مجنونة بيك الجزء الأول والتاني❤

الفصل الثاني والأربعون(الجزء الثاني)

في صباح يوم جديد

في منزل امجد...

مايا:خد مني دي كمان يا بابي والنبي

امجد بضحك:يا مايا كفايه كدا انا هتخن اووي وهتبوظيلي التظبيط اللي بظبطه لجسمي من يوم ما اتولدت

مريم بدعابة:لا يا موي والنبي كله الا عضلات بابي دا انا بموت فيهم

امجد وهو يغمز لمريم بعينيه بحب:قولتي ايه،بتموتي فيهم

احمرت وجنتي مريم وضحكت بخجل وقالت:ااا لا عادي

امجد وهو يقترب منها:طب قوليلي طيب كنتي بتقولي ايه وانا بكلم موي

مريم بجدية:امجد!!...وسع خلاص البنت قاعدة

امجد:احم احم ايه يا موي

مايا ببراءة:ايه يا بابي

امجد:ااا مش يلا عشان اوصلك الحضانة قبل ما اروح الشركة ولا اسيبك واخرج

مايا:لا لا استناني ازيب السنطة واجي

امجد بدعابة وضحك:يا جارحني بلقمة ناشفة والعيش عندك طري تقلان عليا ليه ما تحن يا مفتري

مريم بضحك وخجل:امجد فيه ايه

امجد:مفيش حسيت ان مقصر في حقك حبتين فقولت اظبط بقا

مريم بضحك:بس انت قلبت صايع اووي انت ماكنتش كدا خالص

امجد:اه ما انا قلبت صايع عشانك يا طِعم

مريم:امجد خلاص بقا مايا ممكن تيجي في أي وقت هيبقي منظرك سخيف

امجد:وماله

مريم بضحك:امجد!!!

مايا:بابيييي انا جيت

امجد بضحك:دايماً بتيجي في وقتك يا موي يلا بينا
امسك امجد بهاتفه ومفاتيحه مودعاً زوجته:باي باي يا روحي خلي بالك من نفسك

مريم:حاضر يا عمري وانت كمان

امجد وهو يقبل رأسها بحب:حاضر،اه بالحق لو احتجتي حاجة من السوق ابقي قولي لدادة انتصار متنزليش انتي

مريم:حاضر يا جودي

امجد:يادين امييي علي جودي اللي بتدوبني دي

مريم بضحك:طيب روح طيب عشان متتأخرش علي شغلك

امجد بدعابة:ماشي يا عسل

مريم بخجل:باااي،باي يا موي

مايا:باي يا مامي...

________________

في الشركة...

مراد:ايه يا عم اتأخرت ليه انا مستنيك من بدري

امجد:ابداً كنت بوصل مايا الحضانة

مراد:يا عمري كبرت وبقيت في حضانة