مجنونة بيك الجزء الأول والتاني❤

الفصل الثالث والعشرون(الجزء الثاني)

مريم بتفهم:امم طلب ايه

امجد:نروح شقتنا،اظن ملوش لزوم قعدتك عند مي هنا،انا وافقت الاول عشان تهدي وتاخدي وقتك وتهدي لكن متهيألي كفاية ولا ايه

مريم بحب:حاضر يا حبيبي هروح معاك

امجد وهو يمسك يديها ويقبلها برقة بالغة:ربنا يخليكي ليا يا مريومتي

مريم بحب:ويخليك ليا يا جودي

امجد:يلا ناكل بقا عشان تلمي حاجتك ونروح بيتنا

مريم:ماشي يلا.....
_____________

في مكان اخر تجلس سها شاردة ف حديثها الذي دار بينها وبين خالد عبد العزيز وحيرتها بين هل هو سيقبل عرضها او سيرفضه،فهو اصبح املها الوحيد للتخلص من امجد ومراد حتي قطع تفكيرها رنين هاتفها فأجابت المتصل

سها بتهكم:الو

يارا:ايه عملتي ايه

سها:مفيش جديد

يارا:ايه دا انتي مش قولتيلي انك هتروحي لخالد النهاردة

سها:اه بس خايفة

يارا:من ايييه

سها:خايفة ليرفض عرضي اللي عرضته عليه،دا اخر امل ليا يا يارا

يارا:مظنش هيرفض،هو اصلاً بيكره امجد كره العمي ومراد كمان فمتخافيش

سها:ومظنش برضو انه هيوافق،ايه ليه هيخليه يصدقني

يارا:كلامك،كلامك يا سها عن امجد والغل اللي واضح اوي في كلامك عنه دا انا شخصياً كرهته من غير ما اشوفه ما بالك هو بقا،اهم حاجة تخلي بالك انتي ورايحه تزوريه ليكون حد من رجالة امجد ولا مراد بيراقبك دول ممكن يدفنوكي حيه ميهمهمش حاجة،مراد بقي حاجة كبيرة اووي ومعاه فلوس ورجاله ياما وامجد زيه وقده عشر مرات فخلي بالك

سها بتوتر:ما خلاص بقا يا يارا انتي بتطمنيني ولا بتخوفيني هو انا ناقصه يعني

يارا:مش قصدي اخوفك بس عايزاكي تاخدي بالك،وتتوقعي الغدر من أي حد

نظرت لها سها نظرة غموض فلم تفهم معني هذه الكلمة وكأنها تحذرها من نفسها،شردت سها في كلمات يارا الغامضه وذهبت في عالم اخر لا يوجد في سواها هي وخالد ومراد ويارا والجينرال امجد النشار
___________

في صباح يوم جديد من منزل مي اكرم

مي وهي تتحدث في هاتفها:صباح الخير يا مودي

مراد بحب:صباح الفل علي مراتي الحلوة

مي بدلع:بس بقا يا مودي احنا لسه متجوزناش

مراد:نعم ياختي امال كتب الكتاب دا كان ايه ها

مي بخجل:احنا كتبنا كتابنا اه بس لسه معملناش الفرح

مراد بخبث:هنعمله قريب

مي بخجل شديد:اممم طيب

مراد:المهم بقا انتي عامله ايه النهاردة

مي بإرتياح:مقدرش اوصلك انا مرتاحه ومبسوطة قد ايه لما مريم وامجد اصتلحوا ورجعت بيتها وهدي الجو بينهم

مراد بضحك:يعني هي كانت مضايقاكي في وجودها عندك طب وديني لقولها

مي بضيق:تصدق انك رخم،انا بقول مبسوطة انهم اصتلحوا،مريم كانت مسلياني وماليا عليا البيت ومايا كمان بس كمان ميرضينيش تفضل عندي وفي مشاكل بينها وبين جوزها فاهمني!

مراد:هههه اكييد طبعاً

مي:امم واضح انك صاحي بتقول يا صباح الاستظراف وانا مش ناقصه

مراد:وماله يا هانم لما مرخمش علي مراتي ارخم علي مين يعني

مي:اه وماله افقعلي مرارتي المحندقه وجبلي جلطة وماله

مراد بحب:بعد الشر علي نور عيني

مي بدلع:ااه خش عليا بالشويه الحلوين بتوعك دول اللي بيضعفوني في أي خناقه معاك

مراد بضحك:مأنا عارف نقطة ضعفك بقا....