طفلة ولكن ...

9

باقي كلام مرام : وحتى مرت خالك يا روحي وثق وتأكد اني حنحبك ديما 💜
وقماته في غمرها وجاد كان يبي يوخر بش ما تعرفش انه كان اهني بس ضرب الحديدة بدون قصد تلفتت مرام بصدمة وشافت لقاته جاد وجعتها كيف يراقب فيها ديما ويسمع في كلامها من دون ما ينبهها بوجوده ناضت من الدرجيحة وقامت علي معاها مشت بإتجاهه لين وصلت جنبه
مرام : كان نبيك تعرف راه جيت قلتهولك الكلام قدامك بس قلته في مكان بروحي وياريت لو معش تتسمع شن نقول طلبي الوحيد هذا
جاد : ءءء
مرام : تم اتفقنا !!
جاد : تمـ ...
مرام مشت وتجاهلاته
-
اشرف بأعلى صوت : نااااااهدددد ( السكرتيرة )
ناهد جت تجري : نعم نعممم
اشرف : علاش الدنيا مقلوبة ؟؟ شن وظيفة حضرتك ؟؟؟
ناهد : عفواً سيد اشرف بس أنــ...
اشرف اني طالع عشرة دقايق نبي كل شي مرتب ، وعلا صوته ، فاااهممة ولا لا
ناهد : تم حاضر
اشرف وقربع وراه الباب
ناهد : سترك ياربيي
وبدت تلم في الاوراق وطاحت ورقة من بينهم لتحت القجورة وما انتبهتش ...!
-
أيمن : مش حنتزوجها زي ما طلعت معاي تطلع مع غيري ههههه
منال : الكلام هذا كله لبوك باهي وكان ما تزوجتهاش بالغصب الا ما نفضحك عند الناس كلهم ما زلت مش مجرب شرّي راه
أيمن : خير يا معلم هههههه مرتي حتكون متربية اسفين
منال : انت تربى قبل بعدها قول مرتك متربية
سكرت عليه الخط ..!
أيمن " اني لازم نهرب قبل لا يشدني بيها بوي "
-
مقعمز جنبها ويمتلو فيلم انهم زوجين سعيدين قدام خوها ومرته
مرام " تعبت من المجاملة "
جاد " محلاها البنت والله "
اميرة " يا حلاهم "
طارق " واخيراً شفت اختي تضحك وفيش حد يضايق فيها " : هيا أميرة ليل وغدوا عندي نوضة بكري
أميرة : تمام هي
مرام " لا غر زيد اقعد كيف بنقعد معاه هذا بروحي " : خيركم بكري مزال
أميرة : لالا هذاك هوا من بكري نهدرزو وغيرنا جو
مرام : ههههه ايه " للحظة نسيت جاد انه معانا شن بندير تعودت اني ديما بروحي " بنولي عمة لولبد حتى اني 😍
أميرة : احممممم هيا ميرال تعالي
مرام : خيرك تحمحمي اللطف راجلك هذا راه
طارق وجهه انحمر من الحشمة : هيا جاد نتلاقو مرة تانية
مرام استاكت 😳 : اعطيني نلبس لميرا
اميرة : هههه هاك
مرام : حبيبة عمتها تعالي نلبسك هي
أميرة شبحت لطارق وضحكو الزوز لبعض : 😂
-
رجع اشرف لمكتبه دار دورة في الاوراق وطلع للحوش
-
....: الوو !!
أميرة : الو منو ؟؟
....: قرب يومك يا مرام
أميرة : منو معاي
....: ههههههه { ضحكة خبيثة وسكرت الخط }
أميرة : منـ ... طووط طووط
طارق وهوا يسوق : منوو ؟؟
أميرة : ما نعرفش
طارق افتح فونه وفتح ع الارقام : اكتبي الرقم اهني
أميرة : فكنا منها ناوية الشر
طارق : اكتبي وما تناقشينيش بالله عليك
أميرة : تمام حاضر
كتبت الرقم وعطاته ...!
-
أشرف : ولدي ما يديرهاش مربيه احسن تربية اني
منال : والله اني بنتي ربيتها وانت ولدك ربيته يا اما يتجوزها يا اما نفضح بيه عند الدنيا كلها
اشرف : استهدي بالله كل شي ليه حل ما تقوليش تفضحي اني توا خاش للحوش توا نكلمه
منال : هوا قالهالي بلسانه بيتجوزها يبي ولا لا
اشرف : ان شاء ان شاء الله
وسكر الخط ...!
-
سامر ( صاحب ايمن ) : أيمن
أيمن : نعم
سامر : شن مداير من عملة ؟
أيمن : ههههههههه هي عملة كبيرة بس والله من الاخير
سامر : احكي احكي
أيمن حكاله كل شي
سامر : وفرحان بيها ؟؟
أيمن : ايه طلعت خفيفة عرفت طينـ..
سامر : انت ما عرفتش طينتها انت جريتها ليك انت الغالط ما نشوفش فيها غالطة اني
ايمن : تي فوت يا راجل هارب من بوي بيغصبوني عليها واني ما نبيش نتجوزها
سامر : غدوا الصبح تكون مدبر وين تبات ما تقعدش عندي
ايمن نصدم : شن شن شنو ؟؟؟
سامر : الي سمعته اني عندي خوات انت بنت خالتك هكي درت فيها معناها لا اخت صاحبك تعرفها ولا شي سامحني وقت تتجوزها وتعقل مرحبتين بيك اما هكي لا ما يشرفنيش اصلا
ايمن : حوازتك والبيتان خليه عندك تمام اني ماشي هي نسحابك توقف معاي لكن
سامر : الله غالب
ايمن خدي مفاتيحه ودجاكته ومشي متعفلق
-
هند : باهي انت نايض جيبلي ولدي
جاد : تمام بس اسمعي
هند : نعمين
جاد : جهاد مختفي شفتاش بكل
هند : جهاد من بعد ما مشيت باربعة ايام سافر ولليوم ما روحش
جاد : علاش ؟؟
هند : قال يبي ينسا بنت حبها ويتجوز من غادي
جاد : عندك رقمه ؟
هند : ايه توا نبعتهولك
جاد : تمام انراجي فيك وانتي بري للحوش توا نجيبه ولدك لغادي
هند : تمام ، مشت وهوا خش ركب لدارها طقطق ما ردش حد فتح الباب ❤
جاد حرك يده ع شعرها شوية وبعدها قال بتوشويش : سامحيني سامحيني بس ظلمتك معاي
خدي الولد ورفعه لهند وروح ورقد
-
خش منذر للحوش وكان الحوش مظلم
اشرف : ايمن وين ؟
منذر : شنو ؟
اشرف : مافيش داعي نعاود سؤالي مرتين
منذر : والله ماني عارف وينه
أشرف : اتصل بيه توا
منذر : حاضر هي
الماكينة : الرقم المطلوب مقفل الرقم الملوب مـ..
منذر : تليفونه مسكر
اشرف : الكلب هذا ( حشاكم ) اركب ارقد وقت يروح قولي
منذر : تم حاضر
-
الصبح ✨
هديل بتحمس : مرااام
مرام : اني اهني ووطي صوتك خوك راقد
هديل : ههههههه يا خيتي سلمها الي تبي تخلي راجلها راقد
مرام : خاطرك في طريحة شكلك
هديل : هههههههه
جاد نزل وسمع ضحك في الكوجينة كان يبي يتسمع بس تذكر كلام مرام مشالهم وخلاص
هديل : باهي شوفي هذا لازم نراجعوه كويس
جاد : صباح الخير
هديل : صباح الورد
مرام : صباح النور ، جاد بما انك نضت نحطلك فطورك ونمشو للامتحان
جاد : عندك امتحان ؟
مرام : ايه مزالي اربعة امتحانات ونكمل المدرسة بكل هههههه
هديل : ونبدو في الجامعة
مرام : لا
جاد كان مبتسم وطول تغير : لا بتقري جامعة
مرام : بوي وخوتي يقتلوني
جاد : اني شريتك وانتي في ذمتي معش في ذمتهم وكلمتي هي الي تمشي لا بوك لا خوتك ما حد يقدر يقرب عليك
مرام : بس ..
جاد : كلامي وقلته بتقري يعني بتقري
مرام : ان شاء الله خير
جاد : هديل كنت نسمع في امك تنادي فيك
هديل : جديات ؟
جاد قرصها من ايدها ومرام عاطية بظهرها : ايه
هديل : اااه تمام
طلعت هديل
جاد : مرام !!
مرام : نعم
جاد : نبيك تقري الجامعة لمصلحتك اني
مرام : ايه عارفة بس بوي ..
جاد : تبي نوريلك عقد الزواج ؟؟
مرام : عارفـ..
جاد : انتي مش عارفة مدامك مستمرة في العناد
مرام : خايفة مش نعاند
جاد : اني ما زلت عايش راه
مرام " للحظة حسيت اني في امان " : ربي يطول في عمرك
جاد : اجمعين حق وين قررتي نسافرو
مرام : خاطري نمشي للوس انجلس { في امريكيا }
جاد : تم يقعدش في خاطرك انتي امتى تكملي امتحانات ؟
مرام :بعد غدوا اخر يوم
جاد : تمام
خشت هديل : بنقاطعكم لكن وقت ع الامتحان راه
مرام ايه تمام هي نشوفك بعدين
جاد : موفقات
الزوز : شكرا
-
في بلاد تانية فيها العاشق الولهان جهاد
-