(#هو_ثباتي)
_رحيم فضل يبكي وهو حاضني لحدي ما حسيتو هدأ،،قولته ليهو رحيم انا ما بحب أشوفك كده،،ولا اتعودتا اشوفك مهزوم وضعيف،،أنت ناسي اني بتقوى بيك❤،،لا كلام مودة ولا كلام أمك ولا كلام أي زول في الدنيا دي المفروض ما يهمك،،نحنا لينا خمسة سنوات على الحال ده وياما سمعنا اساءات،،ما تخليها تقيف هنا،،وكلامك القولتو لأمك أنك ما ح تعتب باب بيتها اكبر غلط،،دي أمك يعني ما بتواسيها باختك ولا اي زول،،قال لي إيناس أنتي ما حاسة بكسرة النفس الفيني،،أختي انا تقيف في وشي وتقول لي ما عندك اولاد ولو كان عندك.....ده معناهو شنو،،معناهو أني ما راجل صاح،،،بستو في راسو مسافة لحدي ما دموعي نزلت على عيونو هو،،،قولته ليهو انت أرجل واحد انا شفتو في حياتي،،،مالي عيني وعيون الناس كلهم فهمتا❤،،،اوعك تفكر بالسلبية دي،،قام وطلع برة الغرفة،،،مشى المطبخ وبقى يعمل في عصير،،كان برجف عديل،،رمى ليهو كم كباية كده بدون قصد💔،،قولته ليهو اعمل حسابك،،تعال اقعد انا بعمل ليك العصير،،،ما اشتغل بكلامي،،عمل كبايتين عصير شرب واداني واحده، طوالي رجع الغرفة م قدرتا اشربها وانا شايفاهو مكتئب كده💔💔،،،،قعدتا برة مسافة بعدين دخلتا،،،لقيتو مغمض عيونو،،كنت متأكده انو ما نايم،،،بس قولته لنفسي يمكن يغرق في النوم،،فضلتا مراقباهو قريب ساعة بعدين رسلتا لاسيل رسالة محتواها اني ما قادرة اتكلم معاها ومرهقة جدا الا اتكلم معاها يوم تاني💔وحسب الفهم اللي هي عايشة بيهو هناك ما زعلت،،عزرتني وقالت لي ارتاحي❤،،وأنا راقده اتذكرتا جملة عمتي "بت السكران" فضلتا ابكي بدون صوت يعني فوق ما أنها بتنبذني بعدم الولاده بتسئ لابوي💔،،،،بليل حوالي الساعة 1،،،صحيت بصوت رحيم كان بهضرب قومتا مخلوعة،،هبشتا راسو وجسمو لقيتهم نااااار،،،،بقيت اصحي فيهو بس كان لسة بتكلم،،جريت المطبخ حليت موية بارده وشلتا لي قطعه،،،جبتا كرسي وقعدتا قصادو بقيت اعمل ليهو في مكمدات،،،وكل مرة بغير الموية واصفي القطعه،،،استمريت معاهو كده لحدي الاذان الأول حتى حمتو خفت،،،كنت بغفا شوية وتاني برجع اهبش جسمو،،في الآخر نومتا نص في السرير ونص في الكرسي💔،،،صحيت بحركة يدو وهو بمررها على شعري،،قومتا مخلوعة،،قولته ليهو رحيم،،،هبشتا راسو لقيت حرارة جسمو طبيعية،،،قولته ليهو انت كويس؟؟،،قال لي اي كويس،،بس انتي ليه راقده كده،،،تعالي تعالي،،قومني من الكرسي ورقدني في السرير،،،قال لي يلا حاولي تنومي،،قولته ليهو أمس كنتا ح اموت وانت محموم،،،باسني وقال لي بعد الشر عليك،،،انا كويس مافيني شي،،وانتي لازم ترتاحي عشان ما تمرضي حبيبي❤،،،مسكتا يدو وقولته ليهو طيب بس ما تخليني،،خليك قاعد جنبي كده لحدي ما انوم،،،قال لي حاضر،،،فضل يمرر يدو على شعري وخدي لحدي ما نمتا❤.
__________________________
مرت حكاية كذا يوم وعمتي بتحاول تصل لرحيم بس هو رافض تماما فكرة أنو يشوفها او حتى يتكلم معاها في اي مواضيع لانو بالجد حالتو النفسية كانت كعبة💔رحيم ابدا ما رجع رحيم الأنا بعرفو،،اي نعم بهتم بي واي حاجه،،بس شكلو أتغير شديد وطبيعي في حالة سرحان💔حتى شغلو احيانا بمشي واحيانا لا،،،،في يوم جيت من شغلي لقيتو راقد على الكنبة وسرحان،،،حتى لما جيت ما حسى بي،،غيرتا ملابسي وجيتو،،،بقيت اعاين ليهو في عيونو،،قال لي مالك،،،قولته ليهو انا عاوزة عبد الرحيم المغربي يرجع لي❤ قال لي كيف ما فهمتك،،قولته ليهو قوم معاي،،،وقف على حيلو بتكاسل،،،مسكتو من يدو وجريتو لحدي الغرفة،،وقفتو قصاد المراية قدامي،،بقيت اقول ليهو رحيم حبيبي عمرو ما كان مكشر كده ولا شكلو مبهدل وما مرتب امممم،،رحيم الأنا بعرفو على طول مبتسم ومتفائل بالحياة،،،عاين شعرك حاليا بقى كيف ولحيتك💔،،وعيونك مرهقة وجسمك هزيل،،،ده ما رحيم،،،ممكن ترجع لي حبييي؟❤،،،قال لي إيناس استحمليني الفترة دي،،انا والله ما نفسي اعمل اي شي،،نفسي مسدودة من اي حاجه،،قولته ليهو حتى مني؟؟،،،قال لي لا بس،،،قولته ليهو ما بس ولا شي،،اسي تلبس تمشي الصالون تخفف شعرك ولحيتك وتجيني راجع،،،قال لي ضروري يعني،،قولته ليهو اممممم يلا قبل المغرب يأذن،،،قال لي طيب،،،شال محفظتو وطلع،،،،،،على طول طلعتا ليهو تي شيرت أخضر وشورت اسود،،وختيت ليهو العطر حقو جنبهم،،بخرتا البيت ببخور تيمان وشغلتا سورة البقرة❤ لفيت شعري كعكات وعملتا ماسك زبادي في وشي،،، تلفون رحيم كان في الشاحن،،،امو ضربت كذا مكالمة،،رديت عليها المكالمة الرابعة،،قالت يا ولدي قطعتا قلبي ما بترد مالك،،اجيك في بيتك القاك في الشغل،،امشي الشغل القاك طلعتا،،يا ولدي الله يرضى عليك خليني اشوفك،،قولته ليها ااا عمتو حفيظة رحيم ما هنا،،قالت لي كيف يعني،،وانتي بتردي على تلفونو ليه،،قولته ليها تلفون راجلي كيف ما ارد،،ولا أنتي كان عاجبك اخليك تتصلي كده؟!،،قالت لي لمي لسانك ده واتكلمي بأدب،،،قولته ليها والله انا مؤدبة،،بس براك الشانة علي هجوم،،على العموم لما رحيم يجي ح اخلي يرجع ليك،،قالت لي حكم والله انتي تخلي،،براهو ما بعرف،،،يا ويلك مني يا بت حنان،،،وقفلت الخط في وشي،،،ما اشتغلتا بالموضوع كتير،،،رحيم جاا راجع وحلات الحلاقة الحلقها❤ لقاني عاملة وشي بالزبادي والكعكات الصغار ابتسم ابتسامة كده احييييياا طولتا منها❤❤،،،قال لي ده شنو يا مجنونة،،قولته ليهو ماسك😂😂،،انسى انسى تعال،،،لفيتو على ضهرو وبقيت ألز فيهو لحدي ما وصلنا الغرفة،،قولته ليهو يلا استحمى وغير بديل،،قال لي طيب،،،شالهم ودخل الحمام،،،،بعد طلع لقاني غسلتا وشي وفكيت شعري❤😂😂،،،شلتا العطر ورشيت عليهو،،،،،قال لي ليه فكيتي الكعكات كانو حلوات فيك،،قولته ليهو امممم بالجد،،قال لي اممممم بالجد،،قربتا منو وختيت يدي على لحيتو،،قال لي عاجباك كده؟؟،،،قولته ليهو أيوة عاجباني فيك❤💋،،قال لي يعني كده شكلي بقى احسن،،قولته ليهو بكتييير،،،استناني دقيقة بس،،طلعتا برة رصيت الغداء وعملتا عصير منقه بارد،،،،رفعت الصينية ومشيت ليهو،،،قال لي ح ناكل هنا،،قولته ليهو اي هنا😂😂،،،قعدنا في الارض وبقينا ناكل،،،كنت بأكلو اكتر ما باكل لنفسي،،،وشربتو العصير كلو❤قولته ليهو ما تتخيل اليوم الشغل كان متعب كيف،،وكمان وعد اتصلت علي وقالت شادي ح يجي بكرة ووو.....،،،بقى يعاين لي مسافة وما منتبه انا بقول في شنو،،قفل لي خشمي بيدو،،وبحركة خفيفة قام وشالني بين يدينو❤قال لي حاليا ما عاوز حاجه من الدنيا إلا أنتي❤لو العالم كلو وقف قصادي أنا بيك أنتي بس بحاربو❤❤❤.
