طفلة ولكن ...

6

اسماعيل : مرام من هادو البنات
خولة : صباح الورد احني بنات منال كانش انت ايمن ولد خالتي سالمة
مرام : بنات خالتي منال ويا خولة هذا موعا مش ايمن
سندس بصوت واطي لمرام : خوك طرف
مرام بدون ما تحس : عهههههههههههههههههه شكله شي واسلوبه شي لكن دخيل قلبه
اسماعيل : بسم الله الرحمن الرحيم شن جاها البنت
سندس : هههههههههههه فضحتي بينا اسكتي
مرام : خهههههههه موعا خاطري في شكلاطة
اسماعيل : وين خالتي بالله بنقوللها هبلات وتلاقو
خلود بدلع : موعاا
مرام وسندس وخولة فنصو
اسماعيل : يا عيون موعا
خلود بدلع : نبي شكلاطة 😇
اسماعيل : من عيوني كم عندنا .... شن اسمك حق
خلود : ايه كم عندك خلود انتو
اسماعيل : خههههه كم عندنا خوخا احني
خلود بدلع : ربي يحفظني وخلاص 😚
خولة : خلوووود
سندس : شكلها الفرخة تحب
مرام : اني عرسي اليوم وما نعرف شي
خولةة : نعععم
اسماعيل : اسم الله خيرك شن جاك اللطف ياربي
مرام : والله حبيتك 😍😂 انتي اختي مش بنت خالتي بس باهي
سندس 😂😂😂 ايه اختك وتوأمك
مرام : تعالي لداري احسن 😂😂
خولة : واني ؟
سندس : العبي مع خلود واحميدة
خولة : تفي عليكم
مرام : هههههه هيا تعالي
طارق : وين انتي وياها
مرام : بنركبو لداري
منال : باهي يا بنياتي انتو خوات راه ماليكمش غير بعض وسندس وخولة وتو ارواحكم بنطلعو نشرو قفاطين لعرس مرام
خولة : حرام صغيرة
منال فنصت فيها : نصيبها كاتبلها توا الله غالب ما نقدروش نعترضو ع حكم ربي
خولة ؛ الحمدلله
مرام : نجي معاكم ؟؟
منال : هيا تعالي عادي مش معطلين احني
مرام : طارق بابا مش حيقول شي ؟
طارق : اميرة نوضي حتى انتي معانا
اميرة : لالا خليني نضم اني واصلا البنات نبيش نخليهم بروحهم
مرام : لالا جيبيهم نشدوهم احني
طارق : تعرفي بوي نبي يقول ان البنت عندنا في الشقة
اميرة : اها اوك مالا هي
منال : هيا يا بنياتي وتو رواحكم بسرعة
طلعو البنات وطلعهم طارق واسماعيل ويوسف كان راقد بعد ساعتين
-
اشرف : يوووسف يا يوسسف
يوسف نخلع من نومه : نعم نعمم
اشرف : وين مرام الي اليرم عرسها وين ؟
يوسف : ماهو تشوف فيا راقد وين نندري كلم اسماعيل وطارق
اشرف : توا نوريكم يا كلاب
يوسف : قصدي هادو اخر يومين في حياتها تنوض فيها من النوم وهي في حوش بوها ارحمها هاليومين بس
اشرف : قتلت امـ ...
يوسف : بتعاودلي الشريط هذا امي ماتت بقدر الله ما قتلتهاش مرام واصلا هي بسبب مرام مشت للجنة بدون حساب ولا سابق عذاب تخيل يعني
اشرف : اما خير تقعد معاكم ولا تمـ ...
يوسف : ياربي صبرك بسس ع فكرة بتتزوج مرام وبنقلب وجهي طارق شري حوش بنعيش معاه غر نسقد البنت ونتهنى عليها بس
اشرف : تريحني من وجهك 😒 وطلع وقربع الباب وراه
-
اسماعيل : كملتو ؟
ومرام تسكر في باب السيارة : موعي نخلوهم يروحو بس اني نبي كريمات وصناني ما عنديش بكل
اسماعيل : باهي عندك محل ولا نرفعك لصاحبي
مرام : نبي صيدلية اني ناخد من غادي كريمات وصناني ناخد من صاحبك باهي
اسماعيل : تدللي كم عندنا مرام احني
مرام : ربي يحفظك ليا يارب ❤️😍 عقبال نفرح بيك 😉
اسماعيل ☺️ قريب قريب
مرام : اوووه ههههه من هي هادي
اسماعيل : كان صارت حاجة بيناتنا نقولك اول وحدة باهي
مرام : غر قول هيا
اسماعيل : وعد تقوليش لحد
مرام : من امتى نعاود اني
اسماعيل : خليها لما تصير حاجة
مرام : زعلت اني 😞
اسماعيل : اهي صيدلية انزليلها
مرام : خززي
اسماعيل 😆 ههههه
-
طارق : هيا تفضلو للحوش { تلفتت للورا يراجي في اسماعيل ورجا عشرة دقايق ما جاش }
اميرة وهي داهشة : بوك يدور في مرام قالب علينا الدنيا
طارق : وين اسماعيل هذا تعرفي قوليله مع طارق قاعدة تساوي في شنطتها واني بنبعد من اهني بش ما يشوفنيش
اميرة : تمام {خشت قابلها اشرف } عمي طلعت نشوف فيها ما لقيتهاش لكن سمعتها في السيارة قتله نبي نضم شنطتي في الشقة وبتجي مش معطلة
اشرف : اقلبيلي وجهك
اميرة بتوتر : حاضر
-
بعد ساعتين
طارق : اهما ونادا ع اسماعيل
مرام تلفتتله
اسماعيل : ما تنزلي شي
مرام : ردت حاجاتها في السيارة
طارق : وين مشيتو
اسماعيل : البنت تبي حاجات زيها زي اي بنت عروسة
طارق : مرام احني وين كنا ؟
مرام : وين ؟
طارق : في الشقة تساوي في شناطيك
مرام : تمام
اسماعيل : اعطيني مفاتيح الشقة نحطلها حاجاتها بحدا بضاعتها ع الاقل كان صار تفتيش ما يلقا شي
طارق : شد وانتي شرفي
مرام : هي سلام موعا
اسماعيل : غر ردي بالك تناديني بيه قدام راجلك
مرام : هههههه عادي
خشو وقابلهم بوهم كيف طالع
اشرف : مشاء الله مشاء الله
مرام نزلت راسها والدمعة في عيونها لقساوة قلب بوها عليها الي ما حنش عليها بكل حتى في يوم عرسها
طارق : كنا في الشقة تساوي في شناطيها
اشرف : بدون علمي ؟
طارق : مش عطيتها ؟ راجلها عنده علم ايه
اشرف : تكلمي من امتى تطلعي من غير اذني ؟ من امتى تطلعي اصلاً ؟
مرام نزلت دمعتها لخدها وقامت راسها : امتى اخر مرة عرفت بأني موجودة في الدنيا ؟
اشرف : شوفتي امك الي طلعتي للدنيا بفضلها ولاه ؟؟ قتلتيها
مرام طاحت ع ركبتها : وانا شن دنبي لو ماتت امي
اشرف : ذنبك ذنبك كل شي الساعة الي ولدتي فيها ماتت هي فيها
مرام : بس ربي كاتب هي بتموت في هذا الوقت
اشرف : كان في امل انها تعيش لو ما ولدتيش
طارق : انت اصلا لو كنت تحب امي راه اهتميت بيها
مرام : بدال ما تحط اللوم عليا حطه عليك
اشرف : اني بوكم يا حيوانات
طارق : وحرام فيك ، هيا مرام
اشرف : مرام اقعدي اهني وانت خش
طارق : ما تلعبش دور الاب توا
اشرف : طااارق اطلع برا الحوش اطللع
طارق : تم { بصوت عالي } مرام هيا معاي
اشرف بصوت عالي : مراااااام اقعدي في مكانك
طارق وطى صوته : مش حيدير فيك خير راه هيا تعالي معاي
اشرف بصوت عالي : خشي الداخل
مرام : نحبك يا طارق بس
اشرف : اخر مرة نقوللها خشي الداخل
مرام انخلعت : حاضر { خشت الداخل } خالتي خالتي
منال : عيونها
مرام ضبطتها : شن ذنبي اني شن ذنبي قوليلي اني شن ذنبي اصلا اني بروحي نتمنى ان ماما عايشة بش تحميني منهم بس علاش هكي تعبت والله تعبت عييت نواسي روحي عييت نشيل في قلبي عييت نتحمل قساوتهم وكلامهم 😭
منال : الله يرحمها كان عايشة بجديات بتحميك منهم لكن هذاك عمرها وبدال ما تمشي هكي خلتلنا بنت من رويحتها من شكلها منها هي
مرام : قصدك اني نشبه لماما ؟
منال : تشبهيلها ايه ههههه ، حتى هي هكي خدودها وخشمها ووجها عيونها هكي كبار وعندها رموش هكي كانت ريحتها حتى هي
مرام ابتسمت بدموعها : يعني قطعة من ماما
منال : انتي كل ماما مش قطعة بس
ابتسمت مرام : نحبك يا ماما منال
منال ضبطتها : هيا خلينا نتوتو بيجو الناس قريب
مرام : ايه تمام بس المعازيم مش هلبا راه
منال : لا عزمت خالاتي وبناتهم وعماتي خواتي وعماتك يتكبرو علينا فوتيهم
مرام : حقق الله ربي بعتك ليا نعمة والله
منال : هههههه وحتى انتي ، هيا امشي دوشي وارتاحي توا اني والبنات نضمو الجنان ونفرشوه
مرام : الله لا يحرمني منكم
منال : ولا منك يارب
-
في سيارة #طارق
طارق : الو
المرا : الو من معاي ؟
طارق : سألت عليك وقالولي انتي يعني تخدمي في الاعراس
المرا : بالضبط
طارق : والله عندي عرس تلات ايام
المرا : امتى ؟
طارق : اليوم وغدوا وبعد غدوا
المرا : اوك تمام
طارق : تمام وخيتي فلوسك تاخديهم من بنت اسمها اميرة
المرا : اميرة تمام ان شاء الله
طارق : سلامات مالا
المرا : سلام
طارق : هكي تمام توا { خدي تليفونه واتصل بـ
منال : ايوا
طارق : وينك
منال : في المحل غر بنشري كم حاجة خمسة ونجي
طارق : تمام لكن وقت راه
منال : تمام هي
-
خش ايمن للحوش
ايمن صوته خشن ويخوف : السلام عليكم
خلود : ياا ماامااا
خولة تحشمت : وعليكم السلام
ايمن : العرس في الليل مش توا
خلود : رقق صوتك شوية وانت تهرب قبيلة بحيواناتها
ايمن فنص : في من تكلمي
خلود صيحت : يا مرااااام شكلي بنموت اهني
مرام جت تجري :...