#طفلة_ولكن 🌹
-
منال تبكي طلعتلها الدكتورة
منال : بالله عليك طمنيني
الدكتورة نزلت راسها
سندس : كان جت في الولد قدر الله وما شاء فعل بس اختي كيف حالها
الدكتوورة شافتلها : اصبرو تمام كلنا ليها بس الجنين هي الي عاشت
منال طاحت ع الارض
سندس وخلود قعدو ينوضو في امهم ويبكو جو الممرضات رفعوها لحجرة وكملت الدكتورة مع احمد راجل منال
الدكتورة : بس البنت رح تقعد في الحضانة تحت العناية
احمد : كم تبي تقعد ؟
الكتورة : ع الاقل شهرين لانها ولدت بكري وفي الشهر السادس
احمد : ان شاء الله خير بس ممكن تقوليلي شن سبب موتها ؟
الدكتورة : صارلها نزيف مفاجئ واساسا انقذنا البنت بعد محاولات يعني كانت ع وشك الموت
احمد : الحمدلله انا لله وانا اليه راجعون شكرا دكتورة
صدره بدي يضيق ويحس كأنه يتنفس بصعوبة وبدت الذكرايات تشتغل في هالعيلة
خدي تليفونهواتصل بأيمن
-
ايمن : الو عمي احمد
احمد : اهلين ولدي كيف حالك ؟
ايمن : الحمدلله وانت ؟
احمد : الحمدلله ع كل حال ايمن اني نبي نققولك حاجة لكن نبيك تصبر تمام
ايمن : خير شن فيه
احمد : انا لله وانا اليه راجعون خولة اعطاتك عمرها
ايمن تجمد فتح عيونه : ك ك ك كيف !
احمد : كلنا ليها وهادي الدنيا فانية بس البنت عاشتلك اهو
ايمن : لا اله الا الله انا لله وانا اليه راجعون عمي توا نتصل بيك بعدين باهي
سكر ايمن وخلاص حس انه الدنيا ضاقت بيه خسر مرته والخوف الي مالي قلبه خايف يخسر اخته في نفس الوقت طلع الدكتور
الدكتور : الحمدلله ع سلامتها جتها رصاصة في كتفها وقدرنا نعالجوها
جاد : باهي يا دكتور وصغازي كيف حالهم ؟
الدكتور : كويسين ما صارلهم الشي الحمدلله
جاد : الحمدلله ❤️
-
بعد وقت كلهم روحو لحياشهم
-
ايمن مشي لحوش منال وقعمز جنبها
ايمن وشاد دموعه بالسيف : من شنو ماتت درتولها حاجة ؟
منال : لالا والله مستحيل ندير حاجة لبنيتي جيتها بنشوفها بالك تبي حاجة لقيتها قاصة عروق يدها ونزفت هلباا
ايمن : لا حول ولا قوة الا بالله ربي يسامحها وخلاص يا خالتي بالله عليك سامحيها
منال : مسامحتها دنيا واخره ما عندنا ما نديرو غير ندعولها ربي يرحمها
ايمن : الله يرحمها ان شاءالله
احمد : غدوا بيجيبو القيطون يا منال
منال تبكي بعبرتها : الناس ترمضن واني نبكي مقهورة ع بنتي
احمد : انا لله وانا اليه راجعون كلنا ليها وكان سألك حد قولي صارلها نزيف بلاش نقولو قتلت روحها ومن الكلام هذا
منال : ان شاء الله ان شاءالله
-
سنندس مضبطة خلود وسراج ( خوهم الصغير ) ويبكو
خلود : قصدك خولة معش بنشوفوها ؟
سندس تبكي وخلاص
سراج ناض لداره جاب صورة ورد عليها : الا اهي قاعدة اهني
سندس شبحتله وضماته في حضنها : ياربي ياربي
خشت عليهم منال : صغويرتي حبايبي
ضبطتهم
سندس : اختي يام اختي
منال تبكي وضامتهم في حضنها وخلاص وكانو يبكو بقلب ورب
-
بعد يومين
-
في المستشفى
جاد : هي نوضي ورد بالك تنيشي يدك
مرام : حاضر هي
قام جاد شنطتها وطلعو من المستشفى في السيارة
جاد : شن رايك نرفعك نفطرو برا ونضهورو ؟
مرام : تمام بس وين بنضهورو ؟؟
جاد : نفطرو بعدين ساهل
مرام : تمام
-
في حوش اشرف
اشرف : منذر علي شوفو الباب يخبط من بكري
منذر : باهي اهو بنفتح ( فتح الباب ) من انتي ؟
سارة : بوك وين ؟
منذر : ومن انتي ؟
سارة : نبي بوك اني
اشرف من الصالون : من ع الباب يا منذر
سارة سمعت صوته خشت تجري : تعرف ولا لا
اشرف نصدم : شن تبي انتي ؟
سارة : نبي الشركة
اشرف : ما عنديش شركة اني
سارة : ايه ايه ما تخلينيش نفضحك توا عند ولادك
منذر يشبحلهم ومصدوم
اشرف : تعرفي كان ما تطلعيش برا الحوش بنقتلك
سارة : جرب اقتلني تراه
اشرف : اطلعي برا
سارة : اسمعني كويس اني حامل بولدك يعني يا اما تكتبلي الشركة بإسمي يا اما نمشي نرفع عليك قضية وطبعا انت عارف في القانون رح يغصبك تتزوجني
اشرف : كذابة
سارة طلعت ورقة : هههههه اهي الورقة اقرا شن فيها وطبعا كتبت رقمي الجديد بش تفكر اما الي تبي قضية تغصبك ع الزواج ولا شركة برضاك
اشرف ضحك : وكان تزوجتيني اني راجل في اخر عمري راه والشركة تقاعدت منها سجلتها بإسم ولادي يععني لا اني نقدر نعطيك شركة ولا انتي ثورتي مني قرش يعني خاسرة في الحالتين
سارة انصدمت : نعم ؟
منذر : ممكن حد يفهمني شن صاير ؟؟
سارة بلعت ريقها : رح ناخدها منكم
اشرف : في احلامك
طلعت سارة بغيض
منذر : بوي ؟؟
اشرف : هادي وحدة ورطتني في مشاكل تبي تاخد مني الشركة
منذر : وايـ...
طقطق الباب
اشرف فتح : قتلــ.. ااه اية اهلين
اية صانعة دموع : خالي اشرف
اشرف : شن صاير شن فيه ؟؟
اية : ما سمعتش مرام ماتت ؟
اشرف حس زي الي مية مصقعة انصبت عليه تجمد في مكانه : م م مرام ؟
اية ع اساس تبكي : اها ودايرين العزي في حوش منال
اشرف : بنتي كيف علاش خش خدي مفاتيحه وطلع مشي للعزي (حشاكم)
منذر اضايق لكن استغرب بس علاش استغرب ؟
-
في الكافي
-
مرام : حلو فطورهم
جاد : ههههه صحتين
مرام : ع قلبك
جاد : اسمعي بنقولك حاجة بس نبيك تستهدي بالله تمام ؟
مرام بإستغراب : علاش ؟
جاد : خولة بنت خالتك
مرام رفعت حاجبها : خيرها ؟
جاد : عطاتك عمرها
مرام نزلت حاجبها وفتحت عيونها : ك ك كيف ص ص ص صار ؟
جاد شد يدها : كلنا ليها واستهدي بالله
مرام نزلت دمعة من عينها : لا اله الا الله انا لله وانا اليه راجعون
جاد : ما بيدنا غير الدعاء ليها
مرام : نبي نمشي لحوش خالتي
جاد : تمام كملي فطورك ونمشو
مرام : لالا معش عندي نية نبي نمشي
جاد : اوك تمام نمشي نخلص ونرجع
مرام : تمام
ناض جاد وهي فتحت تلفيونها
مرام : الو
سندس : اهلين مرمر
مرام : سامحيني توا كيف قالي جاد كنت راقدة في الستشفى راه
سندس : نعرفو اصلا امي قالت ما تقولولهاش لين تتحسن
مرام بدت تبكي : عظم الله لكم الاجر ان شاء الله ربي يعوضكم خير
سندس :....
-
#يتبع
أنت تقرأ
طفلة ولكن ...
General Fictionكنت مجرد طفلة ! فأصبحت عروس ، مشقة الطريق للوصول للاطمئنان كان طويلاً. لقد كانت العوائق في طريقي هي نصف العائلة. ولكنني نجوت ♥️
