طفلة ولكن ...

23

مرام شدت يده : وخيرك مش فرحان ؟
جاد نزل راسه : خايف يكون مش ولدي وبعدها فرحتي ما تكملش
مرام انصدمت : قاعد ما صدقتنيش قصدك ؟؟
جاد : نبي نصدقكك لكن فيه صور تثبت انك كنتي طالعة مع واحد تاني
مرام نزلت دمعة من عينها : واني حلفت انه هذا موعا خوي وان هذا المكان الشركة متاع خوتي الجديدة جابني ليها بش يحكيلي ع البنت الي يحبها وبيحكيلي ع الشركة وشن راح يصير فيها
جاد : نبي نصدقك لكـ..
مرام : خلاص خلاص قصدي تبي طلقني ولا شنو ؟؟ خلي يكون في علمك طلقني اليوم غدوا رح تدور الدنيا عليك ورح تعرف الحقيقة كلها بس وقت تعرف كل شي ووقت تبدا الدنيا ادور عليك مش حتلقاني قاعدة وبالله عليك مانبيش نروح معاك بنكلم خوي يروح بيا وانت اساسا غدوا الصبح ماشي للصحراء خلاص نمشي نقعد عند خوي لين يوصلولي وراق الطلاق خلاص وتِم حكايتي معاك ونرجع لحياتي الي مع بوي وخوتي وصدقنني ان مش فارقة معايي غر بوي وخوتي ما كانوش يضربو فيا ولا عمرهم حبسوني في الدار يعني ما خلونيش لا عطشانة ولا جيعانةة فشكراً ع كل حاجة اعطيتهالي سوا حلوة ولا مش حلوة
جاد عيون مفتوحات ع وسعهم من الصدمة : متأكدة ؟
مرام : اها متأكدة بالله اعطيني موبايلي نتصل بخوي
جاد وهوا يطلع في التليفون من جيبه : تمام اني مش حنجيبلك ورقة الطلاق ع طول امشي لحوش خوتك او بوك وارتاحي غادي بعدين فكري بالشوية عليك واساساً رح تطلع نتائج تحليل حمض الـDNA بعدها فكري بالولد كويس وفكري في حياتك مستقبلياً
مرام : معش نبي نفكر حناخد ولدي الي هوا ولدك لان اصلا مش حيكون ولد غيرك وحنمشو بعيد عليك ورح يجي يوم وتعرف اني ما خنتكش ولا شي ورح تندم بس هذاك الوقت رح يكون فات الوقت ع كل شي
جاد هز واسه : لا حول ولا قوة الا بالله
مرام سكرت عيونها وتلفتت للجيهة التانية
-
في حوش اشرف 🎀
-
كالعادة اول واحد ينوض من النوم هي خولة ناضت وتت صفرة الفطور وكله وكانو كلهم راقدين بمناسبة انه جمعة فيوم عطلتهم هدا ناض اول واحد في الاولاد اشرف جي قعمز ع الطاولة
اشرف : بنتي اني شاري امس جريدة حطيتها ع الطاولة جيبيهالي
خولة : اااه اهي اهني
اشرف : صحيتي
صبت خولة الشاهي وقعمزت ع الطاولة مع اشرف
خولة بخوف : عمي اشرف
اشرف وهوا يقرا : نعم
خولة : اني نبي نقولك حاجة خايفة من ردة فعل ايمن لو عرف
اشرف نزل الجريدة : ما تخافيش منه ايمن لو دارلك حاجة قوليلي طول
خولة تنهدت : ايمن بيقعد أب قريب
اشرف ابتسم ووضحة الفرحة من عيونه : والله ؟؟؟
خولة تحشمت ونزلت راسها : بس مش عارفة كيف نقولها لايمن
اشرف ضحك : ههههه عادي عادي ايمن حيفرح وبيطير من الفرحة
خولة : مش عارفة والله
اشرف : خلاص الليلة قوليله واني رح ناخد مندر وعليوا للحوازة وانتي احكيله براحتكم تمام ؟
خولة : متأكد مش حيديرلي شي ؟
اشرف : متأكد يا بنتي ههههه
خولة ضحكت واشرف كان واضح عليه انه فرحان وبيطير من الفرحةة بيولي جد بالنسبة ليه للمرة الاولى بس رح يولي جد اما للمرة التالتة اما الرابعة بس بنات طارق يعتبر فيهم مش حفيداته من سوء العلاقة بينه وبين ولده
-
بعد الظهر في المستشفى 🏥
-
طلعو التحاليل وفي نفس الوقت جاد روح بمرام لحوش خوها وولا رح ياخد التحاليل كان الخوف من الراس للساس خايف يكون الولد مش ولده خش لقسم التحاليل وخدي ملف التحليل وطلع من غير ما يشوفه وحطه في السيارة
-
في حوش طارق 🎀
-
أميرة : تبي نديرلك شربة الخضرة كويسة هلبا
مرام : لالا صحيتي نبي حاجة حلوة كان عندك جت في خاطري توا توا
أميرة : والله ما عندي
يوسف وطارق واسماعيل كانو مقعمزين جنبهم
يوسف : توا نمشي نجيبلها ونجيب مشروب وكان فيه حاجة ناقصة قولولي
أميرة : لالا هذا هوا مشروب وحاجة حلوة لمرام
جت ميرال تجري : وين إمشي انت ؟؟؟
ميرا جت وراها تضحك
يوسف : اني بنمشي للمحل ونرجع هيا نرفعكم معاي
نطت ميرال من الفرحة وطلعو مع يوسف
-
في حوش اشرف
-
خولة : الو ؟
.... : اهلا شنجوو يا بنتي
خولة : اااهلا الحمدلله وانتي
...: سمعت انك بنولي ام
خولة : ههههههه ايه هذا اخر اخباري وانتي ؟
....: صددق تخيلي صاحبتي الي في العيادة قتلي سمعتهم قتله طلقني اخخخخ نحس براحة تامة
خولة : ههههههه خلي نشوفو ردت فعل ايمن في الموضوع هذا
...: هههههههه اني توا بنسكر نتلاقو غدوا ما تنسيش
خولة : ايه ايه ان شاء الله
...: تمام سلام توا بنخش للموعد متاعي
خولة : تمام سلام توا
-
فات الوقت بدون أي أحداث مهمة لعند المغرب ع البحر كان جاد مقعمز ويشرب في قهوتهه وهوا يتفرج ع الغروب قام ملف التحليل في حجره وسما بسم الله وفتحه فتح عيونه ودمعت عينه
-
في حوش طارق
-
شرين تليفون وهوا في الكوجينة وكانت اميرة في الكوجينة ومرام راقدة قامت الموبايل ومشت للمربوعة وين مرام لقت مرام راقدة والمتصل كان جاد ردت
جاد : مرام مرام
أميرة : جاد اني اميرة مرام راقدة
جاد : نوضيها
أميرة : ياريت لو نقدر بس هي هلبا هلبا تعبانة راه
ما نقدرش نوضها نهائي
جاد : تمام بس بالله قوليلها تتصل بيا لما تنوض
أميرة : ان شاء الله
جاد : شكراً
-
في الحوازة
-
اشرف : نوض انت وياه ولعو الشواية جايب لحم وخضرة وخبزة وهكي خلي نتعشو شواية
منذر : اني عليا السلاطة
علي : انت هذا فيش فالح اما تفتح الشواية لا
منذر : ما دخليش فيك دبر راسك معاها
علي : توا يبانلك
اشرف : تي اسكتو وانتو تقول مفرخ صف اول ومنذر دير سياخ لحم وقص اللحم ووتيه لخوك يشويه وانت افتح الشواية وفرش جنبها وهكي
علي : ههههههه الشواية ارحم يا راجل
منذر : هاهاها بيختها راه
اشرف : اني بنتوضا ونصلي ونجي نلقا المكان واتي تسمع ولاه
علي : هيا هي
-
كانت موتية طاولة وفاتحة شموع ولبست قفطان جديد ليها وقصير ولونه وردي هادي ودارت عشي مخلط شوية وقعمزت تراجي في ايمن وصدفة نفتح الگاراج ناضت فتحت السبيكر ووصلاته لتليفونها وفتحت أغنية اجنبية هادية { تخيلو اي اغنية تحبوها المرة هادي } فتح ايمن باب الحوش كان الدنيا كلها مظلمة وشوي بيمشي لتاكو الضي بش يفتح الضي قابلاته خولة
خولة بصوت واطي : تفتحش خليه مسكر تعال قعمز ع الطاولة
ايمن مصدوم : شن هذا ؟
خولة : مفاجأة
ايمن < ايمن طبعاً صفاته ماشي مع الموجة هوا حنين بس يحاول بشتى الطرق يقعد واعر > : ههههه ليا اني ؟؟
خولة : اها قعمز
ايمن شاف لعيونها وكانت عيونها تترجاه : تمام هي
حول دجاكته وقعمز وكمل : هههه شن المناسبة يعني غريبة شوي
خولة : ايمن
ايمن ويشوف لعيونها : عيونه
خولة تحمرت بعد الكلمة هادي : جد ؟
ايمن : شوفي صح اني تعفلقت كيف اني نتزوج وحدة وكذا كذا بس قصدي حتى اني درت غلطة وان شاء الله ربي يسامحنا ماعندي ما ندير
خولة ابتسمت : قصدك توا راضي بزواجي
ايمن ابتسم : هههه ايه يا روحي خلاص توا كل شي فات مات ما عندنا ما نديرو راه
خولة : بجد فرحتني والله
ايمن يشبح لعيونها وابتسم : تمام توا اني قلت الي عندي دورك
خولة : ....
-