مجنونة بيك الجزء الأول والتاني❤

الفصل الحادي عشر(الجزء الثاني)

امجد:من الباب يا مريم هيكون ازاي يعني

مريم بضيق:ومش عيب تدخل عليا وانا نايمة كدا

امجد:نعم ياختي!!...عيب ايه انتي مراتي

مريم:كنت مراتك

امجد:لا يا مريم انتي لسه مراتي وهتفضلي مراتي غصب عن اي حد

مريم:مش عافية هي،وانت هتطلقني ولو مطلقتينيش هرفع عليك قضية خلع

امجد:لا عافية وقسماً بالله يا مريم ما هطلقك ومش هسيبك وهفضل وراكي لحد ما تسمعيني انا معملتش كل دا عشان ارجع الاقيكي بقيتي كدا

مريم بعينان مدمعة:انت السبب في كل اللي حصل دا وإياك تفتح الموضوع تاني انا مش هقبل اي كلام فيه

امجد:مريم انا والله كنت مجبر علي دا حياتك وحياة مايا كانت هتبقي في خطر لو معملتش كدا

صمتت مريم وبداخلها الف سؤال لما حدث فهي تريد ان تعلم لماذا فعل هذا ومن جهة اخري لم تستطيع المغفره لم فعله ظلت تتألم بين ذلك الشعورين حتي قطع صمتها حديثه

امجد:حاولي يا مريم تسمعيني والله تاني كان غصب عني

مريم بضيق:اطلع برا يا امجد

امجد:ايه!

مريم:اللي سمعته،وياريت نخلص حوار الطلاق دا في اقرب وقت لان طاقتي خلاص خلصت ومبقيش فيا اي حيل للمناهدة تاني

امجد بضيق:للدرجادي يا مريم كرهتيني

مريم ببكاء:انا كرهت نفسي يا امجد،عارف يعني ايه كرهت نفسي..ارجوك سيبني في حالي وابعد عني انا تعبت منك

امجد:انا مقدرش اعيش من غيرك يا مريم متعمليش معايا كدا

مريم:قدرت،قدرت يا امجد وعملتها

امجد:ما تفهمي بقا انتي ايييه

مريم بإنهيار:امجددد اطلع برا

امجد بغضب:هطلع يا مريم بس مش هسيبك وهفضل وراكي لحد ما تسمعيني وتعرفي انه كان غصب عني

خرج امجد وتركها منهارة من البكاء،صادف مراد امامه فلم يجيبه بما قاله وتركهم وخرج من البيت كله وهو في قمة غضبه وضيقه مما حدث واصرار زوجته علي قرار طلاقهم،فهو لا يستكيع العيش بدونها ولم يستطيع ان يتحمل نتيجة ما طلبته زوجته منه ولكن ماذا يفعل؟؟

_____________

في مكان اخر وبالتحديد في مكتب وكيل النيابة
خالد بدهشة:انت بتقول ايه

جمال(المحامي):زي ما بقول لحضرتك كدا،انا مصدقتش لما سمعت الخبر

خالد وهو يقف ويستند علي المكتب المجاور له:انا مش مصدق،انت بتهرج صح

جمال:لا يا خالد بيه ههزر في حاجة زي دي ازاي

خالد بضيق وهو يجلس بتعب عالكرسي:ازاااي يابني ادم دا اتضرب بالنار ورجالتي اللي ضربوه واتدفن ومات وشبع موت ازاي الاقيه عايش مره واحدة انت عايز تجنني!!

جمال:صدقني دي الحقيقة انا مش بكدب ووكيل النيابة قالي انه هيقعد معاك بعد م امشي انا وهيفهمك كل حاجة

خالد وهو يخبط بيده علي رأسه:عرفت تلعبها صح يبن النشار وديني ما انا سايبك بس اخرج من هنا
جمال بتنهد:للأسف ي خالد بيه نسبة خروجك من القضية بقيت صعب اووي....