طارق : اخخخخخخ ان شاء الله السوء ماعاد يطق بابنا من بعدك يا الحنينة وبدو دموعه ينزلو لعند ما طلعوله اخته والممرضة اعطاته ورقة من امه شد مرام في غمره وهمس في وذنها اني اكبر سند ليك في العالم انتي قولي يا طارق بس وخدت الممرضة مرام وفتح الورقة وكانت وصية امه فيها { حافظ ع مرام كويس وبوك ما يحبهاش لانها جت بنت وهوا يبي اولاد بس ديرها كأنها بنتك انت نحبك يا غالي ما تخليش خوتك يضروها وقول لكل الي يضرها والله ماني مسامحاتك عند ربي نحبكم امكم ❤️ }
نزلت دمعة من عين طارق وقعد يشوف من بعيد بوه جاي يجري لعنده
اشرف : كيف حال امك ؟ ناضت ولاه ؟
طارق ما خلاش بوه يشوف للورقة وفجأة
اشرف من بعيد : امييي
اشرف : لحظة لحظة علاش الشرشاف ع وجهها
الممرضة : عظم الله اجركم
منذر بدهشة : بابا من مات ؟
الممرضة : تبو تشوفو البيبي ؟
اشرف ولا كلمة
طارق ابتسم بعد ما لقاهم ساكتين : ايه وريني وخيتي وين
اشرف فتح عيونه وفنص في طارق : وخية شني ؟ ما عندكش وخية بنلوحها في دار الايتام اصلا
طارق : مش حنخليك
اشرف : البنت ماتت مع امها تسمع فيا وقام يوسف في غمره هيا بندير اجراءات
ايمن : ووو أختـ...؟
اشرف نزل لوذنه : قتلت امك شن تتوقع منها يعني بنعيشو احني ماتت امك معش نبيها مش بنتي ما عنديش بنات اني
{ كيف كان ايمن ايمن كان صاحب قلب ابيض لكن بوه طمعه قنعه وخلاه يمشي للاسوءوخلاه يقسى زي المية لما تتخلط بالدقيق شوية شوية لين تختفي بكل هكي الي صار لايمن او بالاحرى لخوتها كلهم }
ايمن نزل راصه : تمام
وكبرت مرام ع كره الناس ليها ولما كانت صغيرة كانت تستقبل في بوا هوا ما يدورش فيها وتقعد تبكي وكان طارق سند ليها هوا واسماعيل ويوسف بعد ما وصلت مرام لعشرة سنين تزوج طارق وصارت مشاكل بينه هوا وبوه وخوتهمشي خدي عروسته وسافر وخلا مرام وبعد ستة سنين والي هوا وقتنا هذا
-
نرجعو بعد ما كمل طارق من مرام وخوته اتصل بـ
طارق : الو ؟
ايمن : ايوا شن تبي ؟
طارق : بوك شن وراه من مصيبة جديدة ؟
ايمن : اوينه اتصل بيه وشوفه
طارق : كان ناوي يقتلها قوله نجي ناخدها منكم
ايمن : اليوم المبارك
طارق : دير قلب مش عيب راه كان درته
ايمن : شوفو من يتكلم ع القلب
طارق : ايه اني طارق نتكلم ع القلب وين الغريب
ايمن : غر من سيب بوه وتعارك معاه ع خاطر مرا والي بعد ما توفت امه يلعب في البنت الي بسببها ماتت امي منو بس ؟
طارق :اني طارق ايه الي درته لان مرام ما تستاهلش كرهكم ليها والمرا الي متجوزها ما تستاهلش اهاناتكم اني لاني عندي قلب مش راضي بالي يصير لمرام ولا لمرتي فهمت علاش تعاركت معاك انت وبوك لان انتو الشر نفسه ونبي نعرف شن مخططين لمرام هذا بس ؟
ايمن : ههههههههه بنعطيك خلفية ع الموضوع
طارق : تكلم مرزن دمك
ايمن : لان هـ....
اشرف : في من تكلم
ايمن : اااا هذا طارق
اشرف : شن يبي ؟
ايمن : يسأل بس
اشرف : قوله كان تبي اختك تنزف زي الناس تعال اصرف من جيبك لاني كان بنزف مش حنحط ولا قرش بنعطيها عالساكت
طارق : قوله تمام جاي اني ما تديرش اي حاجة
ايمن : قالك جاي ما ديرش شي
اشرف : سلام
ايمن : شن بيصير في العشي ؟
اشرف : اطلع جيب من برا
ايمن : تمام
طارق : هي سلام وسكر الخط
-
مرت اشرف اسمها اميرة عمرها خمسة وعشرين سنة
وعندها بنتين
ميرال عمرها اربعة سنوات وميرا عمرها سنتين
-
طارق : ميرو
اميرة وهي توكل في بنتها : نعم
طارق : وتي روحك والصغار بنروحو
اميرة : وبوك ؟
طارق : مش حيقدر شي اصلا مليت معش نبي نقعد
اميرة : انا مدابية بس متحملة ع خاطر مشاكلك انت وبوك
طارق : يلا بنمشو لشقة شاريها خوي وبنقعدو فيها وبوي ما يقدرش يدير شي
اميرة : ربي يهديه ويحنن قلبه عليك انت واختك
طارق : كتري منهم الدعوات هادي
اميرة بإبتسامة : ان شاء الله
-
في حوش هديل
.
عائشة : يا هديييل
هديل : نعمين
عائشة : افتحي حكة تن وديري نفاص ليك ولخوتك
هديل : باهي توا ندير
عائشة : تواا
هديل : باااهي
جاد كيف خش : السلام عليكم
عائشة وجهاد كانو مقعمزين في المربوعة : وعليكم السلام
عائشة : اهلين
جاد : اهلين بيك بنقولك غدوا امشي تمي الموضوع في البنت
عائشة بإستغراب : اي بنت ؟
ع خشت هديل : جاد والله تفوتها احسنلك
جهاد كان منزل راسه قام راسه وعلا صوته : هديل انتي ما دخلكش
هديل انخلعت : بالشوية قاعدة اني مش في راس الشارع
جاد : عالعموم البنت اليتيمة كلمت بوها وبعد شهر ونص العرس الوقت الوحيد الي قدرت نقنعه بيه وغدوا الليل اني راجع للصحراء حاولي تميه في قبل ما نمشي
عائشة : ايييييه تحكي ع مرام هالساعة المباركة يا وليدي والله بنية ع نياتها وفي حالها زين وعقل
جاد : خلي الدوة هادي ع جنب المهم الي عندي قلته
عائشة : تمام تمام بس كان ما تبيهاش ومش حتحبها ما تضلمهاش
جاد شاف لجهاد : ان شاء الله خير
جهاد : صدقني مش زي بعض
جاد : ان شاء الله
-
في حوش طارق
.
طارق : ميروو
اميرة : اني اهني
طارق : طيارتنا الفجر
اميرة : اللطف استنيت للصبح
طارق : لالا بنمشي مستعجل اصلا مستاحش مرام ونبي ناخدها من بوي قبل لا يديرولها حاجة
اميرة : ايه عندك الحق تمام باهي مالا نوتي للبنات
طارق : ابدي لمي اني نمشي نشري ساكوات ونجي نساعدك وبالشوية عليك وغمزلها
اميرة : ان شاء الله والراجل صاحب الحوش كيف ؟
طارق : كلمته وبنخيلي مفتاح الي عندنا في البريد وهوا عنده الاحتياطي يفح البريد ويلقاها
اميرة : ايه باهي امشي بسرعة مدام من الساعة اربعة لازم نكونو في المطار
طارق : هي سلام
اميرة : في حفظ الرحمن
-
في حوش اشرف
.
اسماعيل : بيجيب ايمن عشي ما ديريش
مرام : ريحني والله
اسماعيل : تعالي تفرجي معاي
مرام : عارف بوك مانعه عليا
اسماعيل : بلا برادة وتعالي
مرام : باهي
قعمزت وقعدو يتفرجو لين جي العشي تعشو وضمت
يوسف : اسماعيل فيه فيلم جديد طلع نزلته قبل لا يسكروه ويحدفوه
اسماعيل : حيي جيبه ديره ديره
يوسف : هههههه هي
وداروه ع التلفزيون ولان ممنوع مرام تتفرج سوا بروحها او معاها حد قعدت تتفرج من بعيد من باب الكوجينة ناض اسماعيل للكوجينة شافها
اسماعيل : وتعالي قعمزي غادي
مرام : لالا كنت راكبة اصلا تصبح ع خير
اسماعيل شدها : قتلك بتجي تقعمزي تعالي ديريلنا سبول (فوشار) وقعمزي تفرجي معانا
مرام : ايمن معاكم يحرش فيا بابا
اسماعيل : اني ويوسف بروحنا
مرام : مممم باهي
اسماعيل : يوسف وقف الفيلم
يوسف : واقف
ودارو سبول وكملو الفيلم
-
في حوش هديل
هديل تتكلم في التليفون مع هنادي
هنادي : ايه يا كبادي شن جو جاد
هديل : عالكيف اوينه
هنادي : شن جوه هوا و اسراء
هديل : الحمدلله
هنادي : اما احلى اني ولا اسراء ؟
هديل : اني احلى منكم الزوز هاههاهاهاا
هنادي : ما نحكيش عليك
هديل : اني بنسكر بااي
هنادي : اوووف اسمعي
هديل : درهتيلي كبدي خيرك
هنادي : شن اخر اخبار مرام معش قابلت
هديل : الحمدلله هااا تذكرت
هنادي : شنو
هديل : اسراء وجاد شوره تعاركو وجاد بيخطب مرام بتولي مرت خوي صقع عليك
هنادي انخلعت : وعلاش مرام ؟
هديل : خيرك يا هبلة ؟
هنادي : وخيره مش اني مرت خوك
هديل : شن تقولي انتي ؟
هنادي : علاش كلهم يحبو مرام واني لا ؟
هديل : ارزني ارزني ما تغيريش هادي صاحبتك راه
هنادي : علاش يحبو صاحبتي واني لا ؟
هديل : اوووووف شن الدوة هادي توا والنبي فوتيني خلي نرقد وراي نوضة بكري
هنادي : اقلبي
-
عند جاد
.
جهاد : متأكد انك تبي البنت ؟
جاد : اني اصلا نخدم كل اسبوعين نجي يومين ونرجع يعني مش فارقة
جهاد : نعمممم ؟
جاد : الي سمعته
جهاد : وعلاش تظلم البنت مالا ؟
جاد : خدمتي هكي اي مانع بعدين امك الي تبي
جهاد : اول شي خدمتك بعد تتزوج يعطوك اجازة اسبوعين وتخدم اسبوعين
جاد : والنبي فوتني بنرقد
جهاد : وحق ربي ديره في البنت بيرجع لخواتك يا اما خليها يا اما خليك قدها
جاد :....
-
أنت تقرأ
طفلة ولكن ...
General Fictionكنت مجرد طفلة ! فأصبحت عروس ، مشقة الطريق للوصول للاطمئنان كان طويلاً. لقد كانت العوائق في طريقي هي نصف العائلة. ولكنني نجوت ♥️
