طفلة ولكن ...

19

طارق : عرض شنو ؟
أميرة : عرض الشركة الي كنت تخدم فيها واحني مسافرين
طارق تفكر : ايييه والله صح
اسماعيل ويوسف : عرض شنو
طارق بدي يحكيلهم
-
بعد تعب من سفر طويل نزل من الطايرة وركبو في السواق الي مأجرينه ورفعهم للفندق واقف في الريسبشن يحجز في غرفة وجناح
سارة : علاش تسرف في الفلوس هكي نأجرو جناح واحد وخلاص؟
أشرف : وانتي وين بترقدي ؟
سارة تلفتت للصالون : اهني
اشرف استغرب : نأجرلك غرفة احسن تاخدي راحتك واهني تتعبي وهكي
سارة " شن هالغبي ياربي " : طبعاً مش حنرقد اهني نأجرو جناح لينا الزوز
أشرف استغرب وتراجع ع الغرفة وسأل لو فيه جناح بسريرين فقالوله مافيش واجر جناح واحد وركبو للجناح
سارة : ايه اني تعبانة هلبااا بنخش ندوش
اشرف : اوك اني بننزل ندور شوية
سارة : اوك
-
في امريكيا
-
وهي تاكل طلع جاد من الحمام ولبس الي طلعتهمله وجي جنبها وقعد ياكل معاها
مرام وهي تاكل : نعيمة
جاد : ينعم عليك { وشاف للصونية } شن كان فيه اهني
مرام ولا وجهها احمر : شوف نقعد صريحة جابو طرفين كريب والحق كنت جيعانة وكليتهم وكان فيه عصير صبيت في طاسة تم
جاد : عهههههههه صحتين صحتين غر راك خليتيلي
مرام : ماه قتلكك لو ننزلو لوطا احسن راهو كلينا براحتنا اكثر
جاد : هههههه باهي توا ناكل الي قعد وهاتي العصير الي قعد وخليني نفطر الي خليتيهم مع انك ما خليتي شي
مرام تجرأت : الحمدلله اني شبعت ونبي نطلع
جاد : تي استني نفطر بعدها نقي
مرام : باهي بسرعة
جاد : ان شاءالله
شرين تليفونه رد : الو
السواق : المكان جاهز
جاد : اوك تمام عشرة دقايق وننزلو
السواق : اوك
مرام : جاااد انت ممكن ما تعرفنيش كويس اني اكثر انسانة فضولية ممكن تشوفها وكنت تدوي بالانجليزي فهذا يعني إن اني ما فهمتش حتى حرف ترجم الي كنت تقوله
جاد قعد يشوفلها ويضحك : السواق قالي اني لوطا قتله عشرة دقايق وننزلو
مرام : علاش عشرة دقايق يا بعدي
جاد : بنفطر
مرام تلفتت للروشن ورجعت ركزت في الي لابسه : اني كنت نسحاب الي طلعته يدره الكبد ومع هذا لبسته
جاد : لا عجبني حلو لبسته
مرام : اشييه
جاد : هههههه تقول نكلم في امي
مرام نحمار وجهها وسكتت
جاد : فيش داعي للحشمة وهيا اطلعي كان تبي
مرام فرحت : وييي هي
جاد : عهههههه والله مهبولة
-
في ليبيا
-
اسماعيل : ايه
الراجل : اوك تمام
اسماعيل : شكراً
الراجل : العفو سلامات مالا
اسماعيل سكر الخط : المكان واتي ع اربعة ادوار
طارق : بنستنو الرد منهم وبعدها نتمو كل شي
يوسف : وكان قالولك اسحبناها
طارق : نبدو من الصفر
اسماعييل : قصدك موافق ؟
طارق : لو كان بونا مش راضي بينا في شركة متاعه نديرو شركتنا بروحنا واني...
-

#طفلة_ولكن ❤️
-
اسماعييل : قصدك موافق ؟
طارق : لو كان بونا مش راضي بينا في شركة متاعه نديرو شركتنا بروحنا واني عندي في شركة متاعه تاني اكبر اسهم في الشركة
اسماعيل : واني عندي بس مش زي الي عندك
يوسف : واني اسهم متاعي والي متاع مرام عطاهملي اني
طارق : يعني انحلت المشكلة كلها
ما فيش عائق قدامنا لكن يا خوتي نقطة الصفر واعرة بس نبيكم تتحملوها واحني بإذن الله قدها نبيهم تصبرو بسس تمام ؟؟
اسماعيل : اساسا مافيش حاجة ساهلة
يوسف تمام بس بما انك بتحول لحوش اسبوع الجاي واحني بنسكنو معاك مش لازم نبيعو الشقق نأجروهم احسن يعني يكون فيه دخل شهري
اسماعيل : مش عارف
طارق : الشقق كبار وموقعهم مليح يعني ع الاقل ايجارهم الفين دينار دخل كويس ومنها نستفيدو بش نقوو الشركة وكذا
اسماعيل : نسمو بسم الله يا خوتي
طارق ويوسف : بإذن الله ❤️
أميرة مبتسمة " ربي يوفقكم يارب "
يوسف اني بنقسم اسهمي مع مرام من توا راه
طارق : ههههه مش لازم تقسم نعطوها هي بروحها
يوسف : ايوه لان مانبيهاش تحس انه ماحد معبرها
اسماعيل : ههههههه
-
في سويسرا
-
مقعمز يشرب في قهوة تفكر الورقة ركب للدار وفتح شنطتها مالقاهاش دور عليها مالقاهاش كلم السواق متاعه الي في ليبيا
السواق : الو ؟
اشرف : اهلين اسمع ما طاحش مني في السيارة شي ورقة ولا حاجة
السواق : لحظة بس
سارة سمعت صوته ناضت : خيرك نايض تعال ارقد ولا مش تاعب من السفر
اشرف : لا عادي
سارة نحت التليفون من يده وسكراته هيا مالا انت ارقد نص ساعة اني نبدل ونطلعو نظهورو
اشرف : باه تمام
-
لقي السواق الورقة تحت الكرسي : الو لقيت ورقة ايه
....
السواق : الو ؟؟ شاف للتليفون لقاه تسكر حط الورقة في خزنةالسيارة وفاتها
-
في امريكيا
-
مشو للملاهي لان مرام طلبت ولعبو وشرت حلاوي ودبدوب وكل شي لين جي وقت الغدي
جاد : باهي عادي نمشو نتغدو ولا عندك مانع لاني جيعان نحس اني بنهضم مصاريني توا
مرام : ههههههه تمام هيا
ركبو السيارة ونزلو ع الشط وقعدو يمشو شوية شافت مرام طاولة موتيينها ع الشط
مرام : الله محلاها الطاولة ومكانها سعدودهم الي حاجزينها
جاد شافلها وابتسم وشد يدها وسرع خطواته ووقفو قدامها
جاد : هي قعمزي
مرام : ممنوع مشحاجزينها ناس تانية
جاد : اني صاحب الحجز مش ممنوع عليا
مرام : تبصصر
جاد : والله هي قعمزي
مرام بفرحة قعمزت وبدو يجيبولهم في الماكلة ومرام قعدت تصور وتصور وتصور واستمر الحال هكي
-
في ليبيا
-
هذا الرقم يلا اتصل
يرن 📱 لين رد
عمر : الو مرام وين حوشك فاضي
جاد : منو معاي ؟
عمر : مش رقم مرام هذا ولاه ؟
جاد : من انت ؟
عمر : انت الي منو هذا رقم حبيبتي
جاد يشوف لمرام ووجه ولا احمر وسكر الخط في وجهه
عمر : تعفلق وسكر الخط
آية ابتسمت : حترجعلنا لليبيا مطلقة وقول ما قالتهاش اية
عمر : بعد يطلقها بناخد الفلوس وبنمشي بنتجوز اني
آية : ايه ايه غر يطلقها اول شي 😌
-
في أمريكيا 🇺🇸
-
جاد يشوف لمرام وهي تاكل ووجه احمر قامت راسها وشافتله ابتسمت
مرام : خيرك ما تاكلش
جاد ولا حرف وقارن حواجبه وفنص لين مرام خافت
مرام : خيرك ؟
جاد ولا حرف
مرام : معش تشبحلي هكي
جاد بهدوء تام مع تفنيصة : علاش ؟
مرام : خفت منك راه
جاد : اها تخافي من التفنيصة لكن ما تخافيش من الي يصيرلك لما تخوني
مرام : نخون ؟
جاد : هههه حركات الاستعباط
مرام : شن تقول
جاد ضرب يده ع الطاولة بالقوة : من هوا الي يجيك للحوش هذا
مرام وخرت التالي وخافت وقعدت تشوف للارض
جاد بصوت عالي : تكلللممميي
مرام بدت تبكي
جاد : نوضي نوضي ساد مسفرك وفوق هذا تضحكي عليا من ورا ظهري
مرام قامت راسها : لا حرام عليك
جاد : نوضي نوضي بلا كلام هيااا
مرام : باهي باهي حاضر
مشو للفندق وحجز تذكرتين لليبيا
-
في ليبيا 🇱🇾
-
طالع من صلاة العشي ويفكر " زعما كيف حالها توا ان شاء الله تتعارك هي وجاد ويطلقها اني نتزوجها اني ناخدها ياربي "
عمر : جهاااد
جهاد تصحصح من التفكير : ااه عمر
عمر : يتقبل الله
جهاد : منا ومنكم صالح الاعمال ان شاء الله
عمر : امين شنجوك ؟
جهاد : والله الحمدلله وانت
عمر : الحمدلله شنجو جاد قالو مسافر
جهاد : ايه والله اسمع اني العيلة يراجو فيا نستأذنك
عمر : تمام اذنك معاك
جهاد : سلام
عمر : سلام
قام التليفون ويرن 📱 ردت
آية : ايوه ؟
عمر : وكان ما طلقوش بتدفعيلي فلوسي وكان هذا والله لما نشهدر بيك
آية : علاش التشاؤم ؟
عمر : لقيت جهاد توا وقالي قاعد مسافر ومروح بالعيلة يعني حياتهم طبيعية
آية : باهي توا نشوفو
عمر : دير حسابك بنشهدر بيك راه
آية : باهي وانت ما تقدرش تعيش من غير الفلوس
عمر : الله غالب هي باي
آية : إسـ...
طوط طوط طوط
آية " سكر تخيلي ما يطلقوش يعني ووه "
-
في المطار
الرجاء من الركاب المتوجهين إلى ليبيا بالذهاب إلى غرفة الإنتظار رقم 23
جاد : هيا نوضي
مرام تبكي وبس ناضت ومشو للغرفة وقعدو يستنو لين ركبو الطيارة جاد متعفلق وبس وكان الكراسي مش جنب بعض جاد كان قدامها بتلات مقاعد واما هي كانت التالي وجنب الروشن فتحت الروشن وكملت بكي بس بدون صوت دموع بس " أمي يا أمي أني .....
-