مر ثلاث اسابيع علي ابطالنا
مراد ومي قد تم حفل زفافهم وذهبوا ليقضوا شهراً في شرم الشيخ وامجد مازال يبحث عن خالد ولم يجده حتي الان ومريم في حزن دائم علي حالها وحال زوجها والوضع الذي خلقوا فيه،اما خالد ذلك المكار اللعين يرسم دور الحب علي سها الذي اصبحت ضحية ألاعيبه وغشه وظلت تتردد علي منزله بشكل مستمر،اما سها فهي تظن بأنها سوف تستطيع اخداع خالد،تباً فهي لا تعلم من هو خالد ولا تعلم بماذا ينوي ان يلحق بها الضرر والسوء...
___________
امجد:طب هتفضلي كدا لحد امتي يعني
مريم:معرفش
امجد:يا مريم حرام عليكي بقا انا ناقص يعني
مريم:طبعاً مش حاسس انك كدبت عليا ومقولتيليش الحقيقة وانك غلطان
امجد:انتي اوڤر اووي علفكره وانا مبحبش كدا
مريم:انا اوڤر ي امجد!!...يعني انت مش شايف انك كدبت عليا
امجد:يووه بقا هو انا كدبت عليكي امتي يعني عشان خبيت عليكي دا بالنسبالك كدب!
مريم:امم اه كدب،بقا مي ومراد يعرفوا وانا اخر من يعلم يا امجد مبقتش في حساباتك خالص للدرجادي
امجد بصوت منخفض:الله يلعنك ي مراد انت ومي مطرح ما انتوا قاعدين جبتولي المشاكل
مريم بدهشة:انت بتدعي عليهم يا امجد
امجد:اه بدعي عليهم عشان هما السبب في كل العك دا
مريم:اه وماله ما هي غلطت عشان عرفتني الحقيقة
امجد بنفاذ صبر:يا مريم يا حبيبتي خالد زفت هرب انتي شاغله نفسك بالموضوع ليه دي مشكلتي وانا هخلصها انتي مش لاقيا حاجه تتخانقي معايا عشانها هتمسكي في مشاكل الشغل انتي بقيتي غريبة كدا ليه
مريم:مشاكلك!!...دلوقتي بقت مشاكلك لوحدك امال انا ايه لوح،شفاف مثلاً ماليش أي تأثير فحياتك ولا وجود!
امجد بضيق:صبررني يااارب
مريم:روح يا امجد روح شوف شغلك وسيبك مني انا مبقتش مهمه عندك روح
قالت هذه الكلمات وتركته بمفرده في الريسيبشن ودلفت الي غرفتها وعيناها مدمعه
امجد بضيق:انا هلاقيها منين ولا منين بس يارب
دلف الي غرفتها وجدها جالسة علي سريرها وتبكي بشدة اقترب منها وجذبها الي حضنه وظل يمسح دموعها برقة بالغة
امجد بحب:دموعك دي غالية عليا اوي يا مريم وانا مش هسامح نفسي اني كنت سبب في نزولها
مريم ببكاء:ليه يا امجد بتزعلني،انت عارف اني بحبك ليه تخليني اعيط منك ليه
امجد:اقسملك انه ما بيكونش قصدي وحقيقي انا ماكنتش اقصد ومرضتش اقولك موضوع خالد دا عشان متقلقيش والله مش اكتر
مريم بشهقة:لاء انت مبقتش تحبني،انت كرهتني يا امجد وبتبعد عني
اقترب امجد من اذنيها وهمس قائلاً:محبتش ولا هحب حد غيرك يا وجعي
ابتسمت مريم من بعد بكاءها لحديثه:انت بتجيب الكلام الحلو دا ازاي
امجد بهمس:عينيكي
مريم بنظرة دهشة:عينيا!!
امجد:اممم،عينيكي لما ببص فيها الكلام بيطلع لوحده،انتي جمال الدنيا ف نظرة واحدة من عينيكي يا ست البنات
مريم وهي تضمه بشدة:بحبك يا امجد،بحبك اووي
امجد:وانا بموووت فيكي يا وجعي......
____________
في الشركة...
سها للسكرتيرة:لو سمحتي ممكن ادخل لأمجد بيه
السكرتيرة بعدم مبالاة:امجد بيه لسه مجاش
سها:امم طيب هو هيجي امتي
السكرتيرة:مشعارفه ممكن علي وصول،متأسفة في السؤال هو حضرتك مين
سها:احمم انا سها الصياد وجاية لأمجد بيه بخصوص شغل
السكرتيرة بسخرية:اممم شغل،طيب
اغتاظت سها م رد فعل السكرتيرة وكادت ان ترد عليها ولكن قطعها رنين هاتفها فإبتعدت عنها مسافة واجابت المتصل
سها:الو
خالد:هاا عملتي ايه
سها:وصلت الشركة بس هو مش موجود
خالد:ايه دا امال هو فين
سها:مشعارفه تقريباً في الڤيلا
خالد:اممم وماله،المهم تعملي زي ما قولتلك وتبلغيني بالخبر اللي يفرحني
سها بخبث:اكييد يا خالودي متقلقش
خالد بسخرية:لما نشوف يا قطة،سلام.....
أنت تقرأ
مجنونة بيك الجزء الأول والتاني❤
Bí ẩn / Giật gânهتدور احداث كتير داخل الرواية وبعد تعب وصبر طويل هتوصل مريم للحلم اللي كانت بتحلم بيه من سنين وهيتحقق .. والحلم هيبقي واقع ملموس وبعدها هتتقلب الموازين رأس علي عقب وهيحصل اللي مكانش متوقع ، لكن بعدها كل حاجة هتبان بكل وضوح وشفافية جميع حقوق النشر مح...
