في البدء الرواية قيد الكتلية فمتى ما ايناس نزلت انا بانزل يعني ما تسالوا عن الباقي
قراءة ممتعة
ـ
ـ
(#هو_ثباتي)
_بعد النطق بالحكم،،عمتي وفاطمة اتماسكوا وبقوا يبكوا،،وتيسير كانت ضامة اولاد مودة💔💔قالت ليهم ح تربوا من غير أم كيف بس لاحول ولا قوة الا بالله💔💔،،،،شادي كان معانا هو وأمي،،،لما طلعنا من المحكمه،،رحيم قال لي ح ارجع معاهم البيت طيب؟!،قولته ليهو حلو،،وأنا ح أرجع مع أهلي وبعد ترجع البيت اديني تلفون طيب؟،،قال لي تمام،،،أمي جرتني من يدي قالت لي آسي ده تصرف ليك،،امشي مع راجلك يا بتي،،كل المشاكل المع اهلو سببها أنتي وانتي اسي جاية تزيدي الطين بلة،،ما عاوزة تصلحي علاقتك بيهم؟؟،قولته ليها يا أمي فترتا،،فترتا منهم والله،،قالت لي أمشي امشي الحقي راجلك،،خشمك وعندك،،،اقعدوا معاهم شوية بعدين تعالونا طيب؟؟،،شادي قال لي أمك بتتكلم صاح،،يلا امشي الحقيهم،،،قولته ليهو حاضر،،مشيت على اتجاهم،،رحيم كان ناوي يتحرك،،قولته ليهو ثواني ماشة معاك❤،،والله لمن ملامحو اتغيرت وابتسم،،،ركبتا ورا مع تيسير واولاد مودة،،وعمتي كانت راكبة قدام وفي عربية راجل فاطمة في فاطمة وسليمان،،،،،طول الطريق كانوا منهارين،،بذات عمتي لمن صوتها سقط من البكى،،،وصلنا البيت ونزلنا،،،تاني رجعوا،يبكوا وحالتهم حالة💔💔رغم اني برضو متوجعه من الحاصل بس أبيت أفتح خشمي،،عشان لو قولته ليهم اهدوا ساي ح يتنفضوا فيني،،ففضلتا السكوت وبعد ده ما سلمتا،،،عمتي قالت لي انبسطتي،،،أهو مودة الماطايقاها طارت وبقت مجنونة،،،دمعة واحده ما نزلتيها عليها،،،فرحانة بالحصل،،،قبل رحيم يتكلم،،تيسير قالت ليها يا امي حرام عليك،،نحنا في شنو وانتي في شنو،،،ولو مودة حصل ليها الحصل وليلى كمان فانتي السبب،،لا كنتي بتسأليها ماشة وين ولا جاية من وين،،ولا بتمسكي احفادك عليك،،،لو في واحد عندو ذنب فذنبك انتي الأكبر،،ما كل حاجه تحشري فيها ايناس عشان تبرري موقف💔💔عمتي قالت ليها اي دافعي عنها،،خليها تبقى ليك أم،،قالت ليها العفو بس كده كتير،،وأنا لو محلها ما عارفة كنتا عملتا شنو،،،بعد اذنكم،،،أمها بقت تكورك فيها شغالة ليها اتعلمتي ليك أمور جديدة وأنا برجع اربيك من اول وجديد ووو...،،،،رحيم قال ليها أهدي يا أمي تيسير بتقول اي كلام وخلاص،،لازم ارجع البيت أغير ملابسي دي وطالع على الشغل،،،يلا يا ايناس،،،امو قالت لي أنتي وراك شنو ما تقعدي،،،قولته في قلبي اقعد عشان تعملي بي حفلة أنتي وبتك،،،رحيم قال ليها لا هي ماشة بيت أهلها،،،بجيكم تاني،،،امو قالت ليهو كويس،،بعد طلعنا قال لي ما عارفة اقول ليك شنو بس يا ريت لو ما جيتي،،ما تتخيلي بضايق كيف لمن يختو عليك اللوم في الفاضي والمليان💔قولته ليهو ما تتضايق،،،،حتى لو مودة فقدت عقلها أنا مبسوطة أنها قتلت مغتصب كان من الممكن يدمر آلاف الاطفال،،،قال لي صح كلامك❤،،،ركبنا العربية،،وصلني بيت أهلي ومن هناك رجع البيت،،،،دخلتا لقيت وعد في المطبخ بتعمل بلح الشام،،،قولته ليها ببا،،قالت لي قلبهااا😘اشتقنا،،،قولته ليها كتير جدا والله،،،بتعملي البلح تغيير روتين ولا شنو،،قالت لي لا معاي صحبتي❤،،قولته ليها رماح؟؟،،قالت لي لالا ريف،،،ثواني اخلص الفي يدي ونطلع ليها في الغرفة سوا،،،قولته ليها طيب.،،،،شادي بعد جاا من المحكمه غير ملابسو بشورت اسود وفنيلة داخلية باللون الرمادي،،،لقى شاحنو ماف في الغرفة،،،طلع وبقى ينادي يا وعد،،وعد،،لحدي ما فتح باب الغرفة واتفاجأ أنو ريف فيها❤،،كانت لابسة فستان مشجر ظريف وعاملة شعرها واحده لفوق والطرحه على اكتافها وماسكة قلم بين أسنانها،،،شادي قال ليها ريف!!!،،جيتي متين أنتي،،ردت ليهو وهي بتصلح الطرحه:جيت قبل نص ساعة بس،،شكلك انت ووعد ما بتتكلموا كتير عشان كده ما قالت ليك أني هنا،،،قال ليها بنتكلم💔،،،بعد شوية انتبه على نفسو😂😂قال ليها كده اديني شاحني الجنبك ده عشان الحق امشي استر نفسي بحاجه،،بقت تضحك بأعلى صوت😂❤😂😂،،قالت ليهو بس انا قاعده اشحن يا استاذ،،قال ليها ما مشكلة اديني ليهو خمسة دقايق عاوز اشوف حاجه ضرورية في التلفون بعدين برجع ليك الشاحن،،قالت ليهو خلاص طيب،،فصلت الشاحن والتلفون،،قالت ليهو اشحن تلفونك وبعدو تلفوني،،قال ليها تمام وكان لسة واقف،،قالت ليهو شادي اجري استر نفسك بعد كده😂😂😂😂،،،،بقى يضحك بصوت عالي،ضحكه كده من جوه،،يعني لينا منها زمن طويل،،أنا ووعد لما سمعنا صوت ضحكتو اتخلعنا،،،قولته ليها ده شادي!!،،قالت لي أي،،كده تعالي،،طلعنا فوق لقيناهو في غرفة وعد من كترت الضحك لما عيونو دمعوا،،،لما شافنا قال احم احم،،،إيناس أنتي جيتي متين؟؟،،قولته ليهو قبل شوية،،بتضحك كده ليه كنتا،؟؟❤،،،قال لي ولا شي ههههه،،بعد اذنكم،،،بعد طلع،،وعد قالت لي عيونو كانوا بضحوا خلي الباقي❤،،قولته ليها فعلا،،،بعدها قالت لي ااا اينو اعرفك،،دي ريف صحبتي القولتها ليك،،البتساعدني في شغل الفيديوهات،،ودي ايناس يا ريف اختي الأكبر مني❤،،،سلمنا على بعض،،قولته ليها شفتك قبل كده أنا،،بقت تعاين لي قالت لي والله يمكن،،لانو انا بقابل ناس كتار كل يوم،،قولته ليها اهاااا مرة لقيتك جنب مطعم اديتني ورقة فيها Positive energy❤❤ ومرة لقيتك في برج الأمل صاح؟؟،،قالت لي اي قاعده امشي هناك طوالي،،،كيف أخبارك،،قولته ليها بخير الحمد لله،،عاوزة اقول ليك أنو ما تتخيلي يوم ادتيني الورقة ديك أنا انبسطتا كيف؟❤ بالجد غيرت مزاجي تماما الله يسعدك،قالت لي وده المطلوب😘❤،،،،قعدنا وبقينا نتونس،،كانت بتشرح لينا ضرورة الفحص،،"فحص سرطان الثدي"،،عشان لو في اي حاجه نلحق نفسنا سرعة سرعة،،،،تاني رجعوا يتكلموا هي ووعد عن برنامجهم،،حقق نسبة مشاهده عالية شديد،،لانو هم كل مرة بجيبو مغتصبة بخلوها تحكي عن معاناتها وحياتا قبل وبعد الاغتصاب❤ شغلهم كان ماشي حلو شديد،،،وعد جابت لينا البلح شام مع عصير منقة،،،في اثناء ونستنا،،قولته ليها أخبار قصي شنو؟؟!،،،قالت لي ما عندي اخبارو،،صح اليوم كلو اونلاين أنا وهو بس دام شادي قال ما نتواصل،،معناها ما ح نتواصل💔،،،ريف قالت ليها شادي مصيرو يفهم علاقتكم وأن شاء الله ح ترجعو❤،،قالت ليها ان شاء الله،،،قعدت شوية بعدين قالت لينا هيي يا بنات أنا امشي،،،،اتاخرتا عندي موعد مهم شديد،،وعد قالت ليها اشي اشي،،ح تلاقي منو؟؟،،قالت ليها بطلي قلة أدب💔😂😂😂😂لا والله مشوار مهم،،شككتك كلمة موعد دي فيني ولا شنو،،،قالت ليها أي الصراحه😂😂😂💔،،،،قالت ليها المهم امشي جيبي لي تلفوني من أخوك،،أن شاء الله يكون شحن،،قالت ليها امشي جيبي انتي،،،ريف قالت ليها اسمعي الكلام وامشي ياخ،،قالت ليها طيب،،،وعد طلعت ومشت غرفة شادي لقتو ماسك تلفون ريف وبعاين للخلفية،،قالت ليهو اا شادي ريف قالت عاوزة تلفونها عشان طالعة،،،قال ليها طيب انا بجيبو ليها عشان انا كمان طالع بوصلها في طريقي،،قالت ليهو طيب،،،وعد جات لقتنا نزلنا تحت،،،كنت بتكلم مع ريف عن موضوعي انا ورحيم،،قالت لي مش بتحبوا بعض بحق وحقيقة؟؟صدقيني ماف مخلوق بقدر يكسر البينكم،،دام الحب موجود بيناتكم فأنتو قادرين تعافروا❤❤وربنا أكيد ح يرزقكم ولو بعد حين،،قولته ليها ان شاء الله يارب،،،،الساعتين القعدتهم معاها ديل حببوني فيها،،انيقة ودمها خفيف وكسارة😂❤ حتى طريقة كلامها حلوة ومفهومه وبسيطة،،،ورغم أنها صغيرة بس زولة واعية،،،وعد نزلت وقبل تتكلم،،ريف قالت ليها وين التلفون،،،قالت ليها مع شادي،،بلبس وجاي يوصلك،،قالت ليها يا الله ما كان يتعب نفسو،،قالت ليها لا قال انو طالع اساسا،،،خمسة دقايق كده وشادي جاا نازل،،،أي نعم هو بهتم بمظهرو وكده،،بس كان أوفر الصراحه،،لابس جزمة بيضاء بياض خرافي مع قميص زيدتي تصميمو حلو فيهو تلاتة زراير فوق بس والباقي عادي وبنطلون جينز وخاتم وساعة وشوكة❤،،،كنت منتظرة وعد تشاغلو او هو يجي عليها وياخدوا سيلفي،،بس أبدا ما عملوا كده💔،،التعامل بينهم بقى عادي وممل وماف حياة بينهم💔،،،ريف قالت ليهو الجزمة دي أنضف من ضميري🙈😂،،،قال ليها لاياخ😂😂،،مشينا؟؟،،قالت ليهو امممم،،ودعتنا انا ووعد وطلعت مع شادي،،،،لما طلعوا قولته لوعد ياه بقيتوا بايخين عديل💔💔قالت لي هو من وقت الحصل تعاملو بقى بارد وجاف💔شوية وح اخش في حالة نفسية بسببو💔قولته ليها لا ياخ،،أن شاء الله علاقتهم ح ترجع حلوة❤.
