مجنونة بيك الجزء الأول والتاني❤

الفصل الثامن والعشرون(الجزء الثاني)

سمع طرقات علي الباب فأذن للطارق بالدخول فكان مراد

مراد:ها مفيش جديد

امجد بضيق:لا مفيش،ولسه قافل مع توفيق بيه قبل ما تدخل

مراد وهو يعتدل في جلسته:بجد وقالك ايه

امجد:ابداً،بيقول انه ميعرفش اللي حصل دا حصل ازاي وانه كان مشدد حراسه فشديت معاه

مراد:ايه دا شديت معاه ازاي

امجد:قولتله اني هجيبه بطريقتي قالي قانون ومش قانون وانت عارفني لما بتعصب بعمل ايه

مراد:يخرب بيتك دا لواء هو دا مراد عشان تهذقه وتكلمه بإسلوبك دا

امجد:مراااد اصتبح انا مش ناقصك

مراد:طيب هنعمل ايه

امجد:مش عارف انا كل همي دلوقتي مريم ومايا

مراد:متخافش انا هأجر بودي جاردات واخليهم تحت بيتك

امجد:يا عم انت هتعملي زي توفيق هو يقولي حراسة وانت تقولي بودي زفت

مراد:مالك يا عم ماهو مفيش حل غير كدا

امجد:انا لازم اجيبه بأي تمن يا مراد

مراد:هنجيبه بس بشوييش لازم نخليه يقتنع ان احنا موصلناش خبر هروبه لسه ونخططله علي الهادي

امجد بضيق:طيب..خلينا فيك انت، جبت البدلة ولا لسه

مراد:بدلة ايه

امجد:مش طالبة استظراف علي الصبح هيكون بدلة ايه يعني،بدلة الفرح اكيد

مراد:لااا انساها دلوقتي

امجد:انسي ايه!

مراد:هو انا مقولتلكش

امجد وهو يمسك بمطفأة الحريق الذي بجواره بكل غضب:اقسم بالله احدفك بيها اجبلك ارتجاج في مخك، ما تنطق علطول هو انا هشد الكلام من وقك ولا ايه

مراد بضحك هستيري:ولااا اووعاا ميغركش طيبتي دا انا نينجا

امجد بسخرية:اه م انا عارف،انطق ايه اللي حصل

مراد:مفيش اجلت الفرح

امجد:ليه يابن الجزمة

مراد بضحك:يا عم فيه ايه ما تهدا عليا شويه عمال تهزيق فيا من اول ما دخلت م الباب داهون

امجد:اخلصصص

مراد:اجلته يعم عشان حوار خالد دا مستني لحد ما نظبط امورنا الاول ونشوف هنعمل ايه معاه

امجد:طب ومي ذنبها ايه بمشاكلي

مراد:دي مش مشاكلك لوحدك يا امجد دي مشاكلي انا كمان

امجد:اه م انا عارف بس رجولتك وشهامتك دي مينفعش تخليك تلغي فرحك عشاني

مراد:لا يا صاحبي مفيش حاجة وبعدين انا هأجله مش هلغيه

امجد:تؤتؤ فرحك هيتعمل في معاده

مراد:يا عم اجلته خلاص واتكلمت مع مي واتفقنا

امجد:وهي كان ردها ايه

مراد:عادي زعلت شويه وافتكرت اني مبقتش احبها وجو البنات المتخلف دا

امجد وهو يمسك بالمطفأة مره اخري:طب قسماً بالله لو ملمتش نفسك وقمت دلوقتي تأجر بدلة الفرح لسيح دمك

مراد وهو يجري نحو الباب بضحك هستيري:يابن المجنونة يا امجد،مالك يابني بقيت متوحش كدا ليه

امجد:اخلص يالا روح اجرها وظبط مواعيدك الفرح هيتم في معاده

مراد بضحك:والله كتر خير مريم عليك

امجد:امشي يالا.....