طفلة ولكن ...

18

ع شوية جاد وقف وقعد يشوفلها ومرام ع شوية بدت تحمحم اعطاها مية وهي تحمحم بش ينزل عيونه وهوا شي يبيش يفهم وشوية ناضت وقفت تبي تبدل جت نايضة وقف جاد وشد ايدها
جاد : نعترف
مرام بإستغراب : شني ؟
جاد حط ايدها ع قلبه : انا والله حبيتك
دمعو عيون مرام : جد ؟
جاد : ايه والله ونااااادم اني سيبتك السته شهور كلها
مرام ابتسمت ونزلو دموعها : اش يعني
جاد : يعني نحبك يا مرام يعني اني عشقتك يا مرام يا مرتي الاولى والاخيرة تقبلي بيا زوج ليك يا مرام
مرام ضبطاته ع طول : اها اكيد نقبل بيك
هي تبكي وتضحك او بالاصح فرحانة وكان موبايل مرام هوا الي محطوط في المسجل بتلقاء نفسها جت اغنية
{ سمعني نبضك . باقيها في الصورة }
وقف جاد فمه بيتمزق من الضحكة الي راسمها في وجهه : يا أميرتي وأحلى أميرة في الدنيا ❤
مرام ابتسمت : يا احلى فارس هههه
فتح باب دار النوم وكانت كلها ورد احمر وكذا
جاد : مرام !
مرام : عيونها
جاد : هذا ظهري وسندته عليك وهذا قلبي عطيتهولك وهادي روحي بدت عندك ❤ نحبك وبالهلبااا
مرام : ههههه نموت فيك بس هذا ما يعنيش انك تستمعلي وقت نكون ندوي مع روحي
جاد : ههههههه تعالي احكيلي اني معش تدوي مع روحك عاد بش نشاركك حتى اني ومعش ندوي مع روحي
مرام : ههههههه تممم مالا
جاد باسها ع خدها ....❤
-
الصبح في ليبيا ❤
-
اشرف : يا ربيييي
سارة : السلام
اشرف : اهلين بسرعة وتي روحك بنمشو لسويسرا
سارة : ايه قالولي وواتية
اشرف : اوك تمام فيه ورقة ما لقيتهاش ندور عليها
سارة شافت ورقة تحت دولاب الي تحت الطاولة خدتها : اهيا وهيا خلينا نطلعو
خداها منها : اصبري خلي نفتحها
سارة : هي هي غر راهو نعطلو ع الطائرة
اشرف شافلها : نشوفها في السيارة مالا
سارة : ايه تمام هي
ركبو سيارة بس اشرف جاته مكالمات نسي هم الورقة ووصلو للمطار والورقة قعدت في السيارة وحطو السيارة في الحجز وسافر
-
عند اسماعيل ناض الصبح فطر ونوض يوسف وطلع مشي يدور ع خدمة مشي بيقدم شهادته بيخدم بس مالقاش شركة قبلت بيه نزل في كافي وقعمز غادي يفكر بهم " توا اني كيف بنكون روحي مدام ما حد قابل بيا حتى بوي طردني كيف بنخدم بش نقدر نتقدم لسندس ياربي ساعدني " وصلاته مسج شاف لقاه مكتوب < تشندوش > فتحه [ صباح الخير قلت نتصبح عليك اليوم ❤ ] ابتسم ورد قال [ صباح النور ان شاء الله يفوت يومك ع خير بس ] سندس بعتتها وسكرت فونها راجا اسماعيل شوية بسحس انها مش حترد سكر موبايله وبينه بين نفسه " باهي علاش نبداش من الصفر اني وطارق ويوسف نبنو شركة من اول وجديد من الصفر والله فكرة " ناض وركب سيارته وكلم طارق ويوسف بيتغدو عند طارق ويحكيلهم
-
ناضت اميرة الصبح دوشت للبنات وفطرتهم واتصل بيها طارق وعطاها علم انه يوسف واسماعيل بيتغدو عندهم وحطت الغدي ع النار وبدت تضم في الحوش والبنات في دارهم يلعبو شرين الحوش مشت اميرة فتحت الباب
اميرة : اهلا وسهلاً
آية : اهلين بيك
اميرة : تفضلي ؟
آية " شكله طارق مش معرفها ع العيلة مرة وحدة " : والله اني صاحبة مرام ومشيت لحوشها ما ردش عليا حد فقلت نشوف شقة خوها ونسأل
اميرة : اااه مرام سافرت مهناكش
اية : والله ؟
اميرة : والله لما تروح نقوللها فيه بنت جاتك اعطيني اسمك
اية : ااه هههه اعطيني رقمها
اميرة : ما عندهاش رقم بس نعطيك رقم راجلها ؟
اية : تمام نراجي
اميرة : تمام دقايق بس
اية : خودي راحتك
اميرة : تعالي اهني في الممر
اية خشت وعطتها اميرة رقم جاد ونست تقوللها شن اسمك وفات الوقت وجي الظهر وجو يوسف واسماعيل وطارق وبدت تسقيلهم في الغدي خش عليها طارق في الكوجينة يبي يشوف شن مدايرة
طارق : سلم ايدياتك ❤
اميرة ابتسمتله : صحتين
طارق : شنجوك
اميرة : الحمدلله وانت
طارق : الحمدلله كأنك مش ع بعضك
اميرة : شوية
طارق : شن فيه ؟
اميرة : بكري في بنت جت
طارق : من هي ؟
اميرة : نسيت نسأل ع اسمها لكن قتلي هي صاحبة مرام وقتلي مشت لحوشها لقاته مسكر قالت تجي تسأل
طارق : باه
اميرة : ايه اعطيتها رقم جاد لان مرام ما عندهاش شفرة في امريكيا
طارق : كيف تعطي حاجة لحد ما تعرفيشي
اميرة : اني نعرف ان مرام عندها صاحبات يعني مش ما عندهاش
طارق : امممم بلكي هنادي يستر الله
اميرة : بلكي بالله خود البخشة وفرشها
طارق : حاضر هي
اميرة ابتسمت وفي سرها " يحضرلك الخير "
-
في امريكيا 🇺🇸
-
عندهم صبح ❤
ناض جاد من النوم لقي م ام ما زالت راقدة قعد يشوفلها بتأمل مرام نومها خفيف وحست ان في حد يراقب فيها شوية وفتحت عيونها لقاته قدامها يشوفلها
ابتسمت : باهي ياسر
جاد ضحك : علاش مرتي وبنتأمل فيها شن دخلك انتي
مرام : مرتك الي تتأمل فيها تبيك تبطل
جاد : من شنو نبطل
مرام : شي
جاد ضحك : هههههه كيف حاله الحلو وغمزلها
مرام نحرجت : حول هكي نبي نوض ندوش
جاد : حليلي منه الي يتحشم
مرام : جاااد ياسرر
جاد : هههههه باهي خلاص هي
مرام ناضت من مكانها وخشت دوش جاد اتصل بالريسبشن يوصلوله الماكلة للغرفة وطلعت مرام من الدوش خش جاد ومرام قعدت توتي في روحها دارت مكياج خفيف ولبست دجينز لاصق فيه تشريكات وفوقه سورية واسعة سودة ودجيلي زيتي ووشاح اسود وشنطة صغيرة بنية وسبيدرو اسود طلع جاد شافلها
جاد : طارحة صار
مرام : مش حلوة ؟؟
جاد : لالا حلو غر نقصي من مكياجك
مرام : شن بنقص فيه ؟
جاد جاب كيلنكس ومسحلها احمر خدود والروج
مرام : شن رايك نمسحه كله ونطلع صفرة ؟
جاد : والله اريح هاك الكيلنكس كملي ع الباقي
مرام : شكلك ما صدقت انت
جاد : علاش ؟
مرام : حول هكي تراه { ورجعت قدام المراية ورجعت تحط في احمر خدود وفي روج بس هفتت المرة هادي وتلفتتله }
جاد : اوك هكي مقبول لان شبه ما درتي شي
مرام : خلاص راضي يعني اني بننزل نفطر وانت خود راحتك في التبديل
جاد : حيجيبوه الفطور لهني من غير ما تعبي روحك
مرام : اها باهي { تلفتت } تمام معناها نسكر باب الدار وانت بدل براحتك
جاد : اوك بس تعالي طلعيلي شن نلبس
مرام : الصراحة ما نعرفش نطلع لبسة لراجل
جاد : شافلها من فوق للوطا وتعرفي اطلعي لروحك
مرام ضحكت : فيه فرق بين لبس بنات وولاد
جاد : تمام تعلمي مالا بتكملي حياتك تشريلي وتطلعيلي شن نلبس
مرام : تمام تمام كان ما عجباتكش ما تدويش معاي
جاد : باهي غر طلعي لا بين ساويت شعري وهكي
مرام : تمام
فتحت الشنطة وقعدت تفكر شن طلعله
-
في ليبيا 🇱🇾
-
في حوش طارق كملو الغدي وقامو وقعمزو طارق واسماعيل ويوسف يهدرزو
إسماعيل : ايه يا شباب اني جمعتكم اهني بش نقوللكم
يوسف وطارق :شنو ؟
اسماعيل : نديرو شركة
يوسف : اني ما زلت نقرا راه
اسماعيل : عارف بس عادي تقدر تخدم معانا لان احني خوتك وتتدرب وفي نفس الوقت تقرا
طارق : وبوك ؟؟
اسماعيل : خيره ؟
طارق : بوك عنده شركة ضخمة ولو يسمع بيك حيمسحك
اسماعيل : علاش يعني درنا حاجة مخالفة القانون ؟ وبعدك بوك سافر شهرين لسويسرا هادي فرصتنا انه نبنوها ونتخطو البداية
طارق : بس مش ساهل راه
اسماعيل : طارق يا طارق اني نحب بنت والبنت هادي خايف ياخدها غيري هي ما تعرفش اصلاً مشيت قدمت في كل مكان وكلهم يا مافيش سيولة ما نقدروش نخلصوك يا اما معبيين وين نخدم ؟؟ هااا قولي وين نبي نكون روحي بوك لازني وين نمشي ؟؟
يوسف شاف للارض وبصوت واطي : اصلا بوي معش مدورنا وما يندريش علينا حيين ولا ميتين
طارق شافلهم حس انه الدنيا مسكرة قدامهم وما عندهمش حل تاني قعد يفكر وأميرة سمعت الحديث خشت عليهم
أميرة : أقبل العرض
كلهم شافولها
طارق : عرض شنو ؟
أميرة : عرض الشركة الي كنت تخدم فيها واحني مسافرين
طارق تفكر : .....
-