مجنونة بيك الجزء الأول والتاني❤

الفصل السادس(الجزء الثاني)

ذهبوا جميعاً إلي المستشفي وبعد وصولهم بحوالي ساعة ونصف...

امجد:دكتور طمني مريم عامله ايه

الدكتور:حضرتك مين؟!

نظر امجد لمراد ثم اكمل:انا جوزها
الدكتور:في الحقيقة المدام عندها ازمة عصبية نتيجة تعرضها لصدمة شديدة اثرت عليها،لما فاقت فضلت تصرخ وتقول كلام مش مفهوم مقدرتش افسره نهائياً فإضطريت اديها حقنة مهدئ ونامت

امجد بحزن:طيب هي المفروض تفوق امتي

الدكتور:مش هتطول اووي بس اهم حاجه محدش يعصبها ولا يفكرها ب أي حاجه تضايقها ويستحسن محدش يتكلم معاها ف اي مواضيع قديمة

امجد بتنهد:طب ينفع ادخل اتطمن عليها دلوقتي

الدكتور:ممكن بس ياريت متقلقهاش يا استاذ اييه....

امجد:امجد يا دكتور،امجد فراج النشار

الدكتور:اتشرفت بمعرفة حضرتك يا فندم،بعد إذنك

مراد:ايه يا امجد مستني ايه متدخلها

امجد بقلق:خايف يا مراد

مراد:من ايه بس

امجد:خايف لتتعب اكتر لو فاقت وشافتني قدامها تاني

مراد بحزن:ربك يسترها يا صاحبي،اتكل علي الله وادخل

امجد بألم:حاضر

ذهب امجد للغرفة المقيمة بها مريم وترك مراد ومي بمفردهم

مي بضيق:لو مريم جرالها حاجة اقسم بالله يا مراد مش هسامحك لا انت ولا امجد ابداً

نظر لها مراد بضيق:وبعدين يا مي

مي بغضب:وبعدين ايه،انت لسه مش شايف انك غلطان انت وصاحبك مش شايف انك خبيت علي مراتك،مش شايف ان مريم كدا هتفتكر ان انا متفقه معاكم وانا ماليش ذنب في أي حاجه،مش شايف انك كسرتني بإللي عملته دا،مش شايف ان....قاطعها مراد بضيق:يوووه بقا مش قولتلك يا مي كان غصب عني امجد كان محلفني بحياتك مقولش لحد مكانش ينفع انطق بكلمة لأي حد خالص مش هفضل اعيد وازيد كل شوية في نفس الموضوع ارحميني بقا

مي بغضب:حتي انا يا مراد،حتي انا متقوليش

مراد:حتي انتي يا مي عشان عارف انك خفيفه ومش هتهون عليكي صاحبتك فهتقوليلها

مي بألم:خفيفة!!.....طيب يا مراد وانت مش مضطر تكمل مع واحدة خفيفة....ط..طلقني

ثم هبت واقفة لتذهب امسكها من يديها بشدة وغضب بالغ:انتي قولتي ايه!!

مي بخوف:طلقني يا مراد

مراد بغضب بالغ:علي جثتي يا مي عارفه يعني ايه علي جثتي،مش هطلقك واعلي ما فخيلك اركبيه وعلي جثتي ان حد يلمسك غيري انا راجلك وجوزك ومش هسيبك ابداً انا قدرك يا مي عااارفة يعني ايه قدرك وشد علي يديها بقوة حتي تألمت وسرعان ما تساقطت الدموع من عيناها

شعر مراد بضيقٍ في صدره عندما رأي تلك الدموع تتساقط من عيني محبوبته فلم يطيق ان يراها مكسورة بهذا الحد امامه فجذبها إليه بقوة حتي كاد ان يفتت عظامها وهمس ف اذنيها برقة وندم:انا اسف سامحيني.....