مجنونة بيك الجزء الأول والتاني❤

الفصل الثالث والأربعون(الجزء الثاني)

خالد ببرود:اممم بالظبط

سها بدهشة:بالظبط ايييه لا متقولش!

خالد بسخرية:ههههه اه صاحبتك

سها وهي تمسك برأسها متألمة:ااه ازاااي ازاي يارا تعمل كدا

خالد:ههه معلش كل واحد بيشوف مصلحته فين وبيجري،وراها والشهادة لله يارا بنت حلال يعني مغلبتنيش معاها اتكلمنا كلمتين خلصنا الحوار،بس تصدقي يا سها دفعت كتير عشان اعرف كل حاجة عنك

سها ببكاء:انت حيوان،حيوان ومالكش امان ولا ينفع حد يثق فيك اصلاً انت ايييه شيطاان

خالد بضحك:اممم انا شيطان فعلاً عرفتي ازاي

سها ببكاء وترجي:طيب عشان خاطري يا خالد اتجوزني،انا في مصيبة مينفعش تسيبني هقول للناس ايه،ارجووك يا خالد انا بحبك والله

خالد بسخرية:تؤ تؤ مليش فيه يا ماما انا مش بتاع جواز لاء

سها بتوتر:يعني ايه!

خالد:ههه يعني فكك مني انسيني انا مش هتجوزك وبالنسبة اللي في بطنك نزليه محلولة اهي

سها بدهشة:عايزني اموت ابني يا خالد!!

خالد بسخرية:خلاص ياختي خليه وشيلي شيلته وحدك بقا،يا بنتي دا انا قتلت داليا عشان رفضت تنزله تفتكري هغلب فيكي انتي لو عافرتي معايا

سها بفزع:ايه!!....قتلتها

خالد:اممم انا حكيتلك عنها بس مقولتلكيش ماتت ازاي،انا خنقتها بإيديا دول ههههه كانت فاكرة ان العند بيجيب نتيجة الله يرحمها كانت دماغها جذمة بس اخدت جزائها

سها بدهشة:انت ازاي كدا !!!

خالد بسخرية:يا عمري انا كدا م زمان بس انتي اللي ماكنتيش واخدة بالك

سها بتحدي:هفضحك هقول للبلد كلها علي عملتك السودا مش هسيبك في حالك يا خالد

امسكها خالد مرة اخري من شعرها بكل قوته
خالد بتحدي:اعملي اللي انتي عايزاه جواز مش هتجوزك والعيل نزليه غير كدا معنديش كلام تاني،،،ثم القاها علي الكرسي بقوة جعلها تتألم وخرج وترك المنزل

سها ببكاء:حسبي الله ونعم الوكيل،اعمل ايه يارب اعمل اييه

_______________

يارا بدهشة:ااا....انتي بتقولي ايه يا سها

سها وهي تصفعها مرة اخري:انتي حيوانة وكانت غلطتي انا اني دخلتك بيتي وعرفتك اسراري هان عليكي العيش والملح تبعيني لخالد بالمنظر دا انتي لا يمكن تكوني صاحبتي لا يمكن

يارا ببكاء:سها اسمعيني طيب خالد دا كداب

سها ببكاء:اخرسيي خالص مشعايزة اسمع منك حاجة هو مش كداب هو عرفني حقيقتك وهو كمان ظهر علي حقيقته انا ماكنتش اتخيل انكم ممكن تكونوا بالوقاحة دي بجد انا مصدومة فيكوا

يارا:يا سها افهميني...قاطعتها سها بحدة:اخرسيي!!....اطلعي برا انتي مالكيش قعاد معايا تاني ومن النهاردة بيتي دا متدخليهوش برجلك تاني وانا هعتبر يارا اللي عرفتها زمان ماتت خلاص...اطلعي برا...برا

______________

بعد مرور عدة ايام.....

مي:مودي يا موودي

مراد بنعاس:ايييه يا مي ايه يا حبيبتي مالك

مي بدلع:قوم يا مودي بقا عشان تروح الشركة

مراد:ليه هي الساعة كام دلوقتي

مي:اممم تسعة

هب مراد واقفاً:ايه تسعة ازاي

مي:هههه والله تسعة

مراد بضيق:وازاي يا مي تسبيني مي لدلوقتي

مي:يا حبيبي مانا مرضتش اصحيك عشان سهرنا كتير بالليل،اه صحيح امجد رن عليك فوق الست مرات

مراد بدهشة:اي!!...ست مرات ليه دا انا اتأخرت علي معادي نص ساعة مش حوار يعني،المهم عاجبك انتي كدا

مي:ياعمم خلص بقا وروح البس انت لسه هتتخانق معايا علي ما اجهزلك الفطار واشوف عُدي

مراد وهو يمسك بملابسه ويخرج من الغرفة:لا فكك من الفطار مفيش وقت ولازم اروح ليكون فيه حاجة مع امجد

مي:يابني استني شويه كمان انا مش هطول

مراد:تؤ تؤ مش هينفع،المهم عُدي صحي

مي:ههه قول نام ولا لسه

مراد:ايه دا هو انا مش سبته نايم في الفجر

مي:صحي تاني وفضل يعيط ومعرفتش ماله فضلت رايحة جاية رايحة جاية لحد ما فصلت

مراد:معلش يا حبيبتي محستش والله انا نمت علي طول كنت جاي تعبان من الشغل

مي بحب:ولا يهمك يا حبيبي انا وانت واحد

مراد وهو يقبل رأسها:حبيبتي ربنا يخليكي ليا

مي:ويخليك ليا

مراد:هروح انا بقا،خلي بالك من نفسك

مي:حاضر وانت كمان،باي......