طفلة ولكن ...

8

أيمن : ايوا حبيبتي نوصل نكلمك تمام ؟؟
خولة : تمام دير بالك ع روحك
أيمن : حاضر
-
في حوش تاني ملئ بالندم والحسرة " مرام " تتمنى لو يردها الزمان وما تتكلمش شي لو ع الاقل نتبهت لخروج اميرة بس ما ينفعش حاولت انها تصلح كل شي ما قدرتش
نشرت الحوايج الي كانو في الغسالة بعد ما كملت الكوجينة وخشت داره الي بيوليلها الليلة بدت تضم فيها وبين هذا وهذا جبدت الي تحت السرير ...!
-
جاد خش ع امه وخواته مقعمزات
رهف : خالووو
جاد : اووو فوفا شجو
رهف : ههه تمام وانت
جاد : تمام ، وخش للمربوعة ، السلام عليكم
كلهم : وعليكم السلام
هديل : جوديييي استااحشناااك
جاد : جيت في وقت المصلحة بالزبط
هديل كانت مضبطاته دفاته : امشي امشي والله استاحشتك بس وغايب ليك ستة شهور شن تبي ندير
عائشة : ايه استاحشاتك لامس وهي تراجي امتى تروح ، وبعدي عليا خلي نشوف ولدي
هديل : ههههه باهي
هاجر : حمدلله ع السلامة وين هالغيبة بس
هند : ومرتك خليتها بروحها
جاد : اهو رجعت ماهربتش اني وكان ضغط خدمة قعدت وحتى بنولي بعد تلات ايام
عائشة : حييييي اما تلاتة ايام والله كان ما قعدتش اهني تلات اسابيع ما عاد ولدي ولا عاد تعرفني
جاد : يـاا..
عائشة : لا يام لا شي توا تتصل بيهم خدوك ستة شهور نبي نشوفك حتى اني ونشبع منك
هند : ايه والله حتى ولدي ما حظرت ميلوده اقعدلنا هالاسبوعين ع الاقل
جاد : تمام باهي توا نتصل بيهم ونشوف اني مروح تعبان نمشي ندوش ونرقد شوية وبعدين نجيكم
عائشة : تمام وليدي ❤
-
كملت ضمانها في الدار ....!
خش للحوش لقاه نظيف يلمع والشمس خاشة من كل روشن فيه والهدوء خيالي وريحة الحوش بخور وركب فوق ولان المكان هدوء فكانت خطواته مسموعة ..!
مرام سمعت خطوات تمشي في الحوش خافت يكون خانب حد اعتدى عليها لان ديما يشرينو حتى لو الباب مفتوح " لكن المرة هادي غير " وقفت من ع السرير وجت جنب الباب ونادت بصوت مش عالي هلبا : هديل ؟ ، ما لقتش ايجابة عاودت نادت ، ماما عويشة ؟ فيه حد برا ؟
جاد ومش بقصده يخلعها فتح الباب بقوة ومرام عيطت وقفت لحظة صمت للاتنين ...!
جاد : أني روحت !
مرام : ءءء حمدلله ع السلامة
جاد : الله يسلمك اسف اني خلعتك
مرام : لالا عادي
جاد كان يشوف فيها " خيرهم عيونها متورمات واضح كانت تبكي " : فيك شي ؟؟
مرام : كيف يعني " حسيته فهم "
جاد : كنتي تبكي !!
مرام : لالا غر كنت راقدة " قصدي مقهورة "
جاد : اوك تمام صح النوم
مرام 😊 : الله يسلمك
جاد : اني بندوش ونرقد وداري حسيتها مش مضمومة
مرام : هااا ءء ايه كنت بنضمها في الليل بس انت سبقتني
جاد : اها تمام مش لازم تضميها توا نضمها اني بس تعبان بنستأذن منك بنرقد اهني
مرام : خود راحتك ، كانت طالعة شدها من مرفقها ، خير !!!
جاد : اسبوع الجاي بنسافرو شهر عسل نبيش حد يشك فينا ارجوك
مرام : اوك تمام 😊 وين بنمشو !!
جاد : وين تحبي تسافري ؟؟
مرام : اني ؟؟
جاد : ايه اي دولة حاضر
مرام : عادي مش لازم تعب روحك
جاد : ايه بعدين في الليل نفتحو نت وشوفي اي بلاد تعجبك ونمشولها
مرام : حاضر " اااه يا ريتني ما نطقته هذاك الكلام ياريت يرجع بيا الوقت "
جاد : يحضرلك الخير
طلعت مرام لحوش أم جاد وخش جاد يدوش
-
طارق : شن قالولك
أميرة نزلت راسها : ولد
طارق : هههههههه ياربي ❤😍
أميرة ضحكة لفرحته وشرين فونها
صوت مرا : حي عليك حي
أميرة 😶
المرا : مش حتتهني في حياتك يا مرام
أميرة : شششـ..
طووط طووط
-
طارق : خيرك ؟؟
أميرة : ها ءء شنو شي شي
طارق : اميرة كان فيه حاجة قولي ما دسيش
أميرة : لالا فيش شي غر نبي نمشي لمرام قتلي تعاليلي
طارق مش مطمن بس ما حبش يضايقها : تمام هي نمشو
-
سندس : اسمعي سلسبيل
سلسبيل { صاحبتها } : ايوا
سندس : شديري
سلسبيل : نكلم في الحب
سندس : ااااه ياربي العقبا ليا نقولهالكم
سلسبيل : امين بش نفتكا من كلمة سلسبيل كل دقيقتين
سندس : امشي يا حيوانة
خشت عليهم خلود : نقوللكم سر
سندس وسلسبيل : شنو
خلود : خولة تحب واحد
سندس 😳 : منو
خلود : اسمه مينو بس نعرفاش
سمعو صوت منال تعيط
منال : هاتي التليفون قالت حبيبي قال هاتي النعي
خولة : شوية باهي شوية بس
منال : اما شوية ، جبدت التليفون ، الو منو انت ؟؟
أيمن : اني ايمن يا خالتي منال
منال : شنو ايمن ؟؟؟
ايمن : ايه ايمن ولد اختك المرحومة
منال : كنت نقول انت الي بتخاف ع بنتي لقيتك انت الي تتمعشق فيها
ايمن : باهي هي جتني بروحها شن تبيني ندير اهو طاحت فيا خير من طيح في براني
منال : شن تقول انت ؟؟
ايمن : ههههه اسألي بنتك هي سلام ، سكر التليفون ،
منال : شن قصده بطحتي فيه ؟
خولة وتبكي : شن شن قصده ؟
منال : شن قصدده تكلمممي
خولة : يام خلاص خلاص هوا وعدني نتزوجو
منال : انتي تبي هذا الحيوان ؟؟ انتي تبي تتزوجي راجل يذلك طول عمرك ؟؟ قولييي
خولة : الي صار صار
منال : امتى صار ؟؟ كيف كنت غايبة وما نعرفش ؟
خولة : باهي نقولك بس اهدي
منال : لا تكلمي هكي
خولة : باهي لما مشيت لمرام
منال : ايه
خولة : لقيته هوا قدام الباب يراجي فيا
منال : ايلكن انتي وياه متفقين مش بروحه جاك
خولة : بس بنشوفه من بعيد والله
منال قريب بتتفجر : ايه
خولة وعيونها شِلَال ووجها احمر : ايه بعدها قالي ندورو ونجو لكن صار الي صار
منال : غدوا غدوووواااا بتمشيله من غير عرس يا بنت الكلب ماعاد نبيك تعفسيلي حووش فاهمة ولا لا
خولة : خيرك يا ماما
منال : معش تقولي ماما لاني لا نعرفك ولا تعرفيني
خولة : لالا
منال مشت وسكرت الباب بالمفتاح وخدت كل شي منها ومشت تتصل بـ...!
-
هند : مرام !!
مرام : نعم ؟
هند : بنطلعو اني وامي وهاجر وهديل بنمشو لقريبة راجلي جايبة
مرام : اها تمام اني جيت شوية وبنروح
هند : لالا عادي تقدري تقعدي اهني في الحوش هذا بس نبي حد يشدلي ولدي ورهف بنرفعها معاي
مرام : خليهملي الزوز اصلا بنكسد اني
هند : ما نتعبكش ؟؟
مرام : تعبك راحة خلاص وقت انتو تطلعو نرفعهم معاي لحوشي وتروحي تلقيهم غادي
هند : تمام صحيتي
مرام : مش حاجة كبيرة بس لو جيتي ونفتحلكش الباب معناها رقدنا زي المرة الي قعدت رهف معاي
هند : هههههه تمام
مرام ههههه تمام مالا
-
خش لداره حط يده تحت السرير وطلع الصندوق بس ....!
جاد " كييف كيييف ان شاء الله غر مش مرام الي شافتهم ياربي كان شافتهم مش حتسامحني بكل "
وشرين الحوش !! رجع الصندوق لمكانه بسرعة ونزل يفتح الباب
طارق : ميرال ، انفتح الباب ، اووه جاد
جاد : اهلين طارق كيف حالك ؟
طارق : الحمدلله تمام وانت عاش من شافك ههههه
جاد : ههههه تعيش تفضلو تفضلو ، شاف لاميرة ، اهلين كيف حالك ؟
اميرة : الحمدلله وانت ؟
جاد : الحمدلله تفضلو خشو
طارق: وين مرام مالا
جاد : مشت لحوش امي توا ناديها ونجي
طارق : تمام هي
-
الباب الي ينفتح ع حوش مالي جاد بعده جنان وفيه درجيحة وكانت ع الدرجيحة مرام وشادة ولد هند لكن ..!
مرام تتكلم مع علي ( ولد هند ) : اني عارفة محد حاس بيا في الدنيا هادي علاش هكي يصير فيا علاش الناس تعامل فيا بقساوة واليوم يا علو اليوم زاد نكسر قلبي يعني كان ما تزوجتش شيباني نتزوج واحد يحب وحدة تانية ونكدب ع خوتي نقوللهم يجي الليل يطلع الفجر ونقول لامه يتصل بيا تعرف كذبت حتى ع روحي لما قلت حنتزوج واحد يحبني وكدبت ع روحي لما قلت أنه وقت يجي ندير كل شي ع انه يسامحني بس عرفت انه هوا دار هكي لانه يحب بنت تانية دار هكي لان مش مرغوب بيا في ولا مكان في الدنيا هادي لكن يا عليوا صدقني نحبك انت واختك مدام مافيش حد فاتحلي قلبه في الدنيا ويحبني هلبا نبيك تحبني وحتى انت اصلا ماما تحبك وخالتو ونانا وحتى عماتك وحتى مرت خالك يا روحي
-