مجنونة بيك الجزء الأول والتاني❤

الفصل الثاني عشر

مراد: ايه يا عم ماكلش يعني

ضحكت مي بشدة: دي نفس معاناتي انا ومريم علي فكره تبقي بتاكل قبل المحاضرة وتعطلنا...مفجوعة اووي

مريم بخجل: اخص عليكي يا مي انا مفجوعة

امجد: لا طبعاً اكيد متقصدش

مريم: لا يا امجد دي رخمة اوي ودايما بتهزقني

سها بخبث: وايه يعني مش صاحبتك

مي: دي حبيبتي يا جماعة مقدرش استغني عنها والله

مراد بضحك: ايوة كدا اعدلي لاحسن الدنيا تقوم متقعدش تاني

مريم بضحك: هي كدا تشتمني وتهزقني وبعدين تقول مقدرش استغني عنك، حالة استثنائية غريبة

سها بضيق: طب مش يلا بقا عشان تعبت من الوقفة وعايزة اروح

شعر امجد بضيقتها من حديثه مع مريم فقال بجدية: ماشي يلا

وصلت مريم الي منزلها فدقت جرس المنزل معلنا وصولها

بهيرة: ايوة حاضر وقامت بفتح الباب

مريم: ايه يا ماما كل دا عشان تفتحي

بهيرة: معلش يا بنتي اصل كنت في المطبخ

مريم: ولا يهمك يست الكل، بابا فين

بهيرة: في اوضته ادخليله

مريم: حاضر ..

دلفت مريم الي غرفة والدها

مريم: ازيك يا بابا

إبراهيم: الحمدلله يابنتي كويس انتي عاملة ايه وايه اخبارك في الدراسة

مريم: الحمدلله ماشي الحال

إبراهيم: متزعليش مني يابنتي لو كنت زعلتك حقك عليا انا ماكنتش قاصد امد يدي عليكي بس انتي عصبتيني

مريم بحب: مقدرش ازعل منك يا بابا وانا فعلا اتعديت حدودي انا اللي اسفه مش انت

جذبها إبراهيم إليه وقبلها في جبينها وحضنها قائلاً: ربنا ميحرمنيش منك يا بنتي

مريم: ولا منك يا بابا ياارب

*******

جالس شاردا في غرفته وحيدآ وعقله لم يهدأ ابدآ، يفكر في تلك الفراشة التي مرت من جانبه فغيرت مجري حياته .. ظل مترددا لفترة ثم قام وامسك بهاتفه

امجد: ايوه يا مراد ازيك

مراد: اهلاً يا امجد اخبارك ايه

امجد: الحمدلله كويس، بقولك يا مراد

مراد: قول

امجد: انا حاسس بإحساس غريب مش عارف مالي

مراد: ازاي مش فاهم، حاسس بإي يعني

امجد: مريم يا مراد مريم

مراد: مريم مين، زميلتنا

امجد: اه، من وقت ما اتعرفت عليها وانا عمال افكر فيها ومش ناسيها ابدا وحاسس انها مستحوذة علي تفكيري كله يا مراد ليه كدا

مراد بضحك: الله الله ياخويا هي السنارة غمزت ولا ايه، حبيتها م ورايا ياولا

امجد: وقعت ومحدش سما عليا يا مراد والله

مراد: طب وهتعمل ايه

امجد: مش عارف انا كلمتك عشان محتار

مراد: اممم طب اقولك انا، كلمها في التليفون وعرفها إنك حبيتها وكدا

امجد: ازاي انا مش معايا رقمها

مراد: بسيطة يا سيدي اجبلك رقمها من سها ..