طفلة ولكن ...

14

عائشة الحمدلله وانتي وراجلك كلكم باهيين ؟
هاجر : الحمدلله هذا قتلك بنجي نبات عندكم
عائشة : من امتى تشاوري ع حوش امك الحوش مفتوحة ابوابه ليك
هاجر : سلمهالي ياربي ❤ معناها خلي نسكر ونوتي روحي
عائشة : تمام ما تلاقي الا السلامة يارب
هاجر : اجمعين يارب ❤
-
جاد : ايه شكراً
القرصون : العفو في اي وقت 😊
طلع جاد ركب سيارته وفكر شوي خطرت في باله حاجة تانية ...!
-
🇪🇺
جهاد : انا ذاهب الان لاكمل اجراءاتي وانتظر طائرتي
صاحبه ضبطه : الى اللقاء يا صديقي
جهاد : شكراً على كل شي
صاحبه : انت صديقي ولا يوجد بين الاصدقاء شكر
جهاد : خهههههه حسناً سلام
صاحبه : سلام
جهاد طلعمن الشقة ركب السيارة وبدي يسوق " خلي نخطم ع محل ونشريلها هداية والباقي ناخدلهم من المطار احسن " وقف ع مول وبضع
-
في 🇱🇾
جاد : الو هنو
هند : الو وخيي
جاد : اسمعي بنشري هدية لمرام دايرلها مفاجأة بس ما عرفتش شن ناخدلها شن رايك تمشي معاي وتختاريلي ؟
هند : تمام قداش تبي بش توصل
جاد : قاعد في جنانك اني
هند : بالله ؟ خيرك ما خشيتش ؟
جاد : غر البسي ولبسي صغارك عادي اني نراجيك اهني
هند : نفتحـ...
جاد : الباب مفتوح ما عنديش وقت هيا
هند : تمام حاضر هي
جاد : نراجي
-
هديل : اسمعي نكملوها بعدين تعبت
مرام : حتى اني هلبا تبي ضمان
هديل : اليوم سيقنا وهكي وبعدين نردو وهكي
مرام : تمام خلي ننزل نحط الغدي ع النار
هديل : تمام
حطت مرام الغدي ع النار ومشو جاد وهند بيشرو وجهاد مشي للمطار ومشت سندس لمرام
نسبقو الاحداث لليل
-
ركب جهاد طيارته يوصل الفجر ✈️
ركبت مرام وجاد لسيارتهم 🚘
سندس قعدت في حوش مرام مع هديل 🏡
هند وهاجر عند امهم ❤️
خولة ياخدو في دبشها لحوش ايمن 💔
اسماعيل في طريقه لحوش مرام ❤️🙄
طارق كيف جايب اميرة من المستشفى ورقدها هي والبنات 😭❤️
المجهول ينسحن 😒
هنادي تبكي وتتحسر ع ايامها 😭💔
يوسف الوحيد الي معش بان في الرواية لكن ....! ❤
-
✈️
الموظفة : أيهما تفضل ؟
جهاد تلفتلها : لا أريد شكراً ، ولكن لدي سؤال
الموظفة : تفضل !
جهاد : متى نصل ؟
الموظفة : في الثالثة صباحاً
جهاد : حسناً شكراً
الموظفة : العفو ^^
-
🚘
جاد : وازي اغنية بيناتهم
مرام : ما نعرفش كيف
جاد : تمام تمام توا نديرها اني وانتي قولي نخلي ولا لا
مرام : تمام
جاد بدي يغير { مال الزين مكشر باين عليه متأثر لا يـ .. }
مرام : وحدة تانية
جاد : تمام { سألولي عليها وجيبولي اخبارها الا راهي مغبونة ولا مهنـ.. }
مرام : وحدة تانية
جاد : هههه تمام { رحلت وأنت لا.. }
مرام : كلهم ع الفراق 😣
جاد : هههههه اصبري مالا
{ تناديك رغبات المقابيل من الأرض وانتي بالمجرّة تهادي على غصن من الليل وتمادي على القلب ومقرّه ترى كل هالدنيا تساهيل مادام اننا بنعيش مّرة تلدّين وتزين التعاليل، تصدين وتصد المسرّه وأناديك ودموعي هماليل وفي الصدر تنهيده و حرّه أحبك وما للحب تأويل ولا شفت منك إلا المضرّة وتموني يا ريم المكاحيل على القلب في خيره وشرّه اذا جيتي استاهلك بالحيل، واذا كان ما تبغين حُرّه فديت الوسيعات المظاليل، رماح الهلاك المستشرّه وخطواتك اللي بالخلاخيل، لها في الصدر والقلب جرّه وسواليفك بكل التفاصيل، وصوتك بها لله درّه ابي منك ما ينهد لي حيل، على شي ما يسوى المبرّه 🎶🎶 }
مرام مبتسمة وتشوف لجاد " ياربي حلاته هوا وضحكته "
جاد درس في مكان شبه فاضي وظلام : هي سكري عيونك
مرام : شنو ؟
جاد : سكري عيونك
مرام شافت للمكان وخافت : المكان يخوف
جاد بضحكة : انتي مرتي مش حنخطفك ولا حاجة هيا سكري عيونك
مرام بتربك : بـ بـ باه
جاد شافها سكرت عيونها حرك السيارة لقدام شوية ونزل وفتحلها بابها
جاد : هي وحدة وحدة
مرام بخوف : جاد وين احني ؟
جاد : شوية اصبري بس
ومشو شوية ونحا ايديه من عيونها
جاد : تراا 😍😂
مرام جمدت مكانها : احني وين
جاد : وعدتك بمفاجأة ههههههه
مرام تلفتلله : ع الشط ؟
جاد : ههههههه ايه ملكك
مرام : شن قصدك ؟
جاد : شريته وسجلته بإسمك
مرام بحالة صدمة : الكوخ هذا
جاد : ههههه ايه { مد ايده } هيا تعالي نتعشو قبل بعدها نجو لهني
مرام : عشي تاني ؟
جاد : خيرك مصدومة
مرام : بجديات هذا ليا ؟
جاد : ايه خيرك انتي ؟
مرام ابتسمت وضبطاته : اول مرة نفرح في حياتي كنت انت السبب وهادي المرة التانية وانت السبب ربي يطول بعمرك
جاد استقبل تضبيطتها وضحك : قوليها
مرام : شن هي
جاد : ما كانتش ربي يطول بعمرك هي
مرام : ههههههههه خلاص اسس { ولت حمراء وشدت ايده } هي نمشو نتعشو
جاد : هههههه يا عليك هبلة وخلاص
مرام : هههههههه
-
هديل : اسمعي نمشي نجيب شحني وحاجاتي من الحوش ونجي باهي
سندس : تمام
وكان الحوش كله مطفي ضيه طلعت هديل من الحوش وسندس قعدت بروحها نزل إسماعيل من السيارة وشرين ع الحوش سمعت سندس تحسابها هديل فناضنت فتحت الباب
سندس : علاش سكرتيـ ... ءءءء إسماعيل شن ادير اهني ؟
إسماعيل : عههههههه محلاها المشفشفة
سندس قامت عيونها بتشوف شعرها : مافيه شي
إسماعيل : هههههه وهذا حوش اختي واضح جاي لأختي يعني
سندس : ءءءء صح صح وأختك طالعة مع راجلها
إسماعيل : ههههههه حسيتك تلزي
سندس : لالا غر جاية بنت فعيب وهكي
إسماعيل : عندك حق عندك حق عادي نهدرزو مسجات ؟
سندس : ما عنديش رصيد
إسماعيل : افتحي نت
سندس : ما عنديش ع النت انت
إسماعيل : إسمي .........
سندس : تمام تمام
إسماعيل : هيا مالا نعطلش عليكم
سندس : تصبح ع خير
إسماعيل : نتلاقو مسجات ❤
سندس هههه : تمام
طلع وركب سيارته
هديل : فاهمة انه خو مرام لكن ما فهمتش شن قصة المسجات
سندس نخ
لعت : بسم الله الرحمن الرحيم اعوذ بالله منك
هديل : هههههه باهي تغيريش الموضوع
سندس : عادي ولد خالتي بيهدرز عليا
هديل : ههههههههههه حتى الحيط هذا ما فاتش عليه
سندس : اخطيني
هديل : 😂😂 خشو الزوز وقعدو يتفرجو
-
طارق : صحيت يا وخيي
يوسف : عيب عليك عاد كان ما خدمتك انت وأميرة لمن نخدم مالا ؟
طارق : ههههههههه ربي يحفظك لينا ياربي
يوسف : امين امين 😂😂
طارق : غر خش
يوسف : لالا تعبان نبي نركب نرقد
طارق : باهي مالا تصبح ع خير
يوسف : تلاقي الخير
( طارق وخوته يسكنو في نفس العمارة لكن شقة اسماعيل ويوسف فوق شقة طارق )
ركب يوسف لشقته شرين فونه
يوسف : الو ؟
....: مرام ؟
يوسف : لا اني خوها
....: اااه سامحني ممكن تعطيني رقمها ؟
يوسف : لا مش ممكن اسمك وتوا نكلمها تكلمك كان تعرفك
....: خيركم ما تبوش تعطو رقمها ؟؟
يوسف : اوووه مدامه هكي انسي بكل هي سلام { سكر التليفون } من هادي ياربي !!
-
المجهول : كيف بنوصل فيها توا هادي ؟
...