طفلة ولكن ...

25

وصل للشركة كانت اهني الصدمة نفسه المكان الي في الصور
‎اسماعيل : اهلا يا بو نسيب
‎جاد : اهلين كيف حالك ؟
‎اسماعيل : والله الحمدلله وانت ؟
‎جاد : الحمدلله اسمع اني نبي نسألك قبل كل شي
‎اسماعيل : ايوه ؟
‎جاد : جت مرام مرة لهني؟
‎اسماعيل : ايه جبتها اني اسبوع الي فات وبعدها رفعتها لحوش طارق
‎جاد زاد نصدم : اها
‎موظف : سيد اسماعيل ممكن تجي شوية
‎اسماعيل : جاد عن اذنك توا نرجع
‎جاد : لالا شوف خدمتك اني طالع نولي مرة تانية
‎اسماعيل : براحتك مالا سلام
‎جاد : سلام
‎وهوا طالع قابلوه اميرة وطارق ويوسف
‎طارق : اووه جاد اهلين
‎جاد : اهلين بيك كيف حالك ؟
‎طارق : والله الحمدلله وانت ؟
‎جاد : الحمدلله كيف حالك يا يوسف وأميرة
‎الزوز : الحمدلله بخير
‎طارق : خش اشرب طاسة قهوة !
‎جاد : مرة تانية والله توا عندي خدمة بنديرها
‎طارق : باهي براحتك مالا عاودها الجية
‎جاد : ان شاء الله اميرة بنسألك ؟
‎أميرة : تفضل ؟
‎جاد : مرام في حوشكم ؟
‎أميرة : ايه قاعدة مع البنات
‎جاد : تمام سلام توا
‎كلهم : في امان الله
-
‎عمر : أفهمي يا بنت نحبك اني
‎مرام : يرحم والديك اني متجوزة اخطاني خليت بنات الدنيا وجيت للي متجوزة ؟
‎عمر : شن بندير حتى اني نحبك من قبل ما تتجوزي
‎مرام : تعرف توا كانت ما تقلبش وجهك لما نشكي فيك
‎عمر : يا بنت أفـ...
‎سكرت في وجهه " شن الفاسد هذا ما يفهمش ولا شنو قلنا متجوزة قلنا ما نتكلمش قلنا قلنا شي شي "
-
‎في فندق
‎ـ
‎نهاوند : انتي كيف اديري هكي ؟
‎سارة : يا حمارة لازم ما نحصلو ع الشركة كان هذا فضلي الموت من الجوع وخلاص
‎نهاوند : طررردددنني اني كنت نصرف عليكم وكنتو عايشين شن كان صايرلكم يعني ؟
‎سارة : لا نبي الشركة كلها
‎نهاوند : ياااربييي
‎كاثرينا #امهم بالسويسري تدوي : هيي ماذا يحدث ؟
‎نهاوند : إبنتك احدتث مصيبة لمديري فطردني
‎كاثرينا : سارة ؟
‎سارة : ميرسي نهاوند
‎وطلعت
-
‎اشرف : قسم 90% من اسهم الشركة ع ثلاثة
‎المحامي : تمام معناها كل واحد ثلاتين في المية
‎اشرف : بالضبط والعشرة في المية ليا اني
‎المحامي : تمام يا حضضرة السادة آيمن ومنذر وعلي محتاج لتوقيعكم ع الاوراق
‎مدلهم الاوراق ووقعو
‎اشرف : وهوا هذا ممكن يا شباب تطلعو نبي المحامي بروحه
‎طلعو الاولاد
‎المحامي : تفضل
‎اشرف : العشرة في المية رح تكون لحفيدي ولد ايمن وحتى لو كانت بنت المهم للبيبي الي جاي
‎المحامي : تمام وقع اهني مالا
‎اشرف : تم " ثروتي مشت لاولادي يا سارة مش رح نعطيك منها حتى حاجة "
-
‎في حوش طارق
-
‎كانت مرام في الجنان هي والبنات تلعب فيهم وكانت في ريحة جاية من الجيران
‎مرام : شن الريحة هادي
‎ميرال : تنو ؟
‎مرام تحس بدوخة وطاحت
‎ميرال وميرا خلعو
‎ميرال : عميمة ؟ عميمة نوضي !
‎ميرا بدت تبكي
-
‎درس سيارته ونزل وهوا بيرن ع الحوش يسمع في صوت بكي وميرال تقول عميمة شرين
‎ميرال وقفت : اينو ؟
‎جاد : ني عمك جاد افتحي بنتي
‎ميرال فتحت الباب وجاد قابلاته مرام طايحة خش يجري
‎جاد : مرام مرام نوضي مرام ؟
‎ميرال وميرا يبكو
‎ميرال : خيرها عميمة؟
‎جاد قام ميرا وشد ميرال من يدها وركبهم في السيارة وسكر الحوش وقام مرام للسيارة ومشو للمستشفى
-
‎في الشركة
-
‎اسماعيل قعمز ع كرسي مكتبه وقام التليفون ويتصل
‎سندس : الو ؟
‎اسماعيل : اهلا
‎سندس : من معاي ؟
‎اسماعيل : ههههه مش مخزنة رقمي اني اسماعيل
‎سندس وجهها ولا الوان : ااه موعا
‎اسماعيل : ههههه ايه موعا شنجو
‎سندس : الحمدلله وانت
‎اسماعيل : الحمدلله بخير ششن ديرو ؟
‎سندس : والله امي جايبة قضية رمضان بعد غدوا حتى هوا
‎اسماعيل : ايه كل عام وانتي بخير
‎سندس : وانت بألف خير يارب
‎اسماعيل : ان شاءالله الرمضان الجاي ترمضنيه معاي
‎سندس تحشمت : ان شاء الله
‎اسماعيل : اني قاعد في الشركة توا قلت نتصل نشوف كيف حالك والباقي عندي اجتماع توا باهي
‎سندس : اوك تمام دير بالك ع روحك
‎اسماعيل : ان شاء الله هي سلام
‎سندس : سلامات
-
‎خلود : كيف حالك اختي ؟
‎سندس : الحمدلله وانتي ؟
‎خلود : الحمدلله اسمعي نبي نقولك سر
‎سندس : شنو ؟
‎خلود : خولة حامل
‎سندس بصوت عالي : شنووو
‎منال كانت تساوي في الدولاب بعيد عليهم خلعت : شن فيه
‎خلود : لا شي
‎سندس : لالا شي اني خلعت
‎منال : ربي يهديكم وخلاص
‎سندس : امين
‎خلود : مصح وجهك
‎سندس : هههههههه
-
‎في حوش اشرف
-
‎خولة تفكر " يعني اني توا لازم ما ندير اي شي ونحل مشكلة مرام وجاد والا والله يقتلني ايمن ياربي شن بندير شن ندير " شرين الحوش ناضت فتحت الباب
‎آية : اهلا مرت ولد عمتي
‎خولة : اهلين بيك
‎آية : شن جو
‎خولة : الحمدلله خشي
‎آية : ايه مرام قرب نهاية زواجها
‎خولة انصدمت : لالالا اسمعي فوتيها
‎آية : مصح وجهك اني نبي راجلها وعمر يبيها وانتي تبي تنتقمي خلاص توا قريب كل واحد فينا بياخد الي يبي
‎خولة : اسمعي اني معش نبي ننتقم
‎آية : شن تقولي ؟
‎خولة : خليهم متجوزين فوتيهم
‎آية : علاش
‎خولة : عندك علم كأنك تحفري في البحر
-
‎ايمن درس سيارته وكيف بيفتح الباب سمع خولة وبنت يهدرزو استمر يسمع
-
‎خولة : راهو مش رح يطلقها كان اشبح شن درتي
‎آية : علاش ؟
‎خولة : مرام تزوجت جاد بالغصب ولو يعرف ايمن اني عندي يد في سبب طلاقهم ننتهي
‎آية : ايه هوا مش رح يعرف
‎خولة : اصلا مرام حامل
‎آية : شنو ؟؟؟
‎خولة : اها
‎آية : اصبري توا نتصل بعمر ندبرو حاجة ونخلوها تطيحه
‎خولة نصدمت : شن تقولي ؟
‎آية : اني بنستأجر يقتلها
‎خولة : تبصري
‎خش ايمن وجهه احمر : اني صح نعامل في اختي معاملة اخي لكن ما نسمحلكش تضـ... { نصدم } اية ؟؟؟؟
‎اية وخولة وقفو
‎ايمن : يا كلبات تقتلو اختي ع جتثي
-
‎في المستشفى
-
‎جاد : دكتورة طمنيني بالله عليك
‎الدكتورة : مافيهاش شي والتوآم كويسين
‎جاد فتح عيونه : توأم ؟؟؟
‎الدكتورة ابتسمت : اها توام ما تخافش هي داخت بس ويمكن وصلتها ريحة ما تتحملش فيها هدا ليش
‎جااد وواضحة الفرحة من عيونه : ههههه اها شكرا دكتورة نقدرو نخشو ؟
‎الدكتورة : ايه تقدرو ونايضة هي اصلا
‎خشو جاد وبنات طارق
‎مرام : بنياتي وحضنتهم
‎جاد : حمدلله ع السلامة
‎مرام وهي مرتبكة : الله يسلمك
‎جاد : ما تخافيش حبيبتي ما صار شي
‎مرام فتحت عيونها : حبيبتك ؟؟
‎جاد : ايه ولا مش حبيبتي انتي ؟
‎مرام : لا بس استغربت يعني
‎جاد : اسف
‎مرام : مش مهم خلونا ننسو الي فات تراه فكرت امس كله نبيش نخلي ولدي بدون اب
‎جاد : قصدك ولادك
‎مرام : كيف ؟
‎جاد : بتولي أم توأم
‎مرام : جد تدوي ؟
‎جاد : ههههههه ايه
‎مرام دمعو وضبطاته : انا مستحيل نخونك اني لقيتكك سند ليا كيف تبيني نخونك ترا قولي ؟
‎جاد : وصلولي صور وانتي كنت واظحة بس هوا لا وبعدين خشيتو للمبنى وهكي يعني كان موضوع يُصدق فهمتي
‎مرام : باهي مرة تانية ادوي معـ...
‎رن تليفونها ردت
‎مرام : الو ؟
‎عمر : ها شن قلتي ؟
‎مرام سكرت في وجهه : جاد توا كان عاود رد عليه انت باهي هذا واحد لصقة من الصبح يتصل يقولي نحبك ومن الكلام هذا
‎جاد : تمـ...
‎رن التليفون تاني خداه جاد ورد
‎عمر : غر عاونيني وخليه يصدق الكذبة متاعي ان انتي تخوني فيه بش تطلقي وترتاحي منه ونتزووجو اني وياك
‎جاد : تعرف لو مزال تعاود تتصل بيها نقتلك فاهم ولاه ؟؟
‎عمر سكر في وجهه
‎جاد شبحلها وطلع مفاتيحة وكانت فيه فتاحة الشفرة زي اليبرة خدي الشفرة : توا نشريلك شفرة جديدة والكلب هذا توا نعرف كيف نتصرف معاه
‎مرام ابتسمتله : المهم انك صدقت اني مانيش خاينة
‎جاد : اخخخخ نادم اشدد الندم اني شكيت فيك اصلا
‎مرام : عادي عادي كله صار وفات توا خلينا نروحو لحوشنا
‎جاد : ايه تمام نوضي هي
-
‎في حوش منال
-
‎الحوش يرن ويطقطقو بالقوة
‎منال :.....
-