طفلة ولكن ...

2

سالم : ههههه ناخدها غدوا كان واتية
علي : غدوا ؟ وشاف لبوه
سالم : ايه الحوش واتي وكل شي تمام
اسماعيل يشوف للتليفون وشاد دموعه
علي : باهي مدام هكي تعال في الليل خودها
سالم : تم
علي : تصبح ع خير توا
سالم وانت من اهل الخير
-
جهاد : فوتها
جاد : لحظة حبيبتي خوي يبيني
جهاد : فوتها يا راجل
جاد : شن تقول انت
جهاد : والله يا راجل خايف عليك فوتها
جاد : اطلع
جهاد : باهي اقعد فيها بروحك
-
يوسف : وين بنمشي بيها
اسماعيل : ارفعها لشقتنا
يوسف : كان لقوها يقتلوها
اسماعيل : مش حيمسوها الا واني في قبري
يوسف : تمام غدوا صبح بكري طالعين احني
اسماعيل : توا ناخد حوايجها ونطلع
يوسف : تمام
-
ثاني يوم
-
مرام : وين احني
يوسف : في شقتي اني واسماعيل
مرام : نبي نروح
يوسف : بيجي ياخدك الليل كان ما تركبيش
مرام : روح بيا
يوسف : والنبي اركبي
مرام : سوفة نبي نروح
يوسف : خلي ع الاقل اليوم يفوت بس
مرام : نبي نروح
يوسف : والنبي
مرام : والنبي روح بيا
يوسف تنهد : تمام تمام
-
اشرف : شن ادير في دار الفرخة هاديك
اسماعيل : تبي حوايج بنرفعلها
اشرف : وانت شن خليت في الدولاب
اسماعيل : لان تبيهم كلهم
اشرف : يا ....
قص عليه الحوش يشرين
طلعو من الدار فتح علي الباب
عائشة : وين بوك ؟
اشرف : تفضلي ؟
عائشة : مرام بنتك صح ؟
اشرف : تبي حاجة منها ؟
عائشة : لو انت مش متكفل بيها وتبي تفتك منها في اقرب وقت اعطيهالي تقعد بنتي اني
اشرف : والله اليوم دخولها يعني حتكون في ذمة راجل
عائشة : ما فاتش الوقت وتفسخ الخطوبة وتعطيهالي
اشرف : لا هادي بنتي اني
وخشت مرام سمعت صوت يقول هادي بنتي اني وشن جي في بالها { زعما بابا بيفسخ زعما ربي استجابلي دعائي اخخخخ يارب يكون هكي} شافت هديل
مرام : شن فيه وتلفتت لبوها ولقاها يكلم في ام صاحبتها
اشرف : امشي لدارك
مرام : بس علاش المرا وبنتها قاعدات ع الباب
اشرف : اطلعو برا حوشي
عائشة شبحت لمرام ودمعت عينها نزلتها طول
عائشة : تعالي معاي كان تبي
مرام تلفتت لبوها
اشرف : امشي لدارك قلت
هديل : هيا ماما
مرام : بابا خليني نمشي  يروح بيا ...
اشرف : خشي وتي روحك الليلة دخولك
مرام : هاا ؟
هديل : هيا ماما
عائشة : تعالي معاي ؟
اشرف شد مرام بالقوة من شعرها قتلك خشي لدارك
عائشة تبي تحز
علي : هييي هييي هييي بو وبنته وانتي مالك ؟
عائشة انقدو اختكم
ايمن : اطلعي برا لو سمحتي
هديل جبدتها من بدها : هيا يام مرام ليها رب كريم توا ياخدلها حقها
عائشة : خخخخ نعمة ما عرفتوش تقدروها
منذر : ما دخلكش فينا
عائشة : يا الله يا الله
هديل : هيااا
-
اشرف : مرااام تبيني نحبك ونسامحك ؟
مرام : نقتل روحي ؟
اشرف : تلبسي الي في دولابك وتمشي معاه
مرام ناضت فتحت دولابها كان فيه قفطان ابيض بسيط : شن هذا ؟
اشرف : قفطان الي بتلبسيه الليلة وقت تطلعي نسامحك ونحبك
مرام حبست دموعها وهمست : جبتولي كفني لعندي
اشرف : قلتي حاجة ؟
مرام : قلت تمام توا نلبسه
اشرف ابتسم لمرام وطلع من دارها
مرام قعمزت ع سريرها لقت شنطة فوق الطارلة ناضت فتحتها لقت فيها مكياج مكيجت ع قد ما تعلمت من هديل ودارت شعرها كودة ولبست القفطان ولبست الكاب وكان ساهل لان القفطان زي قفطان البرودة غر ابيض وقعمزت ع سريرها
-
في الجامعة
جهاد : كان ما تحبيش خوي علاش تضحكي عليه ؟ فوتيه
اسراء : ما قالكش حد ان خوك يعطيني في فلوس امتا ما يبي
جهاد : لا والله عارف وانتي مخطوبة المشكلة وهوا ما يندريش وخطيبك يندري ؟
اسراء : هههههههه خطيبي نعطي فيه في فلوس خوك بش نكملو بني حوشنا ويعرف
جهاد : اسمعي الليلة كان كلمك ولا رد عليك يقعد هذا وجهي باهي
اسراء : ههههههههه مش حيصدقك
جهاد : لكن بيصدقك
اسراء : شن تقول
جهاد : الو جاد سمعت ولا لا ؟
جاد : سلام
اسراء : شن درت
جهاد : تضحكي ع خوي لما يكون ما عنداش خوت
ومشي وسيبها
-
جاد : ها يام
عائشة ايوا وليدي
جاد : اخطبيهالي البنت الي تبيها
عائشة : فات الوقت يا وليدي
جاد : كيف فات
عائشة : بتتزوج الليلة
جاد : وين حوشهم
-
مراام قلبها ينخص فيها لكن تشوف للقفطان وتسمع في صدى بوها لما قاللها انه بيحبها لو مشت وشرين الحوش ناضت وقفت ع المرايا وساوت روحها
طلع اشرف فتح الباب
-
اشرف : تفضل
جاد : والله يا حاج بنقولك كلمتين ع السريع اني بنتك ناوي نخطبها من قبل لكن
اشرف : لكن ؟
جاد : اني قريب صاحبتها وقتلي انها نخطببت وانا شاريها بالحلال اهو عندي حوش ونخدم مهندس وحالتي كويسة الحمدلله
اشرف : الليلة بنزفها للاسف تأخرت
جاد : بدال ما تعطيها لواحد متزوج ونديدك وصغاره ندادها اعطيهالي اني مش كبير عليها كبر الي بتعطيهاله ومش متزوج بش تجي صغيرة ضرة ع الكبيرة
اشرف : سامـــ...
جاد :والله يا حاج ربي يراب فيك وانت قاعد تظلم فيها افسخ اليوم وبعد شهرين نجي ناخدها وتنزف زي اي بنت تانية ما تنزفش ع الصامت تقول دايرين جريمة وتهربو في الجثة من عيون الناس
اشرف : باهي شن بيضمنلي انك بتتزوجها ؟
جاد : لحضة مشي لسيارته فتح الباب نزل شيخ
اشرف : شن يعني ؟
جاد : بنتك مش مدايرلها عقد قران والفاتحة الليلة يعني مازالت لا مخطوبة ولا متزوجة ولا شي تقدر تتصل بيه وتقوله مافيش نصيب بيناتكم
اشرف : تفضلو
-
ع المغرب
اسماعيل خش ع اخته فرحان : نحي نحي حسيتك تسيقي في الحوش
مرام : بابا يحبني لما نتزوج
اسماعيل ضبطها بالقوة : تي بوك فسخ الخطوبة ولز اراجل قاله بنتي مش هنعطيهالك
مرام : حححححققق بابا ؟
اسماعيل : ههههههه ايه بابا
يوسف : تي خشششششششييي ربي يحبك انتي
مرام طارت من الفرحة وبدت تضحك
ايمن : والانسة هادي كيف ؟
اشرف : الانسة الي تدوي عليها بنتي
علي : اووووه من امتى بدت بنتك
اشرف : من يوم ماتت امكم
منذر : شوره سحراتك يا بوي
اشرف : مافيش حد منكم يكلمها
ايمن : بنموت كان ما كلمتهاش
علي : ايه والله ينقطع الاكسجين
اشرف : شدو لسانكم
ايمن ومنذر وعلي سكتو ع صوت بوهم المرعب
-
مرام : هههههه سموعا
اسماعيل : شن قلنا عليه الاسم هذا
مرام : هههههههه باهي موعا اتصل بطارق استحشته
يوسف : الله سعدوده تزوج الي يبي وطلع بيها وايش مرتاح
اسماعيل : حتى هوا طارق ، اهوا رد ، ايوه طروقة
طارق : ها اسماعيل شن جوك ومرام ويوسف
اسماعيل : والله تمام الاخت تبي تكلمك
مرام : طروووووقتتتي
طارق : انتي واساميك العوجة بشري نسمع
مرام : ههههههههه مش كانو بيعطوني لواحد ند بوك
طارق : ايه
مرام : بوك فسخ اليوم وكان يقول لخوتك بنتي وانتو ما دخلكمش فرحانة
طارق عرف ان قالها مش من فراغ بس جاملها وفرحلها وفتحو المايك وقعدو يهدرزو ع بعض
{ طارق واسماعيل ويوسف الثلاثه الوحيدين الي يفرحو لفرحها ويزعلو لزعلها ويديرو المستحيل ع خاطرها ما يتحملوش فيها بالدات طارق السبب ؟}
-
قبل 16 سنة
طارق : ماما معش نبي خوت نبي اخت
امه : اممممم باهي نجيبلكم اخت لكن توعدني ؟
طارق : بشنو
امه : اختك ما تضربهاش ما تزعلهاش ما تخليش حد يزعلها توقف معاها وتحبها زي روحك احرق الدنيا لو نزلت دمعة من عينها
طارق : وعد يا الغالية
امه : غدوا موعدي يا وليدي
طارق : خخخخخخخ بتفارقينا
امه : ع الاحتمال
طارق : رضاك يا الغالية
امه : راضية عليك دنيا واخره وع فكرة
طارق : شنو ؟
امه : سمو اختكم مرام
طارق : يعني بنت ؟
امه : هههههه ايه بنت بتعوضكم مكاني
طارق ضبط امه : ياريت فيا ولا فيك
امه : ان شاء الله السوء ما يطق بابنا تاني
اسماعيل : ماما مليت من منذر ما يعرفش يلعب
امه : هههههههه تبي اخت حتى انت ؟
اسماعيل : صاحبي عنده اخت احني لا
امه باست ع راسه : توا تجيكم اخت حطوها في عيونكم ، هيا طارق ارفعني للمستشفى الصبح نجيب
طارق : تمام
.
تاني يوم
الدكتورة : البنوته حلوة هلبااا
طارق : وامي ؟
الدكتورة : تقريبا عندكم علم
طارق : اخخخخخخ ان شاء الله السوء ماعاد يطق بابنا من بعدك يا الحنينة وبدو دموعه ينزلو لعند ما طلعوله اخته والممرضة اعطاته ورقة ...
-