هديل استغربت بس ما بتش تسأل وصلو للحوش
عائشة : وافقو ماليها
جهاد : باهي ان شاء الله ع خير
عائشة شن رايك نخطبلك ونسقدك مع خوك
جهاد : مش واتي اني شكراً
هديل : ههههههه توا كان يسأل ع بنت شوره ناويها
عائشة : من هي البنت خلي نشوفوهالك
هديل : صاحبتي
جهاد : ما ترتاحيش لين تقولي ؟
هديل : ههههههههههه
عائشة : قولي يا بنت
هديل : خلاص بلاش
عائشة : يا الله وخلاص
جهاد : الغدي واتي يا طيبة ؟
عائشة ايه بدلو وتعالو
هديل : هيا هي
-
في حوش طارق
.
اميرة : يا هلا
مرام : حتى انتي يقولك دجاجة ؟
اميرة : ههههههههه كان معادش توا
مرام : شن درتيله
طارق : هههههههههههههه
اميرة : سحرته
طارق : وانا نقول علاش ما نقدرش نقولهالك
اميرة ومرام : ههههههه
مرام : نبي طريقته
طارق : باهي هادي اخرتها تسحريني
مرام : والله مش مني
طارق : باهي وافقنا للولد راه
مرام : ايه اني قلتلها لاميرة اصلا
طارق : باهي وابتسم عقبال نشوف صغارك وتقوليلي مرتاحة هلبااا
اميرة : امين
مرام : ان شاء الله
-
عند اشرف
.
اشرف : اشرف : تفضل
الراجل : تفضل اعطاه ورراقي
اشرف بإستغراب : شن هذا ومن انت ؟
الراجل : افتح وشوف بروحك
اشرف وهوا بيفتح شرين تليفون المكتب شاف للراجل ورد
اشرف : ايوا ؟
السكرتيرة : سيد اشرف فيه اجتماع بعد خمسة دقايق
اشرف : اوك تمام شكرا ( سكر وشاف للراجل ) توا نفتحهم بعدين عندي اجتماع
الراجل هز براسه : مفروض وصلوك الاوراق هادو قبل .....
اشرف : وصلو توا نشوفوهم بعدين مستعجل توا وطلع وخلاه
الراجل همس لروحه : قبل 16 سنة
-
فات الوقت ثانية ورا ثانية دقيقة ورا دقيقة ساعة ورا ساعة يوم ورا يوم لبعد اسبوعين وطول الوقت ومرام توتي لروحي في يوم من الايام ناضو اميرة ومرام والولاد بكري ويوتو في ارواحهم وكذالك عند هديل روح جاد وبدو يوتو في روحهم #الخطوبة
-
هديل : هنادي ترا تعالي شوية
هنادي : شن تبي
هديل : سكريلي القفطان من التالي
هنادي : هاتي
-
في حوش طارق
.
اميرة : ايوا ماما جايين ولاه ؟
ام اميرة : اكيد ايه في الطريق احني
اميرة : قلتي لخالاتي
ام اميرة : جايات حتى هما ما تخخافيش
اميرة : انتي عارفة خالاتها
ام اميرة : باهي باه يا بنيتي خير ما درتي
اميرة : ما درت شي اهو
ام اميرة : احني قريب نوصلو خلي نسكر توا
اميرة : تمام في امان الله
-
فات الوقت جو ناس جاد وكانت المنضومة مفتوحة وكانو كلهم فرحانين خشت عليهم مرام وسلمت ع الكل وبعدين بدلت ولبست البدلة الي جابوهالها وخشت لقت جاد سلمت عليه ولبسها الدبلة في الوقت هذا مرام حاسة بالامان هوا يضحكلها وباس يدها قدامهم شعور مرام وفي داخلها تقول
{ هذا هوا الي حيعوضني الي حيحبني جيت وجابك ربي بديت نحبه رغم اني قاعدة ما نعرفاش بس حالياً يختصرلي في الجاي كيف حيكون }
اما عند جاد
{ شكلي بنظلمها اني نمثل قاعد اني نحبها بس ما عنديش ولا درة حب اتجاهها توا نقوللها في العرس معش مزال هلبا اصلا }
اما عند جهاد الي قاعد برا مع الرجالة
{ زعما هوا بيظلمها البنت زعما حيحبها يا ربي ما تبليش البنت بمصيبة تانية حرام والله }
عند هديل
{ هوا يحب اسراء هل بالحق نسي هاديك وبدي يحب في هادي خخخخخ الصبر ياربي بس }
الباقي كان فرحان وكملت التلبيسة وددو موعد العرس حيكون نفس الاسبوع لان هذا شرط بو مرام خلال شهر تكون في حوش راجلها اميرة وخواتها عاونو مرام وشرولها بتات وطارق يمشي يحجز ويجيب وكدلك اسماعيل ويوسف يوتو العرس عبارة عن تلات ايام سهرية بروحها وقفة وحنة مع بعض والحفلة مر الاسبوع في صباح اول يوم والكل راقد تليفون طارق شرين
-
طارق عين بعين لقاه رقم غريب : الوو ؟
الرقم : معاي طارق ولاه ؟
طارق : ايه من معاي ؟
الرقم : ليا عشرين سنة عليكم وامك ما تردش عليا
طارق تصحصح : خالتي ؟
-
خالة منال العمر 38 سنة اصغر وحدة في الخالات
تزوجت في عمر 17 سنة وخواتها قاوموها لان حلفو لو تزوجاته معاد لا تعرفهم ولا يعرفوها تزوجت وكان بوها موافق وبعد زواجها بشهر توفا بوها وقعدت الخالة تهرب لام مرام وام مرام قنعتها هي وراجلها يطلعو برا البلاد ومعاش يرجعو للبلاد بكل وفعلا مشو بس لما غيرو شفراتهم راحت كل الارقام وغابت عشرين سنة نرجعو للقصة
-
طارق بفرحة : ههههه عاش من سمع صوتك
منال : تعيش وتسمع نبي امك استاحشتها تعال خودنا من المطار
طارق نزل راسه : تمام تمام
-
فات الوقت لبس طارق ومشالها وكانو البنات ناضو ووتو صفرة الفطور خشت عليهم منال
منال بصوت عالي تنادي في امهم : ساالمة يا سالمة يا المينة وينك ما لقيتش اجابة تلفتت لطارق وين امك
مرام : طارق ؟ من هادي ؟
طارق نزل راسه : الحنينة عطاتك عمرها ويا مرام هادي خالتك
مرام : ما عنديش خالات اني
منال : طارق قصدك امك جابت من بعدي ؟
طارق : خالتي تعالي بروحك هكي
منال : تمام ، نعم ؟
طارق : اختك الي هي امي مرضت بالورم {عفاكم الله } وبعد انتشر عرفت وما قالتش لحد وفي مرة تصل بيا الدكتور وقالي هوا بأن امك مريضة وهي حامل حتى لو نزلت الولد بتموت مافيش نسبة شفاء بكل ولما عرفت حلفتني ما نقولش لبوي وخوتي ولليوم حاطين اللوم ع مرام الولد الي كانت حامل بيها وهي وصتني عليها وعليك وكل خواتك ما يكلموش فيها مفكرين ان هي بسببها ماتت ولكن هوا ما صارش منه هذا كله هي ماتت بقضاء الله وقدره نبيك تعامليها زي بنتك وهي اليوم اول يوم عرسها
منال 😳😳 : طارق لو ديرو عليا في مقلب قول
طارق : تفضلي دوري مش حتلقيها وتفضلي ارفعي مرام لخواتك او الاحسن كلميهم وقوليلهم كيف حال مرام وشوفي شن يقولولك
منال نزلت راسها وبدت تبكي ومن ورا الباب كانت مرام تسمع وخشت عليهم
مرام بصوت عالي والدموع في عيونها : وقوللهم قول لبوك وخوتك قوللهم من يوم طلعت ع الدنيا واني ما عمري شفت بوك ولا خوتك ولا خالاتك ولا عمامك معبريني ولا دايرينلي قيمة لو ربي قال ان امي بتموت واني بنعيش ما يعترضوش ع حكمه
طارق بصدمة أنها سمعت : من امتى وانتي اهني
مرام : مش مهم من امتى المهم اني نفسي نبي نرتاح الله يريحكم عييييت عيييت والله راهو وطاحت ع ركابها وهي تبكي
منال مشتلها تجري : ما حد يقدر ياخد مكان الام لكن اني اعتبريني اختك الكبيرة وامك التانية وتوأم روحك باهي بنيتي وهي مضبطتها
مرام ردت التضبيطة وحست بحنان ما حستش بيه بكل حست ان مش كل الخالات ما يحبوهاش حست ان امها حية مش ميته حست بحنان محتاجاته من سنين
منال : كم عمرك يا مرومتي
مرام : 16 سنة
منال : خيرهم مستعجلين عليك يا روحي
طارق : احمممم بصوت عالي
منال : هييي عندي بنت نديدتك اني
طارق : ايه صح بناتك وين
منال : هههه قعدو في الجنان
مرام : حققق
منال : هههه ايه
مرام : نمشي نتعرف عليهم
طارق : جري بسرعة
مرام : مشيت وانت تلز
طارق : هههههه ما عاش من لزك يا روحي
منال : ما عاش ❤️
مرام : تعيشو
-
خولة 19 سنة بنت حلوة وهادية وتعرف عندها خالة وحدة وهي سالمة { أم مرام } وهاذي الخالة الوحيدة الي تحكيلهم عليها امهم
سندس 16 سنة عكس اختها مشكلجية بس طيبة وعصبية
خلود 10 سنين افعى ع شكل قطوسة 😂❤️
سراج 9 سنين العنقود وهوا ما يحبش البنات بس يحب خواته وكل بنت تكلمه يدور عيب فيها ويعلق عليها 😂💔
-
مرام : يا هلا
خولة : هلا
سندس : هيلوو
مرام : اني مرام
خلود : بإختصار اني خلود هادي سندس هادي خولة وهذا العنقود أحمد 😇
مرام : اهلا وسهلاً بيكم خالتي منال قالتلي فيه بنت نديدتي
خولة : اني ممكن كم عمرك
مرام : 16
سندس : هييييي نديدتي اني ريحي روحك
خولة : حتى اني صغيرة راه
مرام : هههههههههه تعالو معاي داخل
خلود : واني نجي ولا مش موجه ليا الكلام هذا
سندس : خلينا الكبار بروحنا
مرام : كبار شنو تعالي خوخة معانا يا حلوة
-
اسماعيل كيف نايض : صباح الخير قاعد ما بداش العرس راه
خلود : عرس منو ؟
اسماعيل : مرام من هادو البنات
خولة : صباح الورد احني...
-
أنت تقرأ
طفلة ولكن ...
قصص عامةكنت مجرد طفلة ! فأصبحت عروس ، مشقة الطريق للوصول للاطمئنان كان طويلاً. لقد كانت العوائق في طريقي هي نصف العائلة. ولكنني نجوت ♥️
