طفلة ولكن ...

4

جهاد : وحق ربي ديره في البنت بيرجع لخواتك يا اما خليها يا اما خليك قدها
جاد : وكان طلعت زي الخاينة هادي ؟
جهاد : علاش خواتك زيها ؟
جاد : حشاهم لكن ....
جهاد : خلاص معناها مش كل البنات زي بعض والبنت ماليهاش ذنب في شي صارلك
جاد : باهي باه فوتني
وتلفت عالجيهة التانية بيرقد
جهاد : رد بالك تخليها تتحسب عليك عند ربها حي عليك بعدين راه
جاد ما داوراش ورقد
-
تاني يوم الظهر
عائشة : تعال شد هاذو
جاد : باهي هيا
هديل : هيا هي
-
عند مرام
طارق : ايه استاحشتك يا الحنينة
مرام ضبطاته : حتى اني هلبا ، حق هيا بيجو هديل وامها تعالي وتي روحك
اميرة : باهي هي لينا تعالي
فات الوقت وجو هديل وامها وجاد الحوش ما كانش فيه الا اسماعيل ويوسف وطارق ومرام واميرة وبناتها وفتحو الموضوع ع مرام
عائشة : واني يا بنيتي نحطك في عيوني وفي نفس الوقت تسكني جنب صاحبتك ولما تبي تكسدي تعالي لحوشي تبي تطلعي قوليلي ونقول لجهاد يطلعكم انتي وهديل
هديل : يام مرام تعرفه هذا كله من غير ما تقولي
عائشة اهو نأكدلها
مرام : ان شاء الله يا خالتي
هديل وصلها مسج من جهاد { خلو جاد يشوف مرام بش يتقبلها ولا يرفض وما يظلمش البنت } ردت عليه { تمام }
هديل بهمس لامها : قوليلهم جاد يبي يشوفها
عائشة هزت براسها بمعنى باهي : ايه ولدي يبي يشوف عروستنا
مرام : نزلت راسها
اميرة : باهي هي دقيقة نوضي مرام وبعتت مسج لطارق { جاد يبي يششوف اختك يعني شوف الجو خمسة دقايق وتجي }ا
-
طارق شافها وقام راسه
طارق : باهي يوسف واسماعيل شوفو السيارة برا تلقو صندوق نزلوه
يوسف : تمام
ناضو وناض معاهم جهاد وغمز لطارق فهم طارق
وفات شوية
-
مرام : السلام عليكم
جاد وطارق : وع السلام
طارق وقف : نخليكم براحتكم توا
جاد تحشم مرام مدت القهوة لجاد وخداها وقعمزت وقعدو ساكتين لحظة صمت لارواح الشهداء وقص السكوت
جاد : كيف حالك ؟
مرام : الحمدلله وانتَ ؟
جاد : في نعمة الحمدلله ، مرام ياريت تعدريني نخدم اسبوعين واجازتي يومين بس نمشي للصحراء ونجي وانتي عارفة النفط كيف يخدمو
مرام : ربي يعاونك ان شاء الله
جاد : اجمعين ، والعرس بوك عاطيني مهلة شهر ونص بس وحنديرو عرس ولو احتجتي اي شي كلميني
مرام : شكرا
جاد : خليني اخر رة نسمعها
مرام ما فهمتش وقامت راسها : ما فهمتش
جاد : قصدي انتي بتولي مرتي طبيعي بنلبي حاجاتك فما تقعديش تشكري
مرام ابتسمت : حاضر
جاد نقدرو نقولو طاح ع وجهه بعد الابتسامة ومع ان مرام جميلةة جداً : يحضرلك الخير
وفات الوقت شوية وهدرزو وطلعت رام وروحو مع المغرب
-
في حوش هديل
جاد : ياريتني عرفتها قبل اسراء
جهاد : اووووه الباين عجباتك
جاد : هي حلوة والله لكن ما تعرفتش عليها مزال
جهاد : ههههههه عندي رقم خوها وقت تبي تكلمها استأذن منه وكلمها منه
جاد : وعلاش مش من تليفونها
جهاد : سمعت هديل قالت لامك ما عندهاش تليفون
جاد : عادي بعد يوافقو توا نشريلها
جهاد : الباين خونا طاح ع وجهه
جاد : حول من قدامي وراي خدمة
جهاد : ههههههههه وطلع من الدار
-
عند مرام
اميرة : يهبلوو
طارق : حتى هوا راجل راه
مرام ساكته ولا كلمة بالاصح سرحانة في عالم تاني
يوسف : وشن راي المتحشمة هادي
اسماعيل : ههههههههه حدف عليها المخدة
مرام : ها ها نعم
اميرة : الي واخد عقلك يتهنى بيه
مرام : علاش شن صار
الاولاد : ههههههههههه
طارق : وين كنتي توا
مرام : شن وين كنت
يوسف : البنت خشت بعضها يا بنتي قصدنا شن رايك يه هل انتي موافقة
مرام شافتلهم وفاتحة عيونها : من امتى بديتو تاخدو في رايي
اسماعيل : من توا
طارق : وكان ما تبيشي قولي ما تبيش وناخدك نسكنك معاي ما حد دخله بيك
مرام : جديات ؟ وبابا ؟
اميرة : شوره ما عجبهاش
مرام : مش هكي قصدي عجبني بس اكبر مني بـ 16 سنة
يوسف : الي وتيتي روحك ع خاطره كم عمره يعني ؟
طارق : اسكت انت ، مروم وخيتي العمر مش فارق في شي
مرام : يوسف عنده الحـ..
طارق : اني اكبر منك بعشرين سنة وعادي واكبر من مرام بحداش سنة عادي الاهم انك ارتاحتيلة او لا ؟
مرام : هوا كويس ومحترم حتى لما هدرز مش عارف حسيته مناسب ليا
طارق : يعني ؟
مرام : ايه باهي موافقة لكن عندي شرط
طارق : اشرطي
مرام : نبي نكمل قرايتي وندير عرس زي اي بنت وانت عطيني فلوس ولما نخدم نردهملك
طارق : اصلا اني واسماعيل بنديرولك عرس زي الناس
مرام وقفت : جديااااات ؟
اسماعيل : كم عننا مرام احني
طارق : هههه راس مرام وانعنا ما نفقدوها
ضبطتهم مرام وقريب طير من الفرحة
وكملو هدرزة
-
جاد : اني طالع يام
عائشة طريق السلامة يا ولدي
طلع جاد وطول الطريق يفكر في تفكير سلبي اتجاه #مرام اما عند مرام تكت ع مكانها وتفكر في تفكير ايجابي اتجاه جاد بس قلبها يقوللها حتى لو طلع سلبي اساساً تعودتي عشتي حياتك بشكل سلبي مش ايجابي نهائي وعقلها يقول خليك قوية وهوا كويس وحيكون احسن من بوك وخوتك اما تفكير جاد كان قلبه يقول البنات كلهم زي بعض معش تجرحني اما عقله يقول هي بنت احسن من الي كنت تحبها حتحبها حى انت
وكمل تفكيرهم ع هذا النحو وصل جاد للشركة وخش رقد في حجرته ومرام خداها النوم ورقدت
-
ثاني يوم الظهر
.
اميرة : ع خير ان شاء الله
عائشة : تمام لما يرجع جاد من الخدمة ان شاء الله نديرو التلبيسة ونحددو تاريخ العرس بالضبط
اميرة : ان شاء الله خالتي هيا ما نعطلش عليك
عائشةة : تمام سلامات
اميرة : سلامات
-
في المدرسة
.
هديل : ميمو روحي معاي
مرام : طارق امس جو ومستاحشتهم نبي نمشيلهم
هديل : ايه صح تمام نوصلوك ؟
مرام : لالا جاي هوا
هديل : تمام ردي بالك ع روحك
مرام : ان شاء الله سلام
هنادي : سنة بش تطلعي
هديل : سلام طلعت من باب المدرسة
هنادي : خيرك ما تقوليش
مرام : ع شنو
هنادي : انخطبتي واني ما نعرفش
مرام : كله صار بسرعة
هنادي : بتولو انتي وهديل قراب ع بعض
مرام ما تسحابهاش غايرة : ايه والله جو ياريتك جنبنا
هنادي بصوت واطي هلباا : كان مش منك كنت جيت اني بدالك
مرام : علي صوتك
هنادي : قتلك لالا نبيش
مرام : هديل عندها خو اسمه جهاد لخبطيه
هنادي : لالا صغير
مرام : صغير عينك اكبر منا بعشر سنين ولا اكثر
هنادي : هههههههه ما يتلخبطش كان هذا لخبطه من زمان
مرام : اممم ايه صح
هنادي : اني بوي جي هي سلام
مرام : تمام سلام
وقعدت بروحها مقعمزة وخش طارق للمدرسة
بنت : حي عالطررف
بنت ٢ : يا والله ع الستايل
بنت ٣ : زعما استاذ جديد
البنت ١ : لا ما اعتقدش
البنت ٢ : حي شوفي يكلم في مرام
البنت ٣ : يا بختها بالله
البنت ١ : والله
.
طارق : يا هلا بالدجاجة 😂
مرام : اني دجاجة ؟؟؟؟ 😡
طارق : واحلى دجاجة 😂
مرام :باهي باه 😡😡
-
عند هديل
جهاد : شن جو صاحبتك
هديل : من صاحبتي
جهاد : هنادي ولا مرام مش عارف اسمها
هديل : هنادي كويسة
جهاد : باهي دوم عليا
هديل استغربت بس ما بتش ....