مجنونة بيك الجزء الأول والتاني❤

الفصل الخامس عشر(الجزء الثاني)

في شركة المجد(شركة امجد ومراد)

الموظفون في دهشة:ازاي يا مراد بيه

مراد بضحك:زي ما بقولكوا وهو جاي ورايا وزمانه علي وصول

سهيلة(سكرتيرة امجد):مراد بيه حضرتك بتهرج صح

مراد بجدية:وانا ههرج ليه يا استاذة سهيلة هو الكلام دا فيه تهريج

سهيلة بكسوف:احمم لا مش قصدي بس ازاي امجد بيه عايش

سمعت صوت يجيبها قائلاً:امر ربنا يا سهيلة ان اكون عايش ايه هتعترضي

ارتبكت سهيلة وشعرت بالخوف عندما رأته امامها لوهلة:ااا،امجد بيه

امجد:اممم انا

موظفي الشركة في صوت واحد:ايه دا ايه دا امجد بيه النشار!

امجد بجدية:اهاا بشحمه ولحمه

احدي الموظفين:امجد بيه ممكن نفهم ايه اللي بيحصل بالظبط

امجد:هتفهموا كل حاجة بس لما الحكاية تخلص روحوا علي مكاتبكوا بقا،ثم نظر الي سهيلة بحدة:وانتي حصليني علي مكتبي

سهيلة بخوف:ح...حااضر

ذهب امجد الي مكتبه اما مراد كان سيذهب الي مكتبه حتي اوقفته سهيلة قائلة:مراد بيه

مراد:افندم

سهيلة بتردد:ااا...امجد بيه مقالكش عايزني في ايه
مراد بحدة:وانا ايه عرفني

سهيلة:امم يعني بحكم انكوا صحاب اووي فقولت يمكن قالك

مراد بخبث:لا مقاليش وبعدين انتي خايفه من ايه انتي عملتي حاجة

سهيلة بتردد:ااا...لا معملتش حاجة

مراد:طيب يبقي خلاص روحيله ومتخافيش

سهيلة بقلق في نفسها وبصوت منخفض:يالهوي يكونش عرف!!

مراد:بتقولي حاجة يا سهيلة

سهيلة بإرتباك:اا لا خالص بقول ربنا يستر

مراد:اممم طيب بعد اذنك

ذهب مراد وترك سهيلة والخوف يتملك منها فهو يعلم جيداً عن اي شئ سيتحدث معها امجد ويعلم اشد العلم ماذا فعلت ولكن عقلها لا يهدأ عن التفكير والخوف ابداً وعن ما الذي سيلحق بها لو كان علي علماً بكل ما حدث؟؟!.....
____________

امجد:هاا قوليلي بقا

سهيلة بخوف:خ خير يع امجد بيه

امجد بخبث:اهدي اهدي مال ايديكي بتترعش كدا ليه ومتوترة امسكي كوباية المايه اشربي،ثم اعطاها كوب الماء ثم اكمل بجدية:ها قوليلي بقا يا ستي تعرفي خالد عبد العزيز منيين

سقط كوب الماء من يدي سهيلة علي الارض متهشماً فور سماعها اسم خالد عبد العزيز وازداد توترها وخوفها

امجد بخبث:الله الله مالك هو انا لسه اتكلمت ولا قولت حاجة

سهيلة:ااا ح حضرتك بتسأل ليه

امجد بجدية:ردي علي قد السؤال،تعرفييه منيين.....