاضر يا امي،،قفلتا منها وقولته ليهم بعد اذنكم انا ماشة،،فاطمة قالت لي اي امشي عليك الله،،،غير الفقر ما جبتي لينا شي وكمان شتتي اسرتنا💔،،،قولته ليها انتي بتتكلمي بأي منطق هاا،،هل انا المسكتا مودة من يدها وقولته ليها امشي اعملي كل العاوزاهو وخلي اولادك آخر اهتماماتك!!،ولا أنا الشلتا ليلى ووديتا لعمر،،ولا أنا الحكمت عليها،،ولا انا حاليا السفرتا اولادها،،،هوي يا فاطمة كلام أنتي ما قدرو ما تقوليهو،،،حمرت لي وسكتت،،،طلعتا وأنا على اخري،،مشيت بيتنا،،لقيت أمي عاملة شاي بكعك،،،سلمتا عليها وقعدتا،،قالت لي الوش صااري ليه؟؟،،قولته ليها أمي تعالي عاوزاك في موضوع،،،جات قعدت جنبي قالت لي احكي،،اترددتا شوية وبعدين قولته ليها خلاص انسي،،قالت لي طيب،،،بس متى ما حاسة نفسي عاوزة تحكي أنا هنا عشان اسمعك❤،،،قولته ليها واثقة من الحته دي أنا❤،،،كبت لينا الشاي وعد جات نازلة باستعجال،،طرحتها في كتفها وشايلة المراجع،،،قالت لامي شادي نااايم نومة اهل الكهف،،اديني قروش لانو المعاي خلصوا،،حتى بعدها عاينت لي،قالت لي جيتي متين يا أخت😂😂،،،قولته ليها قبل شوية،،،أمي ادتا قروش للجامعه،،،شربت الشاي سرعة وشالت كعك في يدها،،أمي قالت ليها اكلي براحه عشان ما يخنقك،،قالت ليها حااااضر،،،ننوس أنتي ما طالعة،،اوصلك في طريقي!!،،،أمي قالت ليها خلي ننوس اسي،،امشي أنتي،،قالت ليها طيب،،يلا بايات❤،،،أمي قالت لي مجنونة،،،أنتي عارفة احيانا بتكون مساهرة في الفيس بوك مع حكاية الفيديوهات دي،،وما بتاكل غير اندومي وبتشرب بيبسي بس،،شوفتيها ضعفت كيف،،قولته ليها ضعفة شديده والله،،اغصبيها على الاكل،،قالت لي بحاول،،،،بس أنا لي كم يوم حاسة نفسي ما تمام،،،وشوفتي قامت لي حبة كده في صدري،،،مؤلماني ألم،،،قولته ليها سلامتك،،،،طيب اصحي شادي ونمشي الدكتور،،قالت لي لالا هي حاجه خفيفة،،،بكرة بتروح،،،قولته ليها حنون لو حاسة نفسك ما كويسة احسن تمشي الدكتور،،أنا شخصيا بخاف من الحاجات دي💔💔،،قالت لي يابت م تخافي،،خير ان شاء الله،،ويلا قومي على شغلك الزمن أتأخر،،،قولته ليها طيب،،ح اتصل اشوفك،،قالت لي طيب،،،،.
