مجنونة بيك الجزء الأول والتاني❤

الفصل الثاني عشر(الجزء الثاني)

خالد بغضب:ليييه فيه ايه تاني

جمال:لان حضرتك لما مسكوك كنا فاكرين ان دي قضية قتل وهيدوك اعدام فيها...قاطعه خالد
بضيق:اخررس خالص ايه الهلفطة اللي بتقولها دي انا مش ناقص

جمال:مش قصدي يا خالد بيه بس بقولك علي اللي حصل،بما ان امجد عايش في كدا يعتبر حكم الاعدام باطل فإحتمال يكون شروع في قتل وحكمها هيكون صعب زي القتل بالظبط

خالد بنفاذ صبر:طب وبعدين انا مشعارف اخلص منه ازاي انا جبت اخري من ام الحبس دا شوفلي حل يا متر انا مش هفضل هنا كتير هاا

جمال:احمم علي الله التساهيل يا خالد بيه،ااا...اقوم انا بقا وهبقي ابلغك لو فيه جديد

خرج جمال وترك خالد غارقاً في مصائبه،جلس خالد علي الكرسي المجاور لمكتب وكيل النيابة وضع يديه علي وجهه والغضب والضيق يملؤه من امجد،حتي سمع باب المكتب يفتح هب واقفاً فوجده وكيل النيابة

توفيق(وكيل النيابة):هاا ازيك دلوقتي يا خالد

خالد بضيق:الحمدلله يا باشا،هو اللي سمعته دا يا باشا صحيح

توفيق:اممم صحيح

انفعل خالد وقال بصوت جهوري:ازاااي انت بتهزر
توفيق:افندم!!....إلزم حدودك يا خالد واعرف انت بتكلم مين واقعد وافهم بهدوء بدل ما اخليك متطلعش منها

خالد وهو يجلس بصدمة:اديني قعدت يا باشا فهمني بقا دا حصل ازاي

توفيق:هفهمك بس لما يجي

خالد بتفهم:مين اللي يجي ولامؤاخذه

سمع خالد طرقات الباب فسمح توفيق للطارق بالدخول فكانت المفاجأة....

خالد:امجد!!

امجد ببرود:ازيك يا خالد عاش من شافك يا راجل،اقعد مالك متنح كدا ليه

خالد بدهشة:ازاااي،انا مش مصدق

امجد:معلش،اقعد يا راجل عايز اتكلم معاك

توفيق:اقعد يا خالد

جلس خالد وهو في كامل صدمته لرؤيته امجد مرة اخري

امجد بتنهد:اييه مالك ساكت ليه ماكنتش متخيل ان اكون عايش صح،كنت مبسوط لما افتكرت انك قتلتني ويتمت بنتي ومراتي،كنت شايف ان دا عادي مش كدا

ظل خالد مندهشاً لم يصدق ما رأته عيناه وما سمعته أذنيه

توفيق:احمم ندخل في الجد يا امجد

امجد:ياريت يا توفيق بيه

خالد:انا عايز اعرف دا حصل ازاي

امجد:هقولك،نبدأ من الاول بقا حضرتك في الاول اتكلمت مع الموظف بتاعك واتفقت معاه يأجرلك ناس وعربية مسروقة ومن غير نمر عشان يقتلوني انا وطالع من الشركة،وبعد ما اتفقت معاه قولتله ان يقول لجاسوسك االي مخليه عندي في الشركة يراقبني يجيب كاميرات مراقبة تسجل كل حاجة وتبقي متابع كل تحركاتي،الجاسوس بتاعك جه بالفعل وانا مش موجود في الشركة وركب الكاميرات في مكتبي اللي بقعد عليه ما تحب بحيث اني مشوفهاش،وركبها ولما خلص خرج،الحلو بقا في الموضوع ان احنا كمان كان لينا جاسوس عندك بيبلغنا تحركاتك بالسنتي عارف مين!!،مش هتصدق....جومانا سكرتيرتك هههه بنت حلال مصفي جومانا دي كلمتني وقالتلي ويومها انا فرحت انها قامت بالواجب مع مديرها للي مشغلها ومأكلها عيش ما علينا،يومها انا كلمت مراد وجينا هنا لتوفيق بيه وعرفناه كل حاجة بس مقدرش يطلع اذن بالقبض عليك لان مفيش أي حاجة تثبت دا....