مجنونة بيك الجزء الأول والتاني❤

الفصل الرابع والعشرون(الجزء الثاني)

مي بضحك:وماله يا سيدي ميهمش

مراد بجدية:اسيبك انا بقا عشان امجد بيرن عليا هشوفه وبعدين هنزل علي الشركة ابقي اكلمك هناك اول لما ارجع

مي:اوك،كلمني اول ما توصل طمني عليك

مراد:حاضر يا روحي،خلي بالك من نفسك

مي:حاضر وانت كمان،يلا باي

مراد:باي
____________

امجد:ايه ياعم كل دا انتظار قرفتني علي الصبح

مراد:طب قول صباح الخير الاول

امجد:صباح الزفت علي دماغك يا مراد

مراد بضحك:الله الله فيه ايه يا عم مالك بتزق كدا ليه

امجد:مش عارف يعني انت هببت ايه

مراد بجدية:لا مش فاهم،فيه ايه مالك

امجد:صفقة طارق رضوان سايبها ليه لحد دلوقتي

مراد:اااخ،والله نسيتها انا قولت لمها تجيبلي الورق وبالفعل جابتهولي في المكتب بس انا نسيت اقراه،عندي انا دي يا صاحبي متزعلش

امجد:طيب المهم

مراد:هاا

امجد:ناوي تلم نفسك امتي انت

مراد:هههه مش فاهم تقصد ايه

امجد:مالك سايق الغباء ليه النهاردة،بتكلم علي فرحك يا بيه امتي هتعمله

مراد:مش عارف والله انا لسه قافل مع مي وقولتلها عملتلي حركات البنات دي واتكسفتلي وبس وبتاع وخلتني قفلت علي الحوار كله

امجد:جوز عبط واتلموا علي بعض اقسم بالله

مراد:ههههه مش ملاحظ ان المكالمة كلها بتهزقني فيه ايه المدام زعلتك تاني ولا ايه

امجد:اخرس يالا

مراد:ههه حاضر،انت روحت الشركة ولا لسه

امجد:لا يا روح امك كنت بسألك علي ورق الصفقة وانا نايم ومتغطي

مراد بضحك:ياباااي عليك وعلي زفارة لسانك علي الصبح

امجد:اخلصصص بلاش لوك لوك كتير،خمس دقايق والاقيك في مكتبي،سلام

اغلق هاتفه امجد ولم ينتظر الرد من مراد،ذُهل مراد من تصرف امجد وظل يضحك بشدة وقال:اقسم بالله عيل مجنون
____________
في مكان اخر
في مكتب وكيل النيابة

خالد:افهم من كدا ايه،افهم انك هتنفذي كل اللي هقولك عليه

سها بكل ثقه:بالحرف الواحد

خالد:عظييم

سها:هاا هتنوي امتي

خالد:مش عارف بس في اقرب وقت اكييد انا مش هستني هنا كتير

سها بدلع:امم طيب لما تحدد قولي عشان عملالك مفاجأة

خالد:مفاجأة!!....مفاجأة ايه؟

سها:مش هقولك دلوقتي خليها في وقتها هتكون احلي

خالد بخبث:وماله يا قطه خليها في وقتها

سها:احمم المهم خد دا،،،،اعطته هاتفاً صغيراً اخذه خالد متفهماً:ايه دا

سها:خليه معاك عشان ابقي اتابع معاك اخر الاخبار،اممم وكمان عشان اتطمن عليك،بس خلي بالك لحد يشوفه

خالد بخبث وقد فهم مقصدها:اهااا،وماله يا سوسو ميضرش برضو و.....قاطعه صوت الطرقات علي باب المكتب فدلف العسكري ليخبرهم بأن الزيارة قد اخذت وقتها الكافي،فهبت سها واقفه وهي تمسك بهاتفها وحقيبتها مودعه خالد قائلة:اسيبك انا بقا وهجيلك تاني اكيد،ثم همست في أذنيه بصوت خافت:هتابع معاك علي الفون يلا باي
ثم تركته وخرجت،وهي تظن اشد الظن بأنها قد تنجح في خطتها بأن تقضي علي امجد ومراد معاً عن طريق خالد وستنجح ايضاً في ايقاع خالد بحبها وجذبه لها ولكن تباً لها فهي لا تعلم من هو خالد عبد العزيز ولا تعلم ماذا يدور برأسه اللعين ولا تعلم ايضاً ماذا ينوي ان يفعل بها بعد ان تنتهي ذلك القصه....