طفلة ولكن ...

13

حبيتك يوم الي جيت وانقدتني من الشيابين حبيتك يوم جيت وواجهت بوي وخليتني ننزف زي بنات الناس وكنت ع امل انك تروح ونطلب منك السماح ع الكلام الي سمعته في الصالة بس عرفت انك درتها سبلة بش تطلع من اهني مشيت مش لانك وجعاتك كلمتي مشيت لان حبيبتك سيباتك ، بدت توقف بالشوية ، خفو عليا خفو عليا يرحم والديكم عارفة اني مش في الجنة لكن عارفة انه فيه ايام حلوة في هالدنيا خلوني نشوفها كلها ايام والباقي تعودت ع النكد 😔
جاد في حالة صمت من الي سمعه وناضت للكنبة فتحت القجر وطلعت منه قطن ومعطر واتجهتله
مرام : هات ايدك ، قعمزت ع ركبتها ، ما استنيتش منك تبررلي لكن استنيت فرصة نصلح غلطي لكن ...
حطت القطن ع الجرح توجع
جاد بصوت عالي : ااااه
مرام : ما تخافش ما توجعتش زي ما وجعتني انت
جت عينه في عينها
جاد : اسف
مرام ابتسمت : مش محتاجتها لاني مسامحتك بس حتى انت خف عليا
دارت اللصقة ووقفت وهي متلفتة شدها من يدها
جاد : اااااسسسسففف
مرام نزلتلها دمعة : لو انت تقول لجرح ايدك اسف بيولي زي ما كان ؟
جاد غمض عيونه " كلامها حق " : لا بس ممكن نعوضك
مرام : كيف ؟
جاد وقف وقرب منها : بطريقتي
مرام خافت بس استقوت : وكيف هادي طريقتك ؟
جاد غمزلها : مفاجأة ❤
مرام : اممم تمام ، جبدت ايدها من ايده ، بنضم المرش الي درته
جاد : تؤ تؤ انتي بتقعمزي زي الاميرة واني نلمه
مرام : كيف يعني ؟
جاد : اني كسرته اني نلمه
مرام : مرات تنجرح ؟
جاد : هههه خايفة ننجرح خلي نجرح روحي بش تخافي اكثر عليا
مرام : ياسرك برادةة عاد
جاد : هههههه تعالي تعالي
وضبطها بالقوة
جاد : وعد حنعوضك ع كل شي
مرام " حسيت بأمان ولأول مرة وحتى ان روحي ارتاحت ورفعت ايديا وضبطه "
-
ايمن : انتي السبب شن دخلني فيك ؟
خولة : انت الي جريتني ليك ومش اني حبيبتك ؟
ايمن : ههههههه وهم المهم غر توصليلي وتشوفي الويل
خولة 😭 : حرام عليك والله حرام
ايمن : متشوق للعذاب الي بنعذبهولك
خولة : والله حرام حسبي الله ونعم الوكيل فيك وخلاص
ايمن : ههههههههههه هيا هي اني بنسكر
خولة : لـ... ، سكر الخط في وجهي الكلب هوا ياربي صبرني وانقدني منه
-
عائشة تضبح : يا هدييييل يا هدييييل
هديل : نعمممم
عائشة : تعالي اهني
هديل : شنو فيه
عائشة : غدوا بضمي دار خوك مروح بعد غدوا الصبح
هديل : هذا بسس ؟
عائشة : شن قصدك ؟
هديل : باهي يام نقرا اني توا
عائشة : بري مربوحة
-

في دولة تانية 🇪🇺
جهاد ( يتكلم بالانجليزي ) : سأذهب غداً انها النهاية
صاحبه : هل ستذهب إليها ؟
جهاد : أشعر أني ارتكب خطأً كبيراً ولكنني احبها كثيراً
صاحبه : ولكن أحذر فإن زوجها هوا أخيك
جهاد : هذه هي المشكلة
صاحبه : إحذر وأنصحك بالتراجع كي لا تؤلم أحد
جهاد : لن أفعل
صاحبه : حسناً إذاً
جهاد : تعال نخرج
صاحبه : الى أين ؟
جهاد : إلى العشاء
صاحبه : حسناً
-
أميرة تنادي : ميرااال
ميرال : نعم
أميرة : تعالي ندوشلك حبيبة ماما هي
ميرال : اني نلعب توا
أميرة : هيا ماما ما تعبيـ ... { شرين فونها } باهي امشي العبي شوية اني نرد ع التليفون
ميرال : حاضر
مشت ميرال وفتحت أميرة الخط
....: معش مزال هلبا وتشوفي مرام تعاني
أميرة : من انتي ؟؟ وشن تبي منها ؟
....: نبي منها كل شي
أميرة : كان فلوس قوليلي كان حوايج قوليلي
....: خدت حاجة اغلى من هكي حتشوفوها كيف تعاني
أميرة : ربي يسامحك قوليلي شن تبي منها واني ناخده منها ونعطيهولك غر سيبي البنت في حالها
....: هههههههه تمام تعرفي شن نبي ؟
أميرة : شنو ؟
....: نبي .....!
أميرة جمدت من الصدمة
....: تقدري تجيبيهالي ؟
أميرة : بسـ ...
....: ما تقدريش لهذا بتقعد تعاني لين بروحها تعطيهالي
اميرة صمت
....: ههههههه سلام
أميرة في حالة صدمة ع خشة طارق للحوش وهي كانت في الكوجينة وطاحت ع طولها سمع طارق حاجة طاحت بس قوية خش الكوجينة لقاها أميرة ....
-
إسماعيل مقعمز مع صحابه رن فونه
إسماعيل : الو ؟
لا رد
إسماعيل : منو معاي ؟
لا رد
إسماعيل : تسهويك هذا ما نحباش ايواه
سكر الخط
.
سلسبيل : ههههههه
سندس : يهبل ولد خالتي
سلسبيل : شن رايك نطيحه ؟؟
سندس نحمر وجهها : شن طيحيه متاعك هادي
سلسبيل : علاش ؟
سندس : حب بنت تانية في علاقة
سلسبيل : الله سعدودها
سندس : ايه عيب تجي جيهته
سلسبيل : ههههههههههه حتى اني بطلت
سندس " الحمدلله ياربي " : ههههه ايوه
سلسبيل : بس طرف اغبر الاخ
سندس : خلاص سلسبيل تمادينا هلبا
سلسبيل : ايه 💔 بس خسارة فاتنا
سندس تعصبت شوية : غيري الموضوع
سلسبيل خافت : تم حاضر خلي نوتي روحي خوي قريب يوصل
سندس : اممممم تمام
-
زياد صاحب اسماعيل روح بروح : قتلك
إسماعيل : ايوا
زياد : بكري فيه رقم اتصل بيك وحسيته مجهول
اسماعيل : ايه مفرح فوتهم
زياد : ماهو عندي اسطوانة المدار والليبيانا اني
اسماعيل : والله ؟
زياد : والله هات الرقم هات نشوفوه منو
اسماعيل : هي مدار 091*******
زياد : تمام شوية
-
سندس : سلام
سلسبيل 👋🏻
خشت قعمزت في الجنان وشوية وصلها مسج
-
زياد : هذا رقم بنت اسمها سندس الفلاني تعرفها ؟
اسماعيل : قول والله !
زياد : تعرفها ؟
إسماعيل : ايه ايه خلاص امسحه الرقم
زياد : تمام
إسماعيل بعتلها رسالة [ تتسهوكي ع ولد خالتك يا تشندوش مش معقولة هكي ]
سندس شافت الرسالة " حي ع امي عرفني 😭😂😭😂😭 " [ ...؟ ]
إسماعيل [ بلا تسهويك عارفك تشندوش راه ]
سندس [ كيف عرفتني 😭 ]
إسماعيل [ نخدم في شركة المدار اني ]
سندس [ كيف هكي ]
اسماعيل [ شن هوا الي كيف هكي ]
سندس [ مش مهندس انت ]
إسماعيل [ ايه عادي ]
سندس [ شن تدير يا مهندس في شركة المدار ]
اسماعيل [ عهههههههه نخدم مهندس فيها ]
سندس [ دوختني ]
اسماعيل [ ههههه سلامتك شنجوك ؟ ]
سندس [ الحمدلله وانت ؟ ]
اسماعيل [ الحمدلله شن معش كلمتي مرام ؟ ]
سندس [ بكري كنا نهدرزو الخميس مسافرة ]
اسماعيل [ والله ؟ خيرها ما تقولش ]
سندس [ صارت بسرعة اصلا ]
اسماعيل [ توا نمشيلها غدوا نشوفها مستاحشها والله ]
سندس [ واني بنستاحشها 😭 ]
اسماعيل [ هههههههه باهي يا تشندوش اني معاي الجماعة نهدرزو في الليل تمام ؟ ]
سندس [ تمام دير بالك ع روحك ]
اسماعيل [ ان شاء الله سلام ]
سندس [ سلام ]
-
جاد : توا ضمينا المرش
مرام : لو خليتني نضمه اني
جاد قعمز جنبها ع السرير الصق فيها : شوفي توا اني ما نحبش من يضم وراي
مرام : كيف يعني ؟
جاد : لما اني مثلاً نقلب مكان ما نبيش حد يضمه نحب نضمه بروحي
مرام : مالا شن نضم اني
جاد : مش لازم تعبي روحك
مرام : بس ما يجيش هكي
جاد : علاش ما يجيش ؟
مرام : انت تخدم واني عليا الحوش
جاد : اوك بس لما نقلب حاجتي نضمها هكي نحب اني
مرام : تمام براحتك
جاد : هيا خلي نرقدو وراك امتحان واني عندي حاجات الصبح بنديرهم
مرام نقزت لمكانها وناض جاد سكر الضي ورقدو
-
وتأخر الليل والكل راقد رن تليفون سندس بأنه جتها رسالة
إسماعيل [ يا ختشة قاعدة نايضة ؟ ]
سندس في سابع حلمة استنى اسماعيل شوية حس انها راقدة [ واضح انك راقدة مالا تصبحي ع الف خير نهدرزو غدوا ] وسكر الفون وخش رقد
-
تاني يوم الظهر
خشو مرام وهديل ع عائشة
هديل : ادعيلنا يام نسكرو الدرجات
عائشة : ان شاء الله يفتحها عليكم يارب
مرام : امييين هههههه
هديل : اني خلي نركب نضم دار جهاد
مرام : ماما عويشة جاد روح ؟
عائشة : ريتا طلع الصبح بس ما ريتاش روح
مرام : معناها واجاش خلي نظم معاك مالا
هديل : تمام بدلي وتعالي
مرام : ايه هي
عائشة " ربي يحفظكن يا بنياتي ونشوفكم في اعلى المراتب ويفتحها عليكم ربي ديما 🙏🏻❤️ " ورن فونها : ايوا هاجر
هاجر : اهلين يا الغالية كيف حالك
عائشة الحمدلله وانتي وراجلك كلكم باهيين ؟
هاجر :...
-