طفلة ولكن ...

17

مرام بتوشويش : رسمي يغار
جاد : ايه نغار فيه مانع ؟
مرام بخوف : لا
جاد : معناها عيونك اهني وكولي
مرام : حاضر
كملو ماكلتهم وكان البحر قريب من غادي مشوله وتمشو ع البحر وهما يضحكو ويهدرزو وقعمزو الزوز
جاد بحرن شوية : من قالك ع اسراء ؟
مرام تلفتتله : ها ؟
جاد : من قالك ع اسراء ؟
مرام نزلت راسها وتلعب بالرمل : ماحدش
جاد : مالا كيف ؟
مرام : مش وقته توا
جاد : لالا نبي نعرف
مرام شافله جت عينه في عينها شوية نزلت راسها : في صندوق فيها صورها وهدايا وكذا
جاد : فتشتي بضاعتي ؟
مرام : لا والله غر كنت نضم طلع معاهم صندوق قمته بنغير مكانه طاح مني طاح كل شي
جاد : شن رايك نديرو اتفاق
مرام : شن هوا
جاد : نتصافو
مرام : وكيف ؟
جاد : انتي حكيتي ع ماضيك توا اني وفي الجاي ندسوش ع بعض حتى لو خشت فيك شوكة تقوليلي
مرام : اممممم عادي ايه
جاد : تمام نبدا بس ديري في بالك اني معادش نحبها
مرام : تمام بس خلينا نتمشو وتحكيلي احسن صح
جاد : اوك { شد ايدها } تعرفت عليها في مشروع تخرجي كانت مع اختها وشفتها عجبتني هلباااا وكنت نعرف اختها ووين تسكن وهكي في يوم قررت اني نتبعها لمدرستها ونتعرف عليها بس ما شدتش معاي وديما نراجي فيها وقعد الحب من طرف واحد وبعدين في يوم مشيت لصاحبي في الجامعة لقيتها هي بروحها في الكفتيريا واختها في المحاضرة استغليت فرصتي ومشيتلها واعترفتلها بكل شي قتلي ناخد الي نبيه صح ؟ قتلها خودي حتى روحي عادي قتلي باهي وفرحت خديت رقمها وكذا وبديت نخدم بعدها بأسبوع كان كلمتها ما نطولش ونروحلها يومين كل اسبوعين ونعطيها الي تبيه وقبلها كانت ديما تعارك فيا ع خاطر ما نكلمش فيها وفجأة ولت باردة وبدت تطلب في فلوس هلبااا بديت نعطيلها في معاشي وحتى امي مرات ما نعطيش فيها وبعدها بكم شهر كشفها خوي وقعد يقولي راهو تخون راهو ما تحبكش واني كانو عيوني عاميهم الحب ونتعارك مع خوي ع خاطرها ، قبل ما نخطبك اليوم الي قبله مشالها وقعد يهدد فيها وكان فاتح السماعة واني سمعت كل شي كانت مخطوبة وتاخد في فلوسي وتعطي فيهم ليه بش يكملو حوشهم ويتجوزو واني امي كانت تبيني نتجوز وديما نقوللها استني لانها كانت مخطوبة وتقولي مزال مزال وبعدها مشيت لبوك طول وروحت قلت لامي فرحت وجينا خطبناك ومعش جبت سيرتها بس اني غبت عليك ستة شهور { وسكت فجأة }
مرام منزلة راسها ودموعها ينزلو : لان شنو ؟ وجعك كلامي صح ؟
جاد شافلها : لا
مرام رفعت راسها : مالا ؟
جاد : كنت كيف مسيب حبيبتي ومانبيش نمس بنت من بعدها وكلامك زاد خلاني نتسبل بالمشية بس لو كنت عارف ضررك والله ما سيبتك بس
مرام وقفت وابتسمت : ماضي ومات وخلي ندفنوه
جاد : شن قصدك ؟
مرام : نبدو حياة جديدة !
جاد : جد ؟
مرام : ايه نديرو زي توا
جاد : شنو
مرام : فيه محلات تبع تأجير فيلوات ؟
جاد : ايه اكيد !
مرام : نمشو نأجرو فيلو
جاد استمتع بالحديث : ممم باه
مرام : ونمكيج وندير تسريحة عند مزينة وانت تمشي تأجر بدلة للعريس وتكم روحك وكذا
جاد : باه
مرام : ايه وقت نكمل نكلمك ودروحه كيف مروحين من عرسنا ونمشو للفندق ونبدو حياتنا من جديد وكأنه اليوم كيف تزوجنا
جاد ضحك : هههههه تمام هيا نرفعوك يا عروستنا
مرام : علاش تضحك ؟
جاد : لكن نبي حتى حنة
مرام : جااااد
جاد : عههههههه باهي هيا مالا بش نكملو بكري
مرام بفرحة : تماام 😍❤
-
في 🇱🇾
-
طارق : اني تعبت بنرقد
أميرة : تمام بنكمل الكوجينة ونرقد حتى اني
طارق كيف بيطلع تليفونها يشرين جري وشافه ورد
آية : آميرة اسمعي كل الي قلته ع مرام كذب راه { وسكتت }
طارق وجه ولا احمر : شن هوا الي قلتيهولها
آية : حييييي { وسكرت التليفون }
طارق : آميرة
آميرة بإرتباك : نعم ؟
طارق : شن قتلك ؟
أميرة : قالتلي ان مرام كانت تعرف جاد من قبل بس
طارق : متأكدة ؟؟
آميرة : اييه وهي مش كانت مرات تروح مع صاحبتها يروح بيهم فهي قالت انه تطلع معاه وهكي بس انت عارفها اختك
طارق وجهه احمر : وعلاش ما تقوليش من قبل
آميرة : اني خفت نقولك وديرلها حاجة واحني نعرفوها البنت ما ديرش هكي
طارق ارتاح : اختي ما ديرش هكي نعرف اني مربيها ع ايديا
آميرة : خلاص مدامك واثق ما تاكلش همها وما تخليهاش تربح بالي هي ناوية ديره
طارق : بس انتي علاش دسيتي؟
آميرة : ما دسيتش بس خفت ع مرام بس والله
طارق : اخخخخ ياربي اصلا ما نقدرش نديرلها شي
اميرة : علاش ؟
طارق : امي مش مسامحة كل شخص ينزللها دمعة
اميرة : الله يرحمها :(
طارق : اللهم امين
-
رقدو الي في ليبيا كلهم 😴
-
في 🇺🇸
-
دار كريمة لشعره وساوا لحيته وبخ صنة وضبط القرواطة وخدي المفاتيح من السواق وطلع شري هدية وباقة ورد ومشي للفندق وكلم الريسبشن ووتوهاله وقعمز في الريسبشن يستنى في تشرينة منها ❤ " يارب افتحها علينا وساعدني ع مسئوليتها ياربي 👐🏻 "
-
وقفت قدام المراية وكانت ملاك ع هيئة بشر ❤ بخة الريحة ولبست السلسلة " ماما يوم جبتيني كنتي لابستيها ويوم نتزوج حنكون لابستها 💕 ماما الله يرحمك يا غالية ياريتك عشتي معاي وشفتي اللحظة هادي يا غالية ياريت توا تقدري ضبطيني وتنصحيني زي اي ام تانية تزف بنتها مش اعتراض ياربي بس افتقاد ياربي زي ما حرمتني من كلمة ماما ما تحرمش صغاري منها ولا تخلي حد ينحرم منها ياربي 💕👐🏻 "
المزينة : هل أنتِ جاهزة ؟
وتأشر بش مرام تفهم
مرام : يس يس
المزينة : اوك :))
مرام خدت الفون وفجأة رن الفون في يدها ردت
مرام : الو ؟
جاد : ايوا اني جاد
مرام : ااه توا كيف كنت بنتصل بيك
جاد : ههههه باهي تمام عشرة دقايق ونكون عندك
مرام : تمام
-
في 🇱🇾 -
سندس [ شن دير ]
اسماعيل [ مكسد وانتي ]
سندس [ احرف منك وجيعانة ]
اسماعيل [ مسكرة الكوجينة بالمفتاح قصدك ؟ ]
سندس [ ههههههه لالا بس كله يبي تطييب وكان طيبت امي تنوض توريني الشمس في هالليل ]
اسماعيل [ هههههههه لو كانت مرام قاعدة وبايته عندها راه جبتلك بس توا صععب 😝 ]
سندس [ اصلا عادي خلي نرقد بش يخف الجوع ]
اسماعيل [ بجديات بترقدي ؟ ]
سندس [ يس يس هيا تصبح ع خير ]
اسماعيل " استاحشتك من توا " [ تمام تلاقي الخير ]
سندس ابتسمت ورقدت واسماعيل كذالك
-
لبست كاب فوق الفيلو وركبت السيارة ومشو للفندق وخشت للجناح وشوية وقفت قدامه ونحالها الكاب وكانت هي درية توصل لصدره العيون في العيون وكانو يتكلمو بس من عيونهم وكان السكوت سيد المكان
مرام في داخلها " ما كنتش نسحاب عيونك جميلة لهذه الدرجة وما كنتش نسحابك طيب هلباا هكي "
جاد " اني عندي ملاك وهذا وين شفته "
وكل واحد فيهم يحكي للتاني بس من العيون والي كسر السكوت الي في الدار الماكلة
القرصون : الاكل
جاد : شكراً
وعطاه حق التوصيلة وخش بيها للغرفة بينما مرام فتحت أغنية { ما بعرف كيف بنظرة بتعمل هيك بتاخدني اليك وبموت عليك } ( اسمعوها في الصورة )
جاد شافلها وابتسم وحط الماكلة ع الطاولة جت مرام قعمزت
مرام : جعت اني
جاد : هههههه كولي صحتين
مرام سمت وبدت تاكل وكذالك جاد بس مرام تاكل وعيونها لوطا جاد قريب ياكلها بنظراته الاعجاب الي كانت حارجة مرام وع شوية جاد وقف وقعد يشوفلها ومرام ع شوية بدت تحمحم اعطاها مية وهي تحمحم بش ينزل عيونه وهوا شي يبيش يفهم وشوية ناضت وقفت تبي تبدل جت ...
-