طفلة ولكن ...

12

هديل : شن شن شن درتي ؟؟
هنادي : عييت ندس في قلبي
هديل : غدوا اخر يوم وبعدها معش تقابليني باهي !!
هنادي : حتى انتي ؟؟!
هديل : درتيه في مرام اديريه حتى فيا
هنادي : لانها خدت واحد نحبه
هديل : جهاد مش نفسه جاد افهم
هنادي : اوووووف علاش ما يحبني حد
هديل : هه
هنادي شرين فونها : اصلا مشيت اني
هديل : مربوحة
-
ناهد ( سكرتيرة أشرف ) : شركة ضخمة وعندهم فرع في سويسرا
سارة ( أخت ناهد ) : خايفة !!
ناهد : انتي تعاليلي اليوم والباقي خليه عليا
سارة : باهي باهي قاعد هوا ؟!
ناهد : لا طالع وبيجي انتي ساوي روحك واتكمي وتعاليلي
سارة : تمام باهي
ناهد : يلا خليني نسكر فيه راجل جي
سارة : تمام سلام
ناهد : سلام ، سكرت التليفون ، تفضل ؟!
....: وين أشرف ؟
ناهد : مهناش بس راجع بعد شوي ؟!
....: تمام عندك رقم مرام بنته ؟
ناهد : عنده بنت ؟؟
....: ايه واسمها مرام نبيك تجيبيلي رقمها
ناهد : اسفة يا مدام ما نقدرش
....: اووووف تمام شكراً
ناهد : عفواً ، نزلت راسها وقامت بسرعة وناضت ، عفواً عفواً
.... تلفتت : فيه حاجة ؟
ناهد : من نقول لأستاذ اشرف انه جاه حد ؟
....: ما تقوليش انه جاه حد سلام
ناهد : تمام
رجعت ناهد لمكانها
-
في مربوعة حوش عائشة ( أم جاد )
جاد ناض من مكانه : هيا مرام نروحو قريب ليل ومنها بش تنوضي لامتحانك ونوتو حاجاتنا
عائشة : اسم الله لوين انتو الزوز ؟
جاد : ما تخافيش صبح يوم الخميس جايك جهاد والليل مسافرين اني ومرام
عائشة فهمت : ااااه بسلامة ان شاء الله وحتى جهاد استاحشته انتو جي واحد مسافر الثاني
جاد : ههههه الله غالب هكي انكتب
هديل : الله لوين ماشيين
جاد : معش تقولي الله توا نروح ونمشي للخدمة وفي الرجعة نسفرك انتي وأمي
هديل بصدمة : قول والله
جاد بضحكة : هههههه والله كان حيانا ربي نرفعكم عادي
هديل : مرااام مش حتمشي العطلة كساد 😍😍❤️
مرام : ههههه ان شاء الله حبيبتي ❤
عائشة : سلملي وليدي ياربي ❤️
جاد بضحكة : هههه سلمك هيا مرام ولا بتزيدي شوية
مرام وهي نايضة : لا جاية هي
هديل : بنوتي روحي من توا 😭❤
جاد : هههههههه ايه والله عندك وقت طويل ابدي بش توصلي ليوم تركبي الطيارة كاملة 😂
هديل : شكله هذا الي بيصير 😂
مرام : ماما عيوش بالك تبي حاجة ❤
عائشة : لالا بنيتي سلامتكم
جاد : هي مالا تصبحو ع خير
مرام : تصبحو ع خير
هديل وعائشة : تلاقو الخير
-
مرام " خايفة منه معش نقدر نقعد معاه في نفس المكان بروحي خايفة ياربي ساعدني "
جاد " هادي فرصة جت لعندي لازم نسامحها ونعطي لروحي فرصة معاها واصلاً هيا ماليهاش حد غيري أني وبس لازم نكون سندها وحارسها وفي نفس الوقت نكسب ثقتها "
كانو يمشو في الجنان والزوز ساكتين
-
اشرف شاف سارة وتلفت لناهد : هادي زبونة ؟
ناهد : لا هادي أختي
اشرف : اااه انتي امك اجنبية صح ؟
ناهد : ايه واختي حتى هي
اشرف : انتي مش ليبية ؟
ناهد : امي تزوجت سويسري قبل وبعدها طلقت وبعدها ليبي ومات بوي وقعدنا اني واختي وامي
اشرف : ااااه واختك تتكلم سويسري ؟
سارة : اكيد
اشرف : اني نبي مترجم للاجتماع متاع غدوا الصبح تجي عادي ؟
سارة بتدليع : اوك ههههه
اشرف : تمام ممكن تجي للمكتب نعطيك ع شنو يدوي الموضوع وهكي
سارة شافت لناهد وغمزتلها : تمام
ناضت وخش اشرف للمكتب ولحقاته
-
خشو للحوش
مرام : تبي عشي ؟
جاد : لالا مانبي شي غيرك
مرام تخزرطت : فهمتش ؟
جاد : قصدي تعالي نهدرزو بروحنا شوية
مرام : اااه اوك
قعمزو ع الطاولة مقابلين بعض وجاد يحرك في رجليه بسرعة ويطربق في صوابعه اما مرام وجهها احمر وتشبح للطاولة
جاد : شوفي اني خططت للسفرة لسبب
مرام : شن هوا ؟
جاد : نتعرفو ع بعض
مرام رفعت راسها : كيف يعني
جاد : يعني اني نقولك كل شي عليا ماضي كله وانتي كذلك
مرام " خجلت من روحي شن بنقوله ؟؟ معقوله الماضي الي بنحكي عليه هكي ؟؟ الله يسامحكم يا بوي وخوتي " : ما نقدرش
جاد نصدم : كيف !!
مرام : ما نقدرش نعترفلك بماضيا
جاد " لا يطلع ماضيها اسود واني ما نندريش وابلوني فيها " : علاش ؟؟
مرام : خايفة
جاد ناض من الكرسي وقربع ايديه ع الطاولة 😡 : كنتي تكلمي في ولاد ؟
مرام " حي عليا فهم غلط " : لالا مش هكـ...
جاد : قوووولييي الححححققق كممم ولللددد ؟؟
مرام ما قدرتش تقاوم دموعها ونزلو ونزلت راسها " اني متعودة ع العصبية هادي واصلا متعودة حتى ع الضرب لكن مشي " ما ردتش عليه
جاد : قوليلي الحق !!
مرام ولا كلمة
جاد بعصبية : استر ياربي بسس ، ركب لدار النوم وقربع وراه الباب ،
مرام " يلا يا مرام تخلصتي من بوك وخوتك جاك راجلك حتعيشي لين تموتي مظلومة " ناضت خشت للمربوعة وكيف بادية تقرا تسمع حاجة تكسرت في دار النوم
عند جاد كسر فازة مرش كانت ع الكنبة وكانت هدية من طارق لمرام في عرسها ونجرحت ايده مرام فتحت الباب بالشوية شافت المرش وشافت للكنبة لقتها هديتها
مرام : ءءء ش ششن درت إنت ؟
جاد شافلها : كم واحد حبيتي
مرام دموعها نزلو : ما حبيتش بكل
جاد بعصبية : تكذبي ع منو ؟؟
مرام : والله ما حبيت واحد بس هادي ...
جاد تعصب اكثر وقعمز ع السرير : علاش ما تبيش تحكيلي عن ماضيك
مرام بخوف : ما نقدرش
جاد شاد روحه بالسيف : هه قولي قولي كم حبيتي واحد
مرام علت صوتها : حتى كان حبيت من هي اسراءء ؟؟ بتحاسبني كان حبيت ولا لا واسراء شن تكون اختك في الرضاعة مالا ؟ ولا شنو ؟؟
جاد بصدمة وهدوء تام : شنو ؟
مرام مستمرة في علان صوتها : ايه اني قتلك ما حبيتش بكل ولكن انت ؟؟ حتى لو ما بينا شي يسميك زوجي احترمني لاني انسانة عيييت خلاص عيييت راهو قلبي مات
انهارت بكاء اما جاد كان في حالة صدمة ما يندريش عليها منين زارقة
-
اشرف : ان شاء الله تكوني فهمتي !
سارة بتدلع غمزتله : ايه اكيد فهمت
اشرف " البنت جمالها جمال ياربي " : تمام مالا لينا لقاء غدوا
سارة ناضت بتدلع : ايه تمام
اشرف : سلام
طلعت سارة لبرا وقابلتها ناهد توتي في روحها
سارة : مروحة ؟
ناهد : ايه تم دوامي
سارة : اااه
اشرف كيف طالع شافهم الزوز : تصبحو ع خير
سارة وناهد : وانت من اهلو
سارة : شخصية هلبا
ناهد : ردي بالك منه من لما توفت مرته وهوا مش متقبل ولا مرا
سارة : لالا يتقبل علاش لا
ناهد : علاش يتقبل ؟
سارة : بيناتنا الايام
ناهد : شوفي صعب هلبا هوا راه
سارة : مش صعب نعرف شن يبو الفصيلة هادي
ناهد : اوووف المهم اني شغلي ديريه بين عيونك
سارة : حاااضر
ناهد : هيا اطلعي
طلعو الزوز من المكتب للحوش
-
في دار نومهم
جاد منزل راسه وشاده بيديه ومرام منهارة ع الارض
مرام : ماتت امي لما نولدت
جاد كان مسكر عيونه ولما سمع صوتها فتحهم وبدي يستمعلها
مرام : من يومها كلهم حاطين اللوم عليا اني الي قتلتها مافيش حد حن عليا كانو خوتي ديما معذبيني عافسين عليا نخدم عليهم ولما نمرض ما يهمهمش يبو حاجتهم ديما واتية تخلو عليا خالاتي وكرهوني وعماتي حالف عليهم بوي انه ما يكلمونيش ما عنديش خوات اني الوحيدة بنت بين ستة ولاد وتلاته منهم يحبوني وثلاثة لو قدرو راه قتلوني مع امي لكن اني مالياش ذنب 😔 غصبوني ع الزواج بشيباني واني رضيت لان بابا قالي لو تزوجتيه ومشيتي معاه حنحبك لانك سمعتي كلامي وجيت انت جيت انت نسحاب بنعيش حياتي حلوة وما صارت الا وستة شهور مختفي نكذب عليهم كلهم وكذبت حتى ع روحي واليوم الي جيت لقيت الصندوق صندوق < إسراء > وجعتني لاني عرفت اني مش السبب في مشيتك لكن حتى اني نحس حتى اني انسان عندي مشاعر نبكي نضحك حتى اني خلقني ربي 😣 شن درتلكم اني ؟؟ ، بدت تخنق فيها العبرة ، شن ذنبي اني قوولي انت تبي تعرف هل عمري حبيت ايه حبيت حبيتك انت { جاد نصدم } حبيتك يوم الي جيت وانقدتني من الشيابين حبيتك يوم جيت وواجهت بوي وخليتني ننزف زي بنات الناس وكنت ع امل انك تروح ونطلب منك السماح ع الكلام الي سمعته في الصالة بس عرفت انك درتها سبلة بش تطلع من اهني مشيت مش لانك وجعاتك ....
-